بنگلا دیش سے پاکستان براہ راست فضائی آپریشن شروع کرنے کا ارادہ ہے‘ ہا ئی کمشنر
اشاعت کی تاریخ: 26th, January 2025 GMT
پشاور (اے پی پی) پاکستان میں تعینات بنگلا دیش کے ہا ئی کمشنر محمد اقبال حسین خان نے کہا ہے کہ پاکستان اور بنگلا دیش کے گہرے تعلقات ہیں، بنگلا دیش سے پاکستان براہ
راست فضائی آپریشن شروع کرنے کا ارادہ ہے، پاکستان میں سیاحت ، تعلیم سمیت دیگر شعبوں میں تعاون کے خواہاں ہیں۔ان خیالات کا اظہار انہوں نے پشاور پر یس کلب میں میڈیا سے بات چیت کرتے ہوئے کیا ۔ ہا ئی کمشنر محمد اقبال حسین خان نے کہا کہ بنگلہ دیش اور پاکستان کے مابین نئے تجارتی اور سفارتی تعلقات پہلے سے بھی مضبوط ہونگے ، بنگلہ دیش میں آنے والے انقلاب کے بعد یہا ں پر جمہوریت اور بھی مضبوط ہو ئی ہے ، ڈاکٹر محمد یو نس کی دوراندیشی کی بدولت انقلاب کے بعد جمہوریت کا پودا اور بھی مضبوط ہو ا ہے اور ترقی پر گا مزن ہے۔ انہوں نے کہا کہ خیبرپختونخوا میں سرمایہ کاری کے کافی مواقع ہیں ،ہماری خواہش ہے کہ انڈسٹری کے شعبے میں سرمایہ کاری کی جائے ،بنگلہ دیش کی مصنوعات کی پاکستان میں ڈیمانڈ ہے ، چٹاگانگ اور کراچی کے مابین شپنگ سے تجارت جاری ہے لیکن بہت کم ۔انہوں نے کہا کہ بنگلہ دیش میں جلد انتخابات ہونے جا رہے ہیں ،ہماری ترجیحات معاشی ترقی ہیں ۔ انہوں نے کہا کہ پاک فضائیہ دفاعی شعبے میں بہت کمال رکھتی ہے ،بنگلہ دیش کی کو شش ہے کہ پاک فضائیہ کیساتھ تعلقات کو مزید بڑھائے، بنگلہ دیش کے پاکستان کیساتھ ملٹری تعلقات مضبوط ہیں پاکستان کے ساتھ مشقوں میں حصہ لے رہے ہیں۔اقبال حسین خان نے کہا کہ میرے لئے اعزاز کی بات ہے کہ آج آپ لوگوں کے درمیان ہوں، پاکستان اور بنگلہ دیش کے درمیان بہترین ملٹری اور سفارتی تعلقات ہیں ۔ انہوں نے کہا کہ بنگلہ دیش اور پاکستان میں تعلقات کا نیا دور شروع ہوا ہے،پاکستان اور بنگلہ دیش کے درمیان ڈائریکٹ فلائٹ نہیں، دونوں طرف سے ڈائریکٹ فلائٹ شروع کرنے کا مطالبہ کیا جارہا ہے،فلائٹس شروع کرنے کے لئے اقدامات کریں گے،پاکستان اور بنگلہ دیش کے درمیان کاروبار اور ثقافت کے نئے باب کھلیں گے، پشاور سمیت پاکستان میں مختلف یونیورسٹرز کا دورہ کیا،ان یونیورسٹیوں میں تعلیم کا نظام بہت بہتر ہے،پاکستان میں جہاں جاتا ہوں جی ٹی روڈ کا نام سنتا ہوں،جی ٹی روڈ ایک انٹرنیشنل روٹ ہے اس پر تجارت شروع ہونی چاہیے، ریلوے ٹریک ہونا چاہیے۔ انہوں نے کہا کہ اسلام آباد میں سارک آفس ہے ، بہت مسئلے حل ہوسکتے ہیں،عوام کی فلاح کے لئے ساتھ بیٹھنا ہوگا،پاکستان اور بنگلہ دیش کے درمیان کاروبار کے بہت مواقع موجود ہیں۔
ذریعہ: Jasarat News
کلیدی لفظ: پاکستان اور بنگلہ دیش کے درمیان انہوں نے کہا کہ پاکستان میں بنگلا دیش
پڑھیں:
محمد یونس کا ڈھاکہ اور بیجنگ کے مابین دوطرفہ تعلقات کو مضبوط بنانے کے عزم کا اعادہ
بنگلہ دیش کے چیف ایڈوائزر پروفیسر محمد یونس نے بنگلہ دیش کے چین کے ساتھ دوطرفہ تعلقات کو مضبوط بنانے کے عزم کا اعادہ کرتے ہوئے اپنے حالیہ دورہ چین کو دو طرفہ تعلقات میں ایک اہم موڑ قرار دیا ہے۔
جنوب مغربی چینی صوبے یونان کے گورنر وانگ یوبو کا بنگلہ دیش کے پہلے دورے پر خیرمقدم کرتے ہوئے پروفیسر یونس نے دونوں ممالک کے لیے ’اچھے پڑوسی‘ لیکن اس سے بھی اہم بات ’بہت قریبی پڑوسی‘ بننے کی خواہش کا اظہار کیا۔
یہ بھی پڑھیں: بنگلہ دیش کی عبوری حکومت کے چیف ایڈوائزر ڈاکٹر محمد یونس کون ہیں؟
اسٹیٹ گیسٹ ہاؤس جمنا میں ایک اعلیٰ سطحی ملاقات کے دوران پروفیسر یونس نے اپنے حالیہ دورہ چین کو یاد کیا اور دو طرفہ تعلقات کو بڑھانے کے حوالے سے حوصلہ افزا الفاظ پر صدر شی جن پنگ کا شکریہ ادا کیا۔
گورنر یوبو نے مثبت ردعمل کا اظہار کرتے ہوئے کہا کہ ان کے دورے کا مقصد تعلقات کو مزید مستحکم کرنا ہے، ان کے مطابق ان کا صوبہ جنوبی ایشیا کے لیے چین کے کھلے مرکز کے طور پر کام کرنے کے لیے تیار ہے۔
مزید پڑھیں: عبوری مدت کے بعد کسی منتخب کردار کی خواہش نہیں، ڈاکٹر محمد یونس
دونوں رہنماؤں نے نوجوانوں کے تبادلے، صحت کی دیکھ بھال میں تعاون، تعلیم اور تجارت سمیت ممکنہ تعاون پر تبادلہ خیال کیا۔
میڈیا رپورٹس کے مطابق مشترکہ سماجی اہداف کو اجاگرکرتے ہوئے گورنر یوبو نے بتایا کہ چینی صوبہ یونان میں ایک چینی بینک نے کس طرح پروفیسر یونس کے متعارف کرائے گئے مائیکرو کریڈٹ سسٹم کو اپنایا۔
مزید پڑھیں: چین بنگلہ دیش میں 2.1 ارب ڈالر کی سرمایہ کاری کے لیے پرعزم
گورنر یوبو نے لوگوں کے درمیان رابطوں کو مضبوط بنانے کی اہمیت پر زور دیتے ہوئے پیشہ ورانہ تربیت، ڈیجیٹل اور زبان کی تعلیم میں تعاون کو بڑھانے اور سمندری خوراک، آم سمیت دیگر ذرعی اجناس اور مصنوعات کی تجارت کو فروغ دینے کی تجویز پیش کی۔
پروفیسر یونس نے پرجوش انداز میں ان تجاویز کی تائید کرتے ہوئے ان پر تیزی سے عمل درآمد اور قریبی شراکت داری کی خواہش کا اظہار کیا۔
مزید پڑھیں: محمد یونس کا بنگلہ پاکستان تعلقات کو مضبوط بنانے کے لیے مذاکرات اور تجارت پر زور
دونوں رہنماؤں کے مابین بات چیت میں ہیلتھ کیئر توجہ کے ایک اہم شعبے کے طور پر نمایاں رہا، پروفیسر یونس نے بنگلہ دیشی مریضوں کے لیے چینی شہر کنمنگ میں 4 اسپتالوں کو نامزد کرنے سمیت طبی سیاحت کے آغاز میں چین کی حمایت پر تعریف کی۔
دونوں ممالک نے تعلیمی تبادلوں کو بڑھانے پر بھی اتفاق کیا، پروفیسر یونس نے چین میں زیر تعلیم بنگلہ دیشی طلبا کی تعداد میں نمایاں اضافہ کرنے کا وعدہ کیا۔
مزید پڑھیں: بنگلہ دیش حسینہ واجد کی حوالگی کے لیے بھارت سے مطالبہ کرے گا، محمد یونس
دو طرفہ تعلقات کی 50 ویں سالگرہ کے موقع پر، پروفیسر یونس نے مشترکہ چیلنجوں سے نمٹنے اور خوشحالی کے نئے مواقع تلاش کرنے کے لیے چین کے ساتھ مزید قریب سے کام کرنے کے بنگلہ دیش کے عزم کا اعادہ کیا۔
سینیئر سیکریٹری اور ایس ڈی جیز امور کی پرنسپل کوآرڈینیٹر لامیا مرشد نے بھی اجلاس میں شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیٹ گیسٹ ہاؤس جمنا بنگلہ دیش تعلیمی تبادلوں چیف ایڈوائزر چین چینی صوبہ چینی صوبے طبی سیاحت کنمنگ گورنر وانگ یوبو محمد یونس ہیلتھ کیئر یونان
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی