میرپور ماتھیلو: سونانی شر گینگ کیخلاف کارروائی، 2 مغوی بازیاب
اشاعت کی تاریخ: 28th, January 2025 GMT
میرپور ماتھیلو (پ ر) ایس پی اباوڑو عبدالقادر سومرو کی سربراہی میں مغویوں کی بازیابی کے لیے اغواء کاروں کے خلاف مسلسل کچے میں آپریشن جاری تھا، گزشتہ رات ڈی ایس پی اباوڑو عبدالقادر سومرو کو اپنے خفیہ ذرائع کے ذریعے اطلاع ملی کہ 2 مغویوں کو رونتی کچہ میں ڈاکوؤں/ اغواء کاروں کے پاس پہنچایا گیا ہے، اغواء کار دونوں مغویوں کو رات کسی بھی وقت کسی دوسری جگہ منتقل کر رہے ہیں، اطلاع ملتے ہی عبدالقادر سومرو کی سربراہی میں ڈی ایس پی رونتی زاہد حسین میرانی، ایس ایچ او تھانہ شہید دین محمد لغاری صفیع اللہ انصاری، ایس ایچ او اباڑو محمد رمضان ملاح، ایس ایچ او کھمبڑا امام دین چانڈیو، ایس ایچ او آندل سندرانی محمد اسلم چاچڑ، انچارج کموں شہید شاہد حسین کلہوڑو اور انچارج اسپیشل ٹیم زوار حسین بوہڑ نے 6 اے پی سی چین، 8 موبائلز بمہ بھاری نفری فوراً نشاندہی والی جگہ پہنچ کر علاقے کو گھیرے میں لیا تو پولیس اور ڈاکوؤں کے درمیان مقابلہ ہو گیا، گھیرا تنگ ہوتا ہوا دیکھ کر اور گرفتاری کے خوف سے اغواء کار مغویوں کو چھوڑ کر فرار ہوگئے۔ فائرنگ کے تبادلے کے بعد پولیس نے دونوں مغویوں کو بحفاظت بازیاب کرا لیا۔ پولیس نے ڈاکوؤں/ اغواء کاروں کے گھروں کو آگ لگا کر اے پی سی چین کے ذریعے مسمار کر دیا، مغویوں کو قانونی کارروائی کے بعد ورثا کے حوالے کیا جائے گا۔
.ذریعہ: Jasarat News
کلیدی لفظ: ایس ایچ او مغویوں کو
پڑھیں:
پنجاب غیرملکی سرمایہ کاروں کے لیے محفوظ اور پرکشش مقام ہے، اسپیکر پنجاب اسمبلی
اسپیکر پنجاب اسمبلی ملک محمد احمد خان کی پرتگال کے سرمایہ کاروں سے اسپیکر ہاؤس میں ملاقات ہوئی۔ اس موقع پر اسپیکر پنجاب اسمبلی کی طرف سے وفد کے اعزاز میں استقبالیہ تقریب بھی منعقد ہوئی۔
ملاقات میں پنجاب میں سرمایہ کاری کے فروغ پر پرتگالی وفد اور اسپیکر ملک محمد احمد خان کے درمیان تبادلہ خیال ہوا۔
اسپیکر ملک محمد احمد خان کا کہنا تھا کہ پنجاب غیرملکی سرمایہ کاروں کے لیے محفوظ اور پرکشش مقام ہے، اسپیشل انویسٹمنٹ فیسلیٹیشن کونسل (ایس آئی ایف سی) سرمایہ کاروں کو سہولیات فراہم کر رہی ہے۔
یہ بھی پڑھیے: چولستان نہری منصوبے پر سندھ کے اعتراضات، معاملہ افہام و تفہیم سے حل ہونا چاہیے: اسپیکر پنجاب اسمبلی
ملک محمد احمد خان کا کہنا تھا کہ بین الاقوامی سرمایہ کاری معیشت کی ترقی کی بنیاد ہیں، صحت، آئی ٹی، انرجی اور زراعت کے شعبوں میں سرمایہ کاری کا خیر مقدم کرتے ہیں، پنجاب اسمبلی سرمایہ کار دوست قانون سازی میں کلیدی کردار ادا کر رہی ہے۔
اس موقع پر پرتگال کے وفد نے سرمایہ کاری کے مواقع کو حوصلہ افزا قرار دیا اور اسپیکر کی میزبانی پر اظہارِ تشکر کیا۔
پرتگالی سرمایہ کاروں نے پنجاب میں سرمایہ کاری پر دلچسپی کا اظہار کیا جس پر اسپیکر ملک محمد احمد خان نے پرتگالی سرمایہ کاروں کو ہر ممکن تعاون کی یقین دہانی کروائی۔
یہ بھی پڑھیے: سمندر پار پاکستانیوں کے لیے خصوصی عدالت کے قیام کا قانون پنجاب اسمبلی سے منظور
وفد میں علی اصغر کمرشل کونسلر ایمبیسی آف اسپین، لوئس فرانسیسکو، اوسکار مانوئل، ٹییاگو میگوئل اور امیلکار یونو سمیت دیگر پرتگال کے سرمایہ کار شامل تھے۔
تقریب میں ممبران اسمبلی احمد سعید خان، راحیلہ خادم، افتخار چھچھڑ، آغا علی حیدر بھی موجود تھے۔
اس کے علاوہ ممبران اسمبلی حنا پرویز بٹ، سارہ احمد، عارف گل، حسن رضا، خرم ورک،احمد لغاری، رانا عبدالمنان، غزالی سلیم بٹ، فیبلس کرسٹوفر اور سیکرٹری جنرل چودھری عامر حبیب بھی تقریب میں شریک ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پرتگال پنجاب اسمبلی سرمایہ کار
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟