چیمپئینز ٹرافی؛ بمراہ فٹ ہوگئے تو معجزہ ہوگا
اشاعت کی تاریخ: 28th, January 2025 GMT
بھارتی کرکٹ ٹیم کے فاسٹ بولر جسپریت بمراہ کی چیمپئینز ٹرافی میں شرکت پر غیر یقینی کے بادل منڈلانے لگے۔
میڈیا رپورٹس کے مطابق دورہ آسٹریلیا میں پانچویں ٹیسٹ میچ کے دوران کمر کی تکلیف کا شکار ہونیوالے بھارتی فاسٹ بولر جسپریت بمراہ کی میگا ایونٹ میں شمولیت کھٹائی میں پڑتی دیکھائی دے رہی ہے۔
بھارت نے جسپریت بمرا کا نام انگلینڈ سے ون ڈے سیریز اور چیمپئینز ٹرافی کے اسکواڈ میں شامل کیا گیا ہے مگر سامنے آنے والی ایک رپورٹ میں بمرا کی دستیابی کے حوالے سے غیریقینی ظاہر کرتے ہوئے یہاں تک کہا گیا ہے کہ اگر فاسٹ بولر 19 فروری سے شروع ہونے والی چیمپئنز ٹرافی کیلیے فٹ ہوگئے تو یہ کوئی معجزہ ہوگا۔
مزید پڑھیں: چیمپئینز ٹرافی؛ بھارت کو بڑا دھچکا لگنے کا امکان
ادھر ایک اور فاسٹ بولر محمد شامی بھی فٹنس مسائل کا شکار ہیں، انہیں انگلینڈ کیخلاف ہوم سیریز میں ابتک کھیلنے کا موقع نہیں مل سکا ہے۔
محمد شامی (جنہوں نے نومبر 2023 میں ورلڈ کپ فائنل کے بعد سے کوئی میچ نہیں کھیلا) کو انگلینڈ کے خلاف 5 ٹی20 میچز کی سیریز کیلئے اسکواڈ کا حصہ بنایا گیا ہے۔
مزید پڑھیں: نسیم شاہ جسپریت بمراہ سے بہتر بالر قرار
فاسٹ بولر ابتدائی 2 میچز میں پلیئنگ الیون کا حصہ نہیں بنایا گیا جس سے ان کے ان فٹ ہونے کے متعلق قیاس آرائیاں کی گئیں لیکن سِتانشو کے مطابق ویٹرن پیسر کو گیند کرانے میں کسی مسئلے کا سامنا نہیں۔
.ذریعہ: Express News
کلیدی لفظ: چیمپئینز ٹرافی فاسٹ بولر
پڑھیں:
گاناہٹاؤ، ورنہ مقدمہ ہوگا،ٹک ٹاکرمناہل ملک کی دھمکی
لاہور(نیوز ڈیسک) سوشل میڈیا پر ٹک ٹاکر مناہل ملک ایک مرتبہ پھر تنازع کا مرکز بن گئیں،اس بار ان کا نشانہ کوئی ویڈیو نہیں بلکہ ایک مشہور گلوکار کا نیا گانا ہے۔ مناہل کا کہنا ہے کہ گلوکار عمیر اعوان نے اپنے تازہ ریلیز ہونے والے گانے میں اُن کی نجی زندگی سے جڑی ویڈیوز استعمال کی ہیں۔جس پر ٹک ٹاکر نے قانونی کارروائی کی دھمکی دے دی ہے۔
تفصیلات کے مطابق مشہور ٹک ٹاکر مناہل ملک نے اپنا ایک اور ویڈیو بیان جاری کیا ہے جس میں مناہل ملک نے کہا ہے کہ عمیر اعوان کے نئے گانے ’لارے آ‘ میں میری زندگی سے منسوب چیزوں کو شیئر کیا گیا ہے جو مجھے بالکل پسند نہیں آیا۔میں واضح طور پر عمیر اعوان کو 24 گھنٹوں میں یوٹیوب سے گانا ہٹانے کا الٹی میٹم دیتی ہوں۔
ان کا کہنا ہے کہ اگر ایسا نہ کیا گیا تو وہ گلوکار کے خلاف قانونی چارہ جوئی کریں گی اور ایف آئی آر درج کروائیں گی۔
دوسری طرف گلوکار عمیر اعوان نے اس تمام صورتحال پر ردعمل دیتے ہوئے نہایت دوٹوک الفاظ میں کہا ہے کہ وہ گانا کسی صورت ڈیلیٹ نہیں کریں گے اور مناہل جو کرنا چاہیں کر لیں۔
یہ گانا، جس کا عنوان ’لارے آ‘ ہے، تین روز قبل یوٹیوب پر ریلیز ہوا تھا اور اب تک تقریباً 99 ہزار ویوز حاصل کر چکا ہے۔ مناہل کے بیان کے بعد اس گانے کو مزید پذیرائی مل رہی ہے، جب کہ سوشل میڈیا صارفین اس معاملے کو “پبلسٹی اسٹنٹ” بھی قرار دے رہے ہیں۔
مزیدپڑھیں:ہنی سنگھ کی 25 سالہ مصری ماڈل کے ساتھ ڈیٹنگ کی افواہیں سرگرم، ویڈیو وائرل
ایران امریکہ مذاکات اس وقت اہم ثابت ہونگے جب برابری کی بنیاد پر ہونگے، علامہ ساجد نقوی