ہنگورجہ،شاعر حضرت سید معراج علی رضا شاہ کا عرس منایاگیا
اشاعت کی تاریخ: 27th, January 2025 GMT
ہنگورجہ(نمائندہ جسارت) سندھ کے عظیم صوفی بزرگ اور نامور شاعر حضرت سید معراج علی رضا شاہ جھانیان کا سالانہ عرس رانی پور کے قریب بڑے جوش و خروش سے منایا گیا۔ اس موقع پر ادبی کانفرنس کا انعقاد کیا جس کو نامور ادیب پروفیسر خاوند ڈیو لاڑک، سعید بھیلار، لالان چنا اور دیگر نے مقالا پیش کیا۔ انہوں نے کہا جھانیان خاندان کے شعراکی شاعری اور خاندان نے محبت علم کا سنگم ہے۔ صوفی شاعروں نے سندھ دھرتی پر امن، محبت اور سلامتی کا پیغام دیا ہے۔ سید مہدی شاہ ،سیدشیر علی شاہ، سید معراج علی رضا شاہ، سید ثمر علی شاہ جہانیاں جو صوفی راگ کو عروج پر لے آئے ہیں اور صوفی راگ کا حقیقی عاشق سے گہرا تعلق ہے۔ یہاں صوفیانہ کلام پیش کرنے والوں نے اپنے ملک میں اپنا نام روشن رکھا ہے۔انہوں نے کہا کہ جھانیان خاندان حیدرآباد ،گچیرو اور رانی پور کے قریب رہائش اختیار کی یہاں کے جھانیان خاندان کا رانی پور کے پیر،راشدی اور ٹالپروں سے قریبی تعلق تھا یہ درگاہ صوفی فنکاروں کے لیے ادارے کی حیثیت رکھتی ہے۔ اس موقع پر ریڈیو ،ٹی وی کے نامور صوفی فنکاروں خانصاحب فتح علی خان ،عزت علی خان ، سیدوزیرعلی شاہ ،حمید راجپر،فقیر نجم علی،حسین ڈنو، منصورعلی عباسی،امتیاز علی،شاھد چانڈیو،فقیر شفائت علی،فقیر سائم علی سمیت دیگراں نے مہدی سائیں، شیرعلی شاہ،سمرعلی شاہ،جانن چن،سچل سائین،لطیف سائین کے کلام پیش کرکے سرد رات میں محفل کو گرم کیا اور خوب داد حاصل کیا ۔ جھانیان خاندان کے ڈاکٹر عاشق علی شاہ ،میجر سید تصور علی شاہ ،سید مہتاب علی شاہ،سید مقبول علی شاہ ،راجا شاہ ،یونین کونسل سیٹھارجہ بالا کے چیئرمین ڈاکٹر ذاکر حسین سولنگی ، صحافی عبدالرحیم سولنگی ،حفیظ منگی،علی داد راجپر،عمران علی اور سندھ ،بلوچستان،پنجاب کے عقیدت مندوں نے بڑی تعداد میں شرکت کی سیکورٹی کا انتظام انتہائی سخت کردیں گے تھے۔
.ذریعہ: Jasarat News
کلیدی لفظ: جھانیان خاندان علی شاہ
پڑھیں:
پپپلز پارٹی پنجاب میں کسانوں کے حقوق کا پرچم بلند کرے گی
جڑانوالہ میں جیالوں سے خطاب کرتے ہوئے گورنر پنجاب کا کہنا تھا کہ ایک ہی خاندان کے 12 لوگوں کی شہادت کا سنا تو سوچا ضرور جاؤں گا، حکومت میں اعلیٰ عہدے پر رہ کر غمزدہ خاندان کے ساتھ اظہار ہمدردی کے لیے آنا ضروری سمجھا۔ اسلام ٹائمز۔ گورنر پنجاب سردار سلیم حیدر خان لنڈیانوالہ ٹریفک حادثہ میں 12 افراد کے جاں بحق ہونے والوں کے ورثاء سے تعزیت کیلئے جڑانوالہ پہنچ گئے۔ جڑانوالہ آمد پر سابق ٹکٹ ہولڈر رائے وقاص اسلم کے ڈیرے پر جیالوں سے خطاب کرتے ہوئے سردار سلیم حیدر خان کا کہنا تھا کہ ایک ہی خاندان کے 12 لوگوں کی شہادت کا سنا تو سوچا ضرور جاؤں گا، حکومت میں اعلیٰ عہدے پر رہ کر غمزدہ خاندان کے ساتھ اظہار ہمدردی کے لیے آنا ضروری سمجھا۔ انہوں نے کہا کہ موجودہ صورتحال میں کسانوں کو مشکلات کا سامنا کر نا پڑ رہا ہے، بہت جلد بلاول بھٹو پنجاب میں آکر کسانوں کی نمائندگی کریں گے، کارکنوں کے تعاون سے بلاول بھٹو زرداری کو پاکستان کا وزیراعظم بنائیں گے۔
گورنر پنجاب کا کہنا تھا کہ گورنر ہاؤس کے دروازے عوام کے لیے ہمیشہ کھلے ہیں، میرے ہوتے ہوئے غریب عوام کے ساتھ ناانصافی برداشت نہیں کروں گا، شہر شہر جاکر شہید ذوالفقار علی بھٹو اور بے نظیر بھٹو شہید کا پیغام پہنچا رہا ہوں۔ سردار سلیم حیدر خان کا مزید کہنا تھا کہ بھٹو خاندان نے ہمیشہ پسے ہوئے طبقے، کسان اور مزدور کے حقوق کی بات کی ہے، پپپلز پارٹی پنجاب میں کسانوں کے حقوق کا پرچم بلند کرے گی۔
امریکی شہریت رکھنے والے یرغمالی سے متعلق حماس کا اہم بیان سامنے آگیا