عبدالوحید قریشی کی رحلت جماعت اسلامی ہی نہیںپورے حیدرآباد کے لیے باعث غم ہے‘ رخشندہ منیب
اشاعت کی تاریخ: 28th, January 2025 GMT
کراچی (اسٹاف ر پورٹر)سابق امیر جماعت اسلامی عبدالوحید قریشی کی رحلت صرف جماعت اسلامی ہی نہیں پورے حیدرآباد کے لیے باعث غم ہے انہوں نے ساری زندگی بلا تفریق لوگوں کی خدمت کی انہیں ان کے اعلیٰ کردار و اخلاق کے باعث ہمیشہ یاد رکھا جائے گا۔ان خیالات کا اظہار جماعت اسلامی حلقہ خواتین کی ناظمہ صوبہ سندھ رخشندہ منیب نے مرحوم کے اہل خانہ سے تعزیت کرتے ہوئے کیا اس موقع پر نائب ناظمہ شگفتہ ابراہیم اور نگران نشرو اشاعت صائمہ افتخار بھی ان کے ہمراہ تھیں انہوں نے مزید کہا کہ مرحوم نے زندگی کی آخری سانس تک اعلائے کلم? اللہ کی جدودجہد میں اپنا حصہ ڈالا ان کا کردار ہمارے لیے مشعل راہ ہے۔اور ان شا اللہ ان کے جلائے ہوئے چراغ ہمیں روشنی دیتے رہیں گے۔علاوہ ازیں بہ حیثیت معلمہ ہماری ذمہ داری دہری ہوجاتی ہے کہ ہم ناصرف خود اپنے مقصد حیات سے بہ خوبی آشنا اپنے فرائض سے آگاہ ہوں بل کہ اپنے شاگرد کی بھی تربیت ایسی کریں کہ انہیں اپنی زندگی کے اصل و اعلی مقصد سے آگاہی ہوئی۔اور وہ بھی اللہ کی زمین پر اللہ کے نظام کے نفاذ کی جدودجہد میں اپنا حصہ ڈالیں۔ان خیالات کا اظہار حلقہ خواتین جماعت اسلامی صوبہ سندھ کی ناظمہ رخشندہ منیب نے حیدرآباد میں واقع قرآن انسٹی ٹیوٹ کیمپس 1 اور 2 کے دورہ کے دوران پرنسپلز اور معلمات سے گفتگو کے دوران کی۔ مسلمان زمین پر اللہ کے نائب و خلیفہ ہیں اگر اس ذمہ داری کی ادائیگی میں کوتاہی برتی تو اللہ تعالیٰ ہماری جگہ دوسروں کو لے آئے گا اور ان سے اعلائے کلم? اللہ کا کام لے گا۔انہوں نے کہا اصل و نفع بخش علم وہی ہے جو ہمیں رب کی پہچان کرایے اور اپنے مقصد وجود سے آگاہ کراتے ہوئے اپنی ذمہ داریوں کی ادائیگی کا احساس دلائے۔اس موقع پر نائب ناظمات شگفتہ ابراہیم ، فخر النسا اور نگران نشر و اشاعت صائمہ افتخار بھی ان کے ہمراہ تھیں۔ بعد ازاں ناظمہ صوبہ نے ضلعی نظم اور قرآن انسٹیٹیوٹ کی انتظامیہ سے ادارہ کے مسائل اور انتظامی معاملات پر آگہی حاصل کی۔
.ذریعہ: Jasarat News
کلیدی لفظ: جماعت اسلامی
پڑھیں:
شکیل احمد ترابی جماعت اسلامی پاکستان کے نئے سیکرٹری اطلاعات مقرر
شکیل احمد ترابی زمانہ طالب علمی میں اسلامی جمعیت طلبہ اور بعدازاں جماعت اسلامی کشمیر سے وابستہ رہے، وہ میڈیا امور کا طویل تجربہ رکھتے ہیں، سابق سیکرٹری اطلاعات قیصر شریف کو جماعت اسلامی کی تنظیمی ذمہ داریاں دینے کا فیصلہ کیا گیا ہے۔ اسلام ٹائمز۔ امیر جماعت اسلامی حافظ نعیم الرحمن نے شکیل احمد ترابی کو جماعت اسلامی پاکستان کا نیا سیکرٹری اطلاعات مقرر کردیا ہے۔ انہوں نے جماعت اسلامی کے مرکز منصورہ میں اپنی ذمہ داریاں سنبھال لی ہیں۔ شکیل احمد ترابی زمانہ طالب علمی میں اسلامی جمعیت طلبہ اور بعدازاں جماعت اسلامی کشمیر سے وابستہ رہے، وہ میڈیا امور کا طویل تجربہ رکھتے ہیں۔ سابق سیکرٹری اطلاعات قیصر شریف کو جماعت اسلامی کی تنظیمی ذمہ داریاں دینے کا فیصلہ کیا گیا ہے۔
سپریم کورٹ : 9 مئی کے مزید اہم مقدمات سماعت کے لیے مقرر