ملتان ٹیسٹ:پاکستان اور ویسٹ انڈیز کے درمیان آخری ٹیسٹ میچ کا فیصلہ کن مرحلہ
اشاعت کی تاریخ: 27th, January 2025 GMT
ملتان : پاکستان اور ویسٹ انڈیز کے درمیان دو ٹیسٹ میچز کی سیریز کا آخری میچ اب اپنے حتمی مرحلے میں پہنچ چکا ہے۔ قومی ٹیم کو جیت کے لیے 172 رنز درکار ہیں، جبکہ ویسٹ انڈیز کو میچ جیتنے کے لیے مزید 4 وکٹیں درکار ہیں۔ اس وقت پاکستان کی جانب سے سلمان علی آغا اور محمد رضوان کریز پر موجود ہیں۔
تیسرے دن کے آغاز پر سعود شکیل اور نائٹ واچ مین کاشف علی جلد ہی آؤٹ ہوگئے، جس کے بعد پاکستان کی ٹیم مشکلات میں آ گئی۔ دوسری اننگز میں پاکستان 254 رنز کے ہدف کے تعاقب میں 76 رنز پر 4 کھلاڑی پویلین واپس لوٹ گئے۔ شان مسعود اور محمد ہریرہ دونوں صرف 2 رنز بنا کر آؤٹ ہوئے، جب کہ کامران غلام 19 اور بابر اعظم 31 رنز بنا کر آؤٹ ہوگئے۔
ویسٹ انڈیز کی دوسری اننگز کا آغاز پاکستان کے 9 رنز کی برتری کے ساتھ ہوا تھا۔ ویسٹ انڈیز کے کپتان بریتھ ویٹ اور میکائیل لوئیس نے 50 رنز کی شراکت داری کی، مگر میکائیل 7 رنز پر آؤٹ ہوگئے۔ پھر عامر جنگو نے کپتان کے ساتھ اسکور کو 92 تک پہنچایا۔ بریتھ ویٹ نے 52 رنز بنائے، جس کے بعد نعمان علی نے انہیں آؤٹ کیا۔ ویسٹ انڈیز کی پوری ٹیم 244 رنز پر آؤٹ ہوگئی اور پاکستان کو 254 رنز کا ہدف ملا۔
پاکستان کی جانب سے نعمان علی اور ساجد خان نے شاندار بولنگ کا مظاہرہ کیا اور چار چار وکٹیں حاصل کیں، جبکہ ابرار اور کاشف نے ایک ایک کھلاڑی کو آؤٹ کیا۔ اس سے قبل، پاکستان نے سیریز کا پہلا میچ جیتا تھا، اور اب آخری میچ میں بھی دونوں ٹیموں کے لیے جیت کی دوڑ جاری ہے۔
.ذریعہ: Nai Baat
کلیدی لفظ: ویسٹ انڈیز
پڑھیں:
پاکستان اور متحدہ عرب امارات کے درمیان 3 مفاہمتی یادداشتوں پر دستخط
یو اے ای کے وزیر خارجہ شیخ عبداللہ بن زاید النہیان کے دورہ پاکستان کے موقع پر پاکستان اور متحدہ عرب امارات کے درمیان 3 مفاہمتی یادداشتوں پر دستخط کیے گئے ہیں۔
ترجمان دفتر خارجہ کے مطابق نائب وزیراعظم و وزیرخارجہ اسحاق ڈار اور متحدہ عرب امارات کے وزیر خارجہ شیخ عبداللہ بن زاید النہیان کے درمیان وفود کی سطح پر مذاکرات کا دور ہوا۔
یہ بھی پڑھیں متحدہ عرب امارات کے وزیر خارجہ کا دورہ پاکستان
ترجمان کے مطابق مذاکرات کے بعد دونوں رہنماؤں نے ثقافتی تعاون بارے مفاہمتی یادداشت پر دستخط کیے۔ اس کے ساتھ دونوں ملکوں نے قونصلر اُمور سے متعلق مشترکہ کمیٹی بنانے کی مفاہمتی یادداشت پر بھی دستخط کیے۔
ترجمان نے بتایا کہ نائب وزیراعظم و وزیرِ خارجہ اسحاق ڈار نے پاکستان متحدہ عرب امارت مشترکہ بزنس کونسل کے قیام سے متعلق مفاہمتی یادداشت پر دستخط کرنے کی تقریب میں بھی شرکت کی۔
ترجمان دفترِ خارجہ کے مطابق مذکورہ مفاہمتی یادداشتوں کا مقصد دونوں ملکوں کے عوام اور کاروبار میں تعلقات کو زیادہ مضبوط کرنا ہے۔
یہ بھی پڑھیں پاکستانیوں کے لیے خوشخبری، متحدہ عرب امارات نے نئی ویزا پالیسی جاری کردی
واضح رہے کہ متحدہ عرب امارات کے وزیر خارجہ شیخ عبداللہ بن زاید النہیان پاکستان کا دورہ مکمل کرکے واپس روانہ ہوگئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان دستخط متحدہ عرب امارات مفاہمتی یادداشتیں نائب وزیراعظم وزیر خارجہ وی نیوز یو اے ای
امریکی شہریت رکھنے والے یرغمالی سے متعلق حماس کا اہم بیان سامنے آگیا