حکومت نےنوجوانوں کی ترقی کیلئے انقلابی منصوبے شروع کئے ہیں، دولت مشترکہ ایشیا یوتھ الائنس وزارتی سمٹ میں مختلف ممالک کے درمیان تعاون اور تبادلوں پر تبادلہ خیال کیا جائے گا، رانا مشہود احمد خان
اشاعت کی تاریخ: 27th, January 2025 GMT
اسلام آباد (اُردو پوائنٹ اخبارتازہ ترین - اے پی پی۔ 27 جنوری2025ء) چیئرمین وزیراعظم یوتھ پروگرام رانا مشہود احمد خان نے کہا ہے کہ نوجوانوں کی ترقی کیلئے حکومت نے انقلابی منصوبے شروع کئے ہیں، پاکستان میں ہونے والے دولت مشترکہ ایشیا یوتھ الائنس وزارتی سمٹ میں مختلف ممالک کے درمیان تعاون اور تبادلوں پر تبادلہ خیال کیا جائے گا، ڈیجیٹل یوتھ ہب پورٹل پر نوجوانوں کیلئے ملک اور بیرون ملک ملازمتوں، سکالر شپس کے مواقع کے بارے میں آگاہی ہو گی۔
ان خیالات کا اظہار انہوں نے پیر کو میڈیا سے گفتگو کرتے ہوئے کیا۔ رانا مشہود احمد خان نے کہا کہ معیشت، سیاست سمیت ہر شعبے میں ہر آنے والا دن ملک میں نئی خوشخبریاں لا رہا ہے، ملکی ترقی کیلئے معاشی و سیاسی استحکام ناگزیر ہے، آج پاکستان کے بارے میں پوری دنیا کی رائے مثبت ہے، دنیا پاکستان کے ساتھ شراکت داری کی خواہاں ہے، پاکستان میں کامیابی کے ساتھ ایس سی او سمٹ کا انعقاد کیا گیا ،مختلف ممالک پاکستان میں سرمایہ کاری کر رہے ہیں، وزیراعظم شہباز شریف نے کشکول توڑ دیا ہے اور ملک کو برابری کی بنیاد پر دنیا سے جوڑ دیا ہے، آج دنیا پاکستان میں اربوں ڈالر کی سرمایہ کاری کرنے آ رہی ہے، ترک صدر جلد پاکستان کا دورہ کر رہے ہیں۔(جاری ہے)
انہوں نے کہا کہ موجودہ حکومت اور قیادت نوجوانوں کو بااختیار بنانے کیلئے پرعزم ہے۔ انہوں نے کہا کہ شہباز شریف نے نوجوانوں کو لیپ ٹاپ اور سکالرشپس دیئے، کھیلوں کے میدان میں نوجوانوں کے مواقع دیئے، موجودہ حکومت نوجوانوں کو ہر سطح پر مواقع فراہم کر رہی ہے۔ انہوں نے کہا کہ سابق وزیراعظم نواز شریف نے 2013ء میں یوتھ پروگرام کا آغاز کیا، مریم نواز اس کی پہلی چیئرپرسن بنیں، نوجوانوں کو بااختیار بنانے کیلئے جس سفر کا آغاز کیا گیا وہ خواب اب شرمندہ تعبیر ہو رہا ہے۔ انہوں نے کہا کہ نیشنل یوتھ کونسل کے ملک سے 100 ممبران اور دنیا بھر سے 13 رکن میرٹ پر منتخب کئے گئے، وزیراعظم شہباز شریف (کل ) منگل کو ان سے حلف لیں گے، یہ ملک کی ترقی و خوشحالی کا حلف ہو گا اور یہ نوجوان یوتھ ایڈوائزری کونسل میں شامل ہوں گے، یہ کونسل نوجوانوں کو بااختیار بنانے کیلئے پالیسی سازی اور فیصلہ سازی میں اپنا کردار ادا کرے گی، یہ ملک کے نوجوانوں کا ہراول دستہ ہیں، یہ نوجوانوں کیلئے تعلیم، فنی تعلیم، کھیل، ماحولیات اور آئی ٹی سمیت دیگر شعبوں میں اقدامات کے حوالے سے اپنا کردار ادا کریں گے۔ انہوں نے کہا کہ پاکستان کی پہلی نیشنل یوتھ ایمپلائمنٹ پالیسی لا رہے ہیں جس سے یوتھ کے روزگار کے مسائل حل ہوں گے، نیشنل یوتھ پالیسی کا اجرا کر رہے ہیں۔ انہوں نے کہا کہ دولت مشترکہ ایشیا یوتھ الائنس کا اجلاس پاکستان میں ہو رہا ہے، پاکستان اس وزارتی کونسل کا چیئرمین ہے اور اس کا سیکرٹریٹ پاکستان میں قائم کیا گیا ہے، ازبکستان، آذربائیجان، ترکمانستان اور بحرین سمیت 12 ممالک کے وفود بھی اس میں شرکت کریں گے، دولت مشترکہ ایشیا یوتھ الائنس کے وفود ملک میں پہنچنا شروع ہو گئے ہیں، وزارتی سمٹ میں مختلف شعبوں میں تعاون اور تبادلوں پر تبادلہ خیال کیا جائے گا۔ انہوں نے کہا کہ ملک ترقی کی راہ پر گامزن ہو چکا، سازشیں کرنے والے ناکام ہو گئے، ترقیاتی عمل آگے بڑھنے سے منفی عناصر کو تکلیف ہے۔ انہوں نے کہا کہ ڈیجیٹل یوتھ ہب پورٹل پر ملک اور بیرون ملک ملازمتوں، سکالرشپس کے مواقع کے بارے میں آگاہی ہو گی، نوجوانوں کو میرٹ پر مواقع فراہم کئے جائیں گے۔ واضح رہے کہ دولت مشترکہ ایشیا یوتھ الائنس(کایا) کا وزارتی یوتھ سمٹ (آج) منگل سے شروع ہو گا۔اس سمٹ میں دولت مشترکہ ایشیا یوتھ الائنس کا سیکرٹریٹ باقاعدہ کام کا آغاز کرے گا،یہ سیکرٹریٹ پاکستان میں قائم کیا گیا ہےاور پاکستان اس کا چیئرمین ہے۔اس موقع پر سپارک میگزین کا بھی اجرا کیا جائے گا ۔ کایا یوتھ سمٹ 2025 خطے بھر سے نوجوان رہنماؤں، پالیسی سازوں اور دیگر شراکت داروں کو جمع کرے گا تاکہ عالمی چیلنجز جیسے ماحولیاتی مسائل ، ڈیجیٹل تبدیلی اور سماجی و اقتصادی شمولیت کے لئے جدت پسندانہ حل تلاش کیے جا سکیں۔ یہ سمٹ نوجوانوں کو ایک پائیدار اور خوشحال مستقبل کے لئے بااختیار بنانے کے مشترکہ عزم کو مزید آگے بڑھائے گا۔.ذریعہ: UrduPoint
کلیدی لفظ: تلاش کیجئے انہوں نے کہا کہ بااختیار بنانے نوجوانوں کو نوجوانوں کی پاکستان میں کیا جائے گا ترقی کی رہے ہیں کیا گیا کی ترقی
پڑھیں:
میاں بیوی کے درمیان جھگڑے کی وجہ دریافت، سائنسدانوں کی حیران کن تحقیق سامنے آگئی
سائنسدانوں نے میاں بیوی کے درمیان جھگڑوں کی ایک غیرمتوقع بڑی وجہ دریافت کی ہے جو کہ دولت سے متعلق جوڑوں کے خیالات اور رویے ہیں۔
جرنل سوشل اینڈ پرسنل ریلیشن شپس میں شائع ہونے والی تحقیق کے مطابق وہ جوڑے جو دولت کو خوشی کا ذریعہ سمجھتے ہیں ان کے درمیان مالی معاملات پر کم بات چیت ہوتی ہے اور ان کا رشتہ کم اطمینان بخش ہوتا ہے۔
تحقیق میں بتایا گیا ہے کہ جب شادی شدہ جوڑے اس بات پر یقین رکھتے ہیں کہ دولت خوشی کے لیے اہم ہے تو ان کی ذہنیت مادہ پرست ہو جاتی ہے اور ان کا رویہ تبدیل ہوتا ہے۔
تحقیق کے مطابق یہ رویہ ایک دوسرے سے دوری اور تعلقات میں دراڑ کا باعث بنتا ہے۔ تاہم اگر جوڑوں کے خیالات دولت کے بارے میں ایک جیسے ہوں تو وہ آپس میں زیادہ بات چیت کرتے ہیں اور اپنے تعلق سے زیادہ مطمئن رہتے ہیں۔
شادہ شدہ جوڑوں پر تحقیق کرنے والے سائسدانوں کا کہنا ہے کہ دولت ایسا اہم عنصر ہے جو رشتے کو جوڑ بھی سکتا ہے اور اسے توڑ بھی سکتا ہے۔
ماہرین کا کہنا ہے کہ جوڑوں کو اس بات پر توجہ مرکوز کرنی چاہیے کہ وہ دولت کے بارے میں کیا سوچتے ہیں اور ایک دوسرے کے خیالات کو سمجھنے کی کوشش کرنی چاہیے تاکہ ان کے تعلقات مضبوط رہیں۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی