کامیڈی اور تھرل سے بھرپور ویب سیریز ’فروٹ چاٹ‘ کا ٹریلر ریلیز
اشاعت کی تاریخ: 28th, January 2025 GMT
پاکستان کے عالمی ایوارڈ یافتہ نوجوان ہدایتکار معیز عباس کی کامیڈی تھرل ویب سیریز ’فروٹ چارٹ‘ کا ٹریلر ریلیز کردیا گیا۔
8 قسطوں پر مشتمل اس ویب سیریز کی کہانی مشہور رائٹر اور ہیومن ایکٹیوسٹ تنزیلا خان نے تحریر کی ہے، جو خود اس میں ’شبانہ‘ نامی لڑکی کا مرکزی کردار ادا کر رہی ہیں۔ اس میں پاکستان شوبز کے معروف اداکار فواد جلال، نادیہ افغان اور تمکنت منصور اداکاری کے جوہر دکھاتے نظر آئے گے۔
’فروٹ چارٹ‘ کی کہانی ایک باہمت اور تعلیم یافتہ لڑکی شبانہ کے گرد گھومتی ہے، جو وہیل چیئر پر ہے اور معذوری کے باوجود زندگی میں درپیش چیلنجز کا ڈٹ کر مقابلہ کرتے ہوئے معاشرے میں اپنا مقام بنانے کی کوشش کر رہی ہے۔
View this post on InstagramA post shared by Moiz Abbas (@imoizabbas)
اس ویب سیریز میں معذوری سے جڑے سماجی تصورات اور تعصبات کو اجاگر کیا گیا ہے جس میں کامیڈی کا تڑکہ بھی ہے۔
اس ویب سریز کو فروری میں یوٹیوب چینل ’Iwishventures‘ پر ریلیز کیا جائے گا، کامیڈی سے بھرپور یہ منفرد کہانی ناظرین کو لطف اندوز کرنے کے ساتھ ساتھ ایک معذور لڑکی کیلئے روزگار، محبت، دوستی کی ضرورت و اہمیت اور ایک عورت کو معاشرے میں پیش آنے والے مسائل جیسے موضوعات پر روشنی ڈالے گی۔
یاد رہے کہ ’فروٹ چارٹ‘ پہلے ایک مختصر فلم کی شکل میں پیش کی گئی تھی، جس نے مسلم انٹرنیشنل فلم فیسٹیول (یو کے)، ویمن انٹرنیشنل فلم فیسٹیول، اور روس سے ’بہترین مختصر فلم‘ کے ایوارڈز اپنے نام کیے تھے۔
View this post on InstagramA post shared by Moiz Abbas (@imoizabbas)
واضح رہے کہ ہدایتکار معیز عباس ٹی وی اور فلم کے شعبے میں کئی کامیاب پراجیکٹس کے ذریعے بین الاقوامی سطح پر ملک کا نام روشن کر چکے ہیں۔ جبکہ معیز وہ واحد پاکستانی ہدایتکار ہونے کا اعزاز بھی رکھتے ہیں جو ’زی فائیو گلوبل کنٹینٹ فیسٹیول‘ کے دو عالمی ایوارڈز بھی جیت چکے ہیں۔
.
ذریعہ: Express News
کلیدی لفظ: ویب سیریز
پڑھیں:
اکشے کمار کی فلم ‘کیسری 2’ ریلیز ہونے کے گھنٹوں بعد ہی پائریسی کا شکار ہوکر لیک
بالی ووڈ کے مشہور اداکار اکشے کمار کی فلم ‘کیسری 2’ ریلیز ہونے کے چند گھنٹوں بعد ہی پائریسی کا شکار ہوکر لیک ہوگئی۔
ریلیز ہونے کے چند گھنٹوں بعد ہی یہ فلم مختلف غیرقانونی ویب سائٹس پر ناظرین کے لیے ایچ ڈی فارمیٹ میں دستیاب ہوگئی جس سے فلم کا بزنس متاثر ہونے کا خدشہ ظاہر کیا جارہا ہے۔
یہ بھی پڑھیے: بالی ووڈ اسٹار اکشے کمار کتنے اثاثوں کے مالک؟ پہلی بار تفصیلات سامنے آگئیں
1919 کو جلیانوالہ باغ میں پیش آنے والے سانحے کی کہانی کے گرد گھومتی اس فلم کا مداحوں کو شدید انتظار تھا اور اکشے کمار نے فلم کی اسکریننگ سے قبل ایک ویڈیو پیغام میں مداحوں سے کہا تھا کہ وہ فلم دیکھنے سینیما گھروں کا رخ کریں تاہم فلم ریلیز ہونے کے چند ہی گھنٹوں بعد ویب سائٹ پر غیرقانونی طور پر دستیاب ہوگئی۔
فلم پائریسی کا شکار ہونے کے بعد فلم ماہرین خدشے کا اظہار کررہے ہیں کہ اس سے فلم کے بزنس پر بھی منفی اثر پڑسکتا ہے۔
تاہم ان خدشات کے باوجود یہ فلم ریلیز کے 2 دنوں کے اندر باکس آفس میں 9.5 کروڑ روپے کما چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اکشے کمار بالی ووڈ فلم کیسری 2
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ