میئرسکھرنے آئی بی اے یونیورسٹی بک فیئر کا افتتاح کردیا
اشاعت کی تاریخ: 27th, January 2025 GMT
سکھر (نمائندہ جسارت) میئر سکھر نے سکھر آئی بی اے یونیورسٹی بک فیئر 2025 کا افتتاح کیا، افتتاحی تقریب میں مہمانِ خصوصی میئر سکھر نے مختلف معروف ناشرین اور وینڈرز کی جانب سے لگائے گئے اسٹالز کا دورہ کیا، جہاں پاکستان بھر سے لائی گئی مختلف موضوعات پر مبنی کتابیں رعایتی قیمتوں پر دستیاب تھیں۔اپنے افتتاحی خطاب میں بیرسٹر ارسلان اسلام شیخ نے سکھر آئی بی اے یونیورسٹی کی اس شاندار اور مثبت کاوش کو سراہا۔ انہوں نے کہا کہ ایسے اقدامات وقت کی اہم ضرورت ہیں، کیونکہ آج کل کی سوسائٹی زیادہ تر سوشل میڈیا کی معلومات پر انحصار کرتی ہے، جو اکثر غیر مستند ہوتی ہیں۔ انہوں نے کتابوں کو علم کا اصل اور مستند ذریعہ قرار دیتے ہوئے کہا کہ “سکھر آئی بی اے یونیورسٹی ہمیشہ سے معاشرے کی بھلائی کے لیے اقدامات کرتی رہی ہے، اور یہ بک فیئر بھی ایک قابل ستائش اقدام ہے۔” انہوں نے عوام کے لیے سکھر کی جنرل لائبریری میں شامل کرنے کے لیے کتابیں بھی خریدیں۔ اپنے استقبالیہ خطاب میں سکھر آئی بی اے یونیورسٹی کے وائس چانسلر پروفیسر آصف احمد شیخ نے یونیورسٹی کی بین الاقوامی شہرت اور علمی ترقی کے لیے اس کے عزم کو اجاگر کیا۔ انہوں نے بتایا کہ یہ بک فیئر تین دنوں پر مشتمل ہے، جو 24 سے 26 جنوری 2025 تک جاری رہے گا۔ پہلے دن کا انعقاد طلبہ اور فیکلٹی کے لیے مخصوص ہے، جبکہ 25 اور 26 جنوری (ہفتہ اور اتوار) کو یہ عام عوام اور ان کے اہل خانہ کے لیے کھلا ہوگا، خاص طور پر سکھر، روہڑی، اور قریبی شہروں سے آنے والوں کے لیے۔پروفیسر شیخ نے نئی نسل میں کتابوں سے محبت پیدا کرنے کی اہمیت پر زور دیا۔ انہوں نے کہا کہ سکھر آئی بی اے یونیورسٹی نہ صرف تعلیمی میدان میں بلکہ غیر نصابی سرگرمیوں کے ذریعے بھی معاشرے کی خدمت کر رہی ہے۔ انہوں نے اعلان کیا کہ آئندہ سال اس بک فیئر کو ایک ہفتے تک بڑھایا جائے گا، تاکہ بچوں کی توجہ موبائل فونز اور سوشل میڈیا سے ہٹا کر کتابوں کی طرف مبذول کی جا سکے، اور انہیں ایک باخبر اور باشعور شہری بنایا جا سکے جو ایک بہتر پاکستان کی تعمیر میں حصہ ڈال سکیں۔وائس چانسلر نے اپنے خطاب کا اختتام اس امید کے ساتھ کیا، “ان شاء اللہ، ہم اپنے اس مشن میں بھی کامیاب ہوں گے۔”
.ذریعہ: Jasarat News
کلیدی لفظ: انہوں نے بک فیئر کے لیے
پڑھیں:
جے یو آئی (ف) کا کینالز معاملے پر تحریک کو تیزکرنے کافیصلہ
جے یو آئی (ف) نے کینالز کے معاملے پر ہونے والے احتجاج کو مزید تیز کرنے کا فیصلہ کیا ہے۔رہنما جے یو آئی (ف) مولانا راشد سومرو نے کہاکہ 24 ، 25 اور 26 اپریل کو جلسے کرکے سندھ پنجاب بارڈر بلاک کریں گے۔راشد محمود سومرو نے وفاقی حکومت سے کینا لز کا فیصلہ واپس لینے کا مطالبہ کرتے ہوئے کہا کہ تحریک کے اگلے مرحلے میں کندھ کوٹ ،گھوٹکی اور سکھر میں دھرنے ہوں گے۔ دوسری جانب دریائے سندھ سے نہریں نکالنے کے مجوزہ منصوبے کے خلاف سکھر ببرلو بائی پاس پر وکیلوں کا دھرنا چوتھے روز میں داخل ہوگیا۔ علاوہ ازیں کراچی بار نے گزشتہ روز مبینہ فائرنگ کے واقعے پر جوڈیشل انکوائری کا بھی مطالبہ کیا جب کہ سندھ بار کونسل کا آج سے سندھ بھر میں غیر معینہ مدت کے لیے عدالتی کارروائی کے بائیکاٹ کا اعلان کیا ہے۔مجوزہ کینالز کے خلاف حیدر آباد اور لاڑکانہ سمیت سندھ کے متعدد شہروں میں شٹر ڈاؤن ہڑتال رہی جب کہ خیرپور میں ریلوے ٹریک کو بھی بند کیا گیا جسے پولیس اور رینجرز نے بعد ازاں کھلوا دیا۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش