سوڈان:اسپتال پر ڈرون حملہ30افراد ہلاک ‘ درجنوں زخمی
اشاعت کی تاریخ: 26th, January 2025 GMT
دارفور(صباح نیوز)سوڈان کی ریاست شمالی دارفور کے شہر فاشر میں ‘سعودی ہسپتال’ کو ڈرون حملے کا نشانہ بنایا گیا۔ حملے میں 30 افراد ہلاک اور درجنوں زخمی ہو گئے۔ عرب ٹی وی کے مطابق یہ بات طبی ذرائع نے ہفتے کے روز بتائی۔ذرائع نے شناخت ظاہر نہ کرنے کی درخواست پر بتایا کہ حملے میں شہر میں خدمات انجام دینے والے آخری ہسپتال کے ہنگامی شعبے کی عمارت کو بھی نقصان پہنچا۔
.ذریعہ: Jasarat News
پڑھیں:
کراچی؛ فائرنگ کے مختلف واقعات میں ایک شخص جاں بحق، دوسرا زخمی
کراچی:مختلف علاقوں میں فائرنگ کے مختلف واقعات کے دوران ایک شخص جاں بحق جبکہ دوسرا زخمی ہوگیا۔
تفصیلات کے مطابق سچل تھانے کی حدود صفورا سعدی ٹاؤن میں فائرنگ سے 25 سالہ رحیم الدین ولد مبین الدین موقع پر جاں بحق ہوگیا۔ اطلاع ملتے ہی پولیس موقع پر پہنچی اور لاش قانونی کارروائی کے لیے چھیپا ایمبولنس کے ذریعے عباسی شہید اسپتال منتقل کردی۔
ہیڈ محرر تھانہ سچل صدام کے مطابق واقعے کے حوالے سے مزید تحقیقات کی جا رہی ہیں تاہم فائرنگ کے واقعے کی وجوہات تاحال سامنے نہیں آسکی ہیں۔
ادھر بلال کالونی تھانے کی حدود نارتھ کراچی 2 منٹ چورنگی، ڈیسنٹ ہوٹل کے قریب اندھی گولی لگنے سے 30 سالہ احمد حسن ولد لیاقت زخمی ہوگیا۔ زخمی کو فوری طور پر عباسی شہید اسپتال منتقل کیا گیا جہاں اس کا علاج جاری ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر