چیف الیکشن کمشنر کی مدت ملازمت ختم ہوچکی، انہیں مستعفی ہوجانا چاہیے، عمر ایوب
اشاعت کی تاریخ: 27th, January 2025 GMT
قومی اسمبلی میں اپوزیشن لیڈر اور پاکستان تحریک انصاف کے سینئر عمر ایوب نے کہا ہے کہ چیف الیکشن کمشنر کی مدت ملازمت ختم ہوچکی، شرم و حیا ہوں تو ان کو اپنے عہدوں سے استعفیٰ دینا چاہیے۔
پشاور ہائیکورٹ کے باہر میڈیا سے بات چیت کرتے ہوئے انہوں نے کہا کہ پشاور ہائیکورٹ ضمانت کرانے آیا ہوں، 26 نومبر کے متعدد کیسز ہمارے خلاف کئے ہیں، ایک ہی دن میں اتنے شہریوں میں کیسے جاسکتا ہوں۔
ان کا کہنا تھا کہ چیف الیکشن کمشنر کی مدت ملازمت ختم ہوچکی ہے، شرم و حیا ہوں تو ان کو اپنے عہدوں سے استعفیٰ دینا چاہیے، اسپیکر قومی اسمبلی اور سینیٹ چیئرمین کو ہم نے خطوط لکھے لیکن اس طرف سے اپنی تک کوئی جواب نہیں آیا، چیف الیکشن کمشنر کے لئے نام دیں گے۔
انہوں نے کہا کہ چیف الیکشن کمیشن کے نام پر مشاورت جاری ہے، ایک دو روز میں آپس میں مشاورت کرکے نام فائنل کریں گے، وزیراعلی کی تبدیلی کی باتوں میں کوئی سچائی نہیں۔
عمر ایوب نے کہا کہ وزیراعظم شہباز شریف ہوسکتا ہے کسی سے اجازت لے رہا ہوں، کمیشن نہ بنانے پر ہم نے مذاکرات ختم کیے، بلوچستان میں جو کچھ کیا گیا اس کی مذمت کرتا ہوں، وہاں پر بڑی تعداد میں لوگ نکلے، وہاں پر خالات ٹھیک نہیں ہے، بارڈر پر حالات خراب ہے، معاشی حالت ہی ٹھیک نہیں ہے۔
اپوزیشن لیڈر نے کہا کہ پاکستان میں اس وقت جمہوریت نہیں ہے، 26 وی ترمیم پر ججز بھی بول رہے ہیں، پیکا ایکٹ میں ترامیم آزادی اظہار پر پابندی لگانا ہے، یہ صحافیوں کے گلے کا پھندہ ہے۔
ان کا کہنا تھا کہوزیراعلی علی امین گنڈاپور بہادر وزیراعلی ہیں، جنید خان گراس روٹ ورکر ہیں، وہ پارٹی کو اچھی طریقے سے چلائیں گے، پی ٹی آئی متحد ہے، جو لوگ باتیں کررہے ہیں، ان کو خواب میں چھیچھڑے نظر آرہے ہیں۔
عمر ایوب نے کہا کہ 9 مئی اور 26 نومبر کمیشن نہ بنانے پر ہم نے مذاکرات سے بائیکاٹ کیا، 28 جنوری کو ہونے والے مذاکراتی اجلاس میں شرکت نہیں کریں گے۔
ان کا کہنا تھا کہ ورک لوڈ کی وجہ سے علی آمین گنڈا پور نے خود پی ٹی آئی کی صدارت چھوڑنے کے لئے بانی چیئرمین کو درخواست کی تھی، پی ٹی آئی متحد تھی، ہے اور رہے گی۔
پشاورہائی کورٹ نے عمر ایوب کو راہدرای ضمانت دے دی
پشاور ہائی کورٹ میں عمر ایوب کی راہدرای ضمانت درخواست پر سماعت ہوئی، درخواست پر سماعت چیف جسٹس اشتیاق ابراہیم نے کی، عمر ایوب عدالت میں پیش ہوئے۔
پشاورہائی کورٹ نے عمر ایوب کو راہدرای ضمانت دے دی۔
عمر ایوب نے کہا کہ اس وقت میرے بہت سے کیسز کے ٹرائل چل رہے ہیں، پورا ہفتہ عدالتوں میں پیش ہونا ہے۔
چیف جسٹس اشتیاق ابراہیم نے ریمارکس دیے کہ ٹھیک ہے چار ہفتے ہی تاریخ دے دیں،
عدالت عالیہ نے عمر ایوب کو 25 فروری تک راہدرای ضمانت دے دی۔
عدالت نے عمر ایوب کو ایک لاکھ دو نفری کے ضمانتی مچلکے جمع کرنے کا حکم دیا۔
اس کے علاوہ عمر ایوب کی راہدرای ضمانت کی دیگر درخواستوں پر سماعت ہوئی، سماعت جسٹس شکیل احمد نے کی اور انہیں 26 فروری تک راہداری ضمانت دے دی۔
وکیل درخواست گزار عالم خان ادینزیی ایڈوکیٹ نے کہا کہ درخواست گزار کے خلاف فیصل آباد اور اسلام آباد میں مقدمات درج کئے گئے ہیں، عمر ایوب کے خلاف فیصل آباد میں 3 اور راولپنڈی میں ایک مقدمہ درج ہے، پشاور۔ درخواست گزار عدالتوں میں پیش ہونا چاہتے ہیں، گرفتاری کا خدشہ ہے، راہداری ضمانت دی جائے۔
عدالت نے عمر ایوب کو 26 فروری تک راہدرای ضمانت دے دی اورانہیں ایک لاکھ دو نفری کے ضمانتی مچلکے جمع کرنے کا حکم دیا۔
عدالت نے درخواست گزار کو متعلقہ عدالتوں میں پیش ہونے کی ہدایت کردی۔
.ذریعہ: Express News
کلیدی لفظ: راہدرای ضمانت دے دی چیف الیکشن کمشنر عمر ایوب نے کہا نے عمر ایوب کو درخواست گزار نے کہا کہ میں پیش
پڑھیں:
پولیس کی گاڑیاں جلانے کا مقدمہ: یاسمین راشد کی درخواست ضمانت کی سماعت
فوٹو: فائلانسداد دہشت گردی عدالت لاہور نے جناح ہاؤس کے قریب چوک میں پولیس کی گاڑیاں جلانے کے مقدمے میں پاکستان تحریک انصاف (پی ٹی آئی) رہنما ڈاکٹر یاسمین راشد کی ضمانت کی درخواست کی سماعت ہوئی۔
انسداد دہشتگردی عدالت کے ڈیوٹی جج عرفان حیدر نے کیس کی سماعت کی جہاں پراسیکیوشن نے مقدمے کا ریکارڈ پیش کرنے کیلئے مہلت طلب کر لی۔
عدالت نے ریمارکس دیے کہ وکلا آئندہ سماعت پر ضمانت کی درخواست پر دلائل دیں۔
بعدازاں عدالت نے درخوات پر سماعت 22 اپریل تک ملتوی کردی۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی