ورلڈ اکنامک فورم کے دوران عالمی اشرافیہ نے لاکھوں ڈالر کہاں لٹائے؟
اشاعت کی تاریخ: 27th, January 2025 GMT
ورلڈ اکنامک فورم کے سالانہ اجلاس کے لیے گزشتہ ہفتے سوئس شہر ڈیووس میں سرکردہ کاروباری شخصیات، ماہرین تعلیم اور عالمی رہنما جمع ہوئے تاکہ موجودہ وقت کے کچھ اہم مسائل جیسے موسمیاتی تبدیلی، افراط زر یا اقتصادی ترقی پر گفتگو ممکن بنائی جاسکے۔
یہ بھی پڑھیں: معاشی چیلنجز کے باوجود پاکستان معاشی استحکام کی جانب بڑھ رہا ہے، ورلڈ اکنامک فورم
تاہم ایک بم شیل رپورٹ نے عالمی اشرافیہ کے اس اجتماع کے تاریک پہلو کو اجاگر کیا ہے، برطانوی جریدے ڈیلی میل کے مطابق ڈیووس میں ورلڈ اکنامک فورم کے دوران ایسکارٹ ایجنسیوں کی مانگ میں نمایاں اضافہ دیکھنے میں آیا ہے۔
رپورٹ میں تفصیل سے بتایا گیا ہے کہ کس طرح امیر مہمانوں نے ایسکارٹس کے لیے سب سے زیادہ ڈالر ادا کیے، یہاں تک کہ کچھ نے وائلڈ اور سیکس پارٹیوں کی میزبانی بھی کی۔
’قربت‘ کے لیے ادائیگیڈیلی میل کے مطابق، ایسکارٹ ایجنسیوں نے ورلڈ اکنامک فورم کے دوران ہر طرح کی خواتین کی مانگ میں اضافہ دیکھا، جس کے دوران فورم کے طاقتور شرکا نے ’قربت‘ کے لیے پریمیئم قیمتیں ادا کیں۔
بکنگ کے بعد عام طور پر طوائفوں کو غیر افشا کرنے والے معاہدوں پر دستخط کے لیے مجبور کیا گیا تھا لیکن وہ ہزاروں ڈالر کمانے میں کامیاب ہورہیں، کچھ خواتین نے فقط ایک بکنگ میں 6,000 پاؤنڈز تک کمائے۔
مزید پڑھیں:خواتین عمر کا چوتھائی حصہ خرابی صحت کے باعث تکلیف میں گزاردیتی ہیں، ورلڈ اکنامک فورم
ان تقریبات میں بکنگ کا اوسط دورانیہ تقریباً 4 گھنٹے تھا، جس کے نتیجے میں ایونٹ کے پہلے 3 دنوں میں صرف ایک ویب سائٹ سے بکنگ پر تقریباً 2 لاکھ 70 ہزار پاؤنڈز خرچ کیے گئے، تاہم، دیگر ایجنسیوں نے ممکنہ طور پر اس سے بھی زیادہ رقم کمائی ہوگی ، مختلف ایسکارٹس کی مجموعی بکنگ کا اندازہ تقریباً 1 ملین سوئس فرانک لگایا گیا ہے۔
ڈیووس میں عیاشیاںڈیلی میل کی رپورٹ میں دعویٰ کیا گیا ہے کہ ڈیووس میں کاروبار کے کچھ طاقتور ترین ناموں نے ایک ساتھ کئی خواتین کو بُک کیا، ادائیگی پر ’ڈیٹس‘ کا بندوبست کرنے والے ایک پلیٹ فارم کے مطابق اس سال نمایاں طور پر زیادہ سیکس پارٹیاں ہوئی ہیں، کیونکہ صرف اس پلیٹ فارم سے 90 کے قریب صارفین نے 300 ایسکارٹس بک کیے ہیں۔
مذکورہ پلیٹ فارم کے ترجمان نے ڈیلی میل کو بتایا کہ اس سال پلیٹ فارم کے ذریعے تقریباً 300 خواتین اور ٹرانس کو بک کیا گیا جبکہ گزشتہ سال یہ تعداد صرف 170 رہی تھی، جس سے ظاہر ہوتا ہے کہ پچھلے سالوں کے مقابلے میں اس مرتبہ نمایاں طور پر زیادہ سیکس پارٹیاں ہوئی ہیں۔
مزید پڑھیں:پاکستان کو درپیش 10 بڑے خطرات کون سے ہیں؟ ورلڈ اکنامک فورم نے بتا دیا
ایک اور ایسکارٹ ایجنسی کے ترجمان نے سب سے زیادہ درخواست کردہ جنسی عمل کا انکشاف کرتے ہوئے بتایا کہ غیر فطری طریقہ سب سے زیادہ درخواست کی جانے والی چیزوں میں سے ایک تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایسکارٹس ڈیلی میل سیکس عالمی اشرافیہ ورلڈ اکنامک فورم.ذریعہ: WE News
کلیدی لفظ: ایسکارٹس سیکس عالمی اشرافیہ ورلڈ اکنامک فورم ڈیووس میں پلیٹ فارم کے دوران کے لیے
پڑھیں:
اٹک: معروف بزنس مین ملک جاوید اختر نے بیٹے کی شادی پر مستحقین میں لاکھوں روپے مالیت کے درجنوں پلاٹس مفت تقسیم کر دیے
اٹک: معروف بزنس مین ملک جاوید اختر نے بیٹے کی شادی پر مستحقین میں لاکھوں روپے مالیت کے درجنوں پلاٹس مفت تقسیم کر دیے WhatsAppFacebookTwitter 0 19 April, 2025 سب نیوز
اٹک :ملک کی تاریخ میں پہلی مرتبہ معروف بزنس مین چیئر مین مہریہ ٹاؤ ن ملک جا وید اختر نے اپنے بیٹے کی شادی کی خو شی میں مستحق، نادار، یتیموں،بیواؤں اور اپنے ورکرز میں لاکھوں روپے کے درجنوں پلاٹس مفت تقسیم کر دیے، شادی کی تقریبات کا آغاز سویٹ ہوم کے بچوں، مہریہ ٹاؤن کے محنت کشوں، طالب علمو ں اور علماء کرام کے اعزاز میں پرتکلف عشائیہ سے کیا گیا۔
تفصیلات کے مطابق ضلع اٹک کی سب سے بڑی، معیاری اور اسلام طرز کی رہائشی سوسائٹی مہریہ ٹاؤن پرائیو یٹ لمیٹڈ کے چیئرمین الحاج ملک جاوید اختر کے صاحبزادے منیجنگ ڈائریکٹر مہریہ ٹاؤن حافظ ملک عاطف جاوید کی شادی کی تقریب قرآن خوانی اور محفل نعت رسول مقبول کے ساتھ درود وسلام کی صداؤں سے پروقار روحانی محفل بن گئی۔
اس موقع پر ملک احمد جاوید اختر، شیخ اجمل محمود، سابق چیئرمین بلدیہ اٹک ناصر محمود شیخ،سجادہ نشین باغ نیلاب پیر سجاد حسین شاہ بخاری،سابق ناظم یو سی شیں با غ ملک شمیم خان، چیئر مین اٹک پریس کلب رجسٹرڈ شیخ فیصل جاوید، سینئر صحافی نثار علی خان، لطف الرحمان، طاہر نقا س، ملک ریحان،ملک ادریس خان ہمک،ملک نوید ہمک،شیخ حامد محمو د رئیس آف ویسہ (کاملپو ر موسیٰ)، ملک خالد محمود ہمک،ملک ربنواز حیات ایڈووکیٹ،قاضی محمد فاروق سمیت سماجی اور مذہبی شخصیات اور ملک برادری کی سرکردہ شخصیات نے شرکت کی۔
اس موقع پر چیئر مین مہریہ ٹا ؤن ملک جاوید اختر کے وسیع وعریض فارم ہاؤس کے خوبصورت لان میں نعت خوانی اور درود وسلام کی محفل کے بعد ڈائریکٹر مہریہ ٹاؤن ملک ریحان خان نے چیئرمین ملک جاوید اختر کی جانب سے غریب، مستحق، نادا ر، یتیمو ں میں پلاٹ تقسیم کرنے کا اعلان کیا، ملک جاوید اختر کی جانب سے ان کے آبائی گاؤں ہمک کے مستحق افراد میں چار چار مرلے کے پلاٹس تقسیم کئے جبکہ مہریہ ٹاؤن پرائیویٹ لمیٹڈ کے ملازمین اور ڈیلی ویجز ورکرز میں اٹک شہر میں چار مرلے کے قیمتی پلاٹس تقسیم کیے گئے، اس موقع پر پلاٹس حاصل کرنے والے خوش نصیب افراد نے ملک جا وید اختر اور ان کے صاحبزا دوں کو مزید ترقی کی دعائیں دیں، تقریب سے ڈسٹرکٹ خطیب علامہ غلام محمد صدیقی اور دعوت اسلامی کے طاہر شاہ نے بھی خطاب کیا۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی