پنجاب حکومت بےگھر افراد کو مفت پلاٹ دےگی
اشاعت کی تاریخ: 28th, January 2025 GMT
لاہور(نیوز ڈیسک)وزیراعلی مریم نواز شریف کا خواب۔۔۔ہر بے گھر کے لئے اپنی چھت۔۔وزیراعلی مریم نواز شریف کی ہدایت پر 3اور 5مرلے کی ہاؤسنگ سکیموں کا تفصیلی جائزہ لیا گیا۔ اس موقع پر وزیراعلیٰ پنجاب نے بےگھر افراد کو مفت پلاٹ دینے کی سکیم کا بھی جائزہ لیا۔
تفصیلات کے مطابق عوام کو فری پلاٹ دینے کے لئے ٹی او آرز طے کرنے کے لئے 8رکنی کمیٹی قائم کردی گئی۔ وزیراعلیٰ مریم نوازشریف نے فروری میں پنجاب میں 20ہزار گھروں کی تعمیر کا ٹارگٹ دے دیا۔وزیراعلیٰ مریم نوازشریف نےپنجاب میں گھر بنانے کا ہدف پورا کرنے کا حکم دیدیا۔
اپنے بیان میں مریم نواز کا کہنا تھا کہ سالانہ ایک لاکھ گھروں کی تعمیر کا ہدف ہر صورت پورا کیا جائے۔
بتایا گیا ہے کہ پنجاب کے22اضلاع میں 35ہاؤسنگ سکیمیں،2807پلاٹوں کی ڈویلپمنٹ کا کام مکمل ہے۔7اضلاع میں 9ہاؤسنگ سکیمیں،1119پلاٹوں کی ڈویلپمنٹ کا عمل تیز کرنے کا حکم جاری کردیا گیا ہے۔
اس حوالے سے وزیر اعلیٰ پنجاب مریم نوازشریف کی زیر صدارت خصوصی اجلاس منعقد کیا گیا۔ اپنی چھت،اپنا گھر پروگرام کے پراجیکٹس پر پیش رفت کا تفصیلی جائزہ لیا گیا۔ اجلاس میں پنجاب میں بے گھر شہریوں کو مفت پلاٹ دینے کیلئے سکیم کا تفصیلی جائزہ، سفارشات اورتجاویز پر غور کیا گیا۔
وزیراعلیٰ کا کہنا تھا کہ 9015 مکانوں کی تعمیر کے لئے 8ارب 20کروڑ روپے کے قرضے جاری کیے گئے ہیں۔2050 افراد کو مکانات کی تعمیرات کیلئے قرض کی دوسری قسط بھی مل گئی۔اپنی چھت،اپنا گھر پروگرام کے تحت4841گھر زیر تکمیل ہیں۔اپنی چھت،اپنا گھر پورٹل پروزٹ کرنے والے شہریوں کی تعداد7لاکھ28ہزارسے بڑھ گئی۔
بریفنگ میں بتایا گیا کہ اپنی چھت،اپنا گھرکیلئے تقریبا4لاکھ سے زائد درخواستیں مکمل دستاویزات کے ساتھ آگئیں۔74ہزار سے زائد ڈرافٹ ایپلی کیشن بھی اپنی چھت،اپنا گھر پورٹل میں جمع،دستاویزات جمع کرانے کا عمل جاری ہے۔
مزیدپڑھیں:قلعہ عبداللہ ،سیکیورٹی فورسز سے فائرنگ کے تبادلے میں 5خوارج ہلاک،2 جوان شہید
ذریعہ: Daily Ausaf
کلیدی لفظ: اپنی چھت اپنا گھر کے لئے
پڑھیں:
پنجاب حکومت اور ٹرانسپورٹرز کے درمیان امور طے، ہڑتال ختم
وزیراعلیٰ پنجاب مریم نواز شریف نے ٹرانسپورٹ کے شعبے کو صنعت کا درجہ دینے کا فیصلہ کیا ہے، جس کا ٹرانسپورٹرز نے خیرمقدم کیا اور اس اقدام کی حمایت کا اظہار کیا۔
تفصیلات کے مطابق صوبائی وزیر ٹرانسپورٹ بلال اکبر کو مرکزی کوآرڈینیٹر مقرر کیا گیا ہے اور ٹرانسپورٹ کے شعبے کی بہتری، ترقی اور مسائل کے حل کے لیے چار کمیٹیاں قائم کی گئی ہیں۔ یہ کمیٹیاں درج ذیل ہیں: گڈز ٹرانسپورٹ کمیٹی، منی مزدا ٹرانسپورٹ کمیٹی، پبلک ٹرانسپورٹ کمیٹی، سٹاف ڈیوٹی وہیکل کمیٹی، یہ کمیٹیاں ٹرانسپورٹرز کی سفارشات مرتب کریں گی اور سینئر صوبائی وزیر مریم اورنگزیب کو پیش کریں گی۔ آئندہ بدھ کو ٹرانسپورٹرز اور حکومت کی جانب سے مشترکہ پریس کانفرنس میں حتمی تجاویز کا اعلان کیا جائے گا۔
اس فیصلے کے بعد ہڑتال بھی باضابطہ ختم کر دی گئی ہے اور کمیٹیاں مستقل بنیادوں پر ٹرانسپورٹ سے متعلق مسائل کی نگرانی اور سفارشات پر عمل درآمد کا جائزہ لیں گی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر