شادی سے قبل جاسوسی کی خدمات حاصل کرنے کیلیے کمپنیوں کی مانگ میں اضافہ
اشاعت کی تاریخ: 26th, January 2025 GMT
نئی دہلی: بھارت میں شادی کے بعد دھوکا دہی کے معاملات بہت زیادہ سامنے آئے ہیں، جس کے بعد ایک کمپنی کھل گئی ہےجو شادی سے قبل لڑکا یا لڑکی کے متعلق مکمل معلومات فراہم کرنے کے چارجز لیتا ہے۔
غیر ملکی میڈیا رپورٹس کےمطابق شادی سے قبل لڑکا یا لڑکی کی معلومات لینے کے لیے یہ کمپنی باقاعدہ جاسوسی کرتی ہے، 48 سالہ بھاؤنا پلیوال کمپنی کا مالک ہے، جو ہر ماہ تقریبا سات کیسز نمٹاتا ہے۔
کمپنی نے دعوی کیا ہے کہ ہم جو معلومات فراہم کرتے ہیں وہ مکمل حقائق پر مبنی ہوتی ہیں، روزانہ کی بنیاد پر کئی لوگ کسی لڑکے کی تنخواہ کے حوالے سے رابطہ کرتے ہیں کہ لڑکے کی تنخواہ کیا ہے؟ لڑکا نشہ تو نہیں کرتا، اسطرح کے کیسز بہت زیادہ آتے ہیں۔
انڈیا میں رشتے کروانے کے لیے عموماً خاندان کے افراد روایتی انداز میں کردار ادا کرتے ہیں لیکن اب چند برسوں سے کچھ نئے طریقے بھی سامنے آرہے ہیں۔
بھاؤنا پلیوال کاکہنا تھا کہ ایک سراغ رساں کی خدمات کا معاوضہ عام طور پر 100 سے 2000 ڈالر تک ہوتا ہے، سراغ رسانی کے معاوضے کا انحصار اس پر ہے کہ آپ کس سطح کی جاسوسی چاہتے ہیں؟ کچھ افراد تو اپنے ممکنہ ہم سفر کے خاندانی پس منظر اور کسی مشتبہ تعلق وغیرہ کے بارے میں بھی جانچ کروانا چاہتے ہیں۔ خیال رہےکہ بھارت میں کسی بھی فرد کی جاسوسی کے لیے کئی کمپنیوں نے کام شروع کردیا ہے، کمپنیوں کے مالکان کا کہنا ہے کہ پہلے سے زیادہ ڈیمانڈ ہے ہماری کمپنیوں کی، ہم لوگوں کے دوسرے فرد کے متعلق تمام معلومات فراہم کرتے ہیں جو حقیقت پر مبنی ہوتیں ہیں۔
.ذریعہ: Jasarat News
کلیدی لفظ: کرتے ہیں
پڑھیں:
امریکی وزیر دفاع نے یمن حملے سے متعلق حساس منصوبہ غیر متعلقہ افراد سے شیئر کیا، میڈیا رپورٹس
امریکی وزیر دفاع پیٹ ہیگستھ نے نجی سگنل چیٹ گروپ میں یمن پر امریکی فضائی حملوں کے بارے میں حساس معلومات غیر متعلقہ افراد کے ساتھ شیئر کردیں۔
نیویارک ٹائمز اور سی این این نے رپورٹ کیا کہ امریکی وزیر نے نجی سگنل چیٹ گروپ میں یمن پر آئندہ امریکی فضائی حملوں کے بارے میں معلومات شیئر کیں جب کہ اس گروپ میں ان کی اہلیہ، بھائی اور ذاتی وکیل شامل تھے۔
رپورٹ کے مطابق اس بات چیت میں تفصیل سے بتایا گیا تھا کہ کب کیا ہوگا، جب کہ امریکی وزیر دفاع پر غیر مجاز افراد کے ساتھ ایک کمرشل پیغام رسا ایپ کے ذریعے حساس فوجی معلومات کا اشتراک کرنے کا الزام لگایا گیا ہے۔
پچھلے مہینے دی اٹلانٹک میگزین نے انکشاف کیا تھا کہ اس کے ایڈیٹر انچیف کو انجانے میں ایک سگنل چیٹ میں شامل کیا گیا جس میں وزیر دفاع اور قومی سلامتی کے مشیر مائیک والٹز سمیت دیگر حکام نے 15 مارچ کو ہونے والے حملوں پر تبادلہ خیال کیا تھا۔
اس انکشاف نے ہنگامہ برپا کر دیا تھا جب کہ امریکی صدر ڈونلڈ ٹرمپ کی انتظامیہ کو غیر دانستہ طور پر حساس معلومات لیک کرنے پر اسکینڈل کا سامنا کرنا پڑا، اس اس لیک کے بارے میں پینٹاگون کے انسپکٹر جنرل کی تحقیقات جاری ہیں۔
امریکی وزیر دفاع کو اپنے ہی حامی کیمپ کے اندر سے بڑھتی ہوئی تنقید کا سامنا ہے جب کہ تین سابق عہدیداروں نے اپنے ایک تحریری بیان میں ان کی مذمت کی اور پینٹاگون کے ان کے اپنے ایک سابق ترجمان نے اتوار کو انہیں برطرف کرنے کا مطالبہ کیا۔
میڈیا رپورٹ پر رد عمل دیتے ہوئے پینٹاگون کے ترجمان شان پارنیل نے نیویارک ٹائمز پر ٹرمپ سے نفرت کرنے والا میڈیا گروپ ہونے کا الزام لگایا۔
اخبار نے رپورٹ کیا کہ شیئر کی گئی معلومات میں یمن میں حوثیوں کو نشانہ بنانے والی پروازوں کا شیڈول بھی شامل ہے۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ