کشمیری آج بھارتی یوم جمہوریہ کو’’یوم سیاہ‘‘کے طور پر منائیںگے
اشاعت کی تاریخ: 26th, January 2025 GMT
سری نگر (اے پی پی) کنٹرول لائن کے دونوں طرف اور دنیا بھر میں مقیم کشمیری آج بھارت کے یوم جمہوریہ کو ’’یوم سیاہ‘‘ کے طور پر منائیں گے، جس کا مقصد بھارت کی طرف سے ان کے جمہوری حق ’’حق خود ارادیت‘‘ سے مسلسل انکار کے خلاف احتجاج ریکارڈ کرانا ہے۔کشمیر میڈیا سروس کے مطابق یوم سیاہ منانے کی کال کل جماعتی حریت کانفرنس اور دیگر آزادی
پسند تنظیموں نے دی ہے۔ مقبوضہ جموں و کشمیر میں کل مکمل ہڑتال کی جائے گی جبکہ آزاد کشمیر، پاکستان اور دنیا کے مختلف ممالک کے دارالحکومتوں میں بھارت مخالف مظاہرے کیے جائیں گے اور ریلیاں نکالی جائیں گی تاکہ عالمی برادری کو یہ باور کرایا جاسکے کہ بھارت جموں وکشمیر پر فوجی طاقت کے بل پر قابض ہے اور وہ مقبوضہ علاقے میں اپنے یوم جمہوریہ کی تقریبات کے انعقاد کاکوئی قانونی اور اخلاقی جواز نہیں رکھتا۔ادھر بھارت نے اپنے یوم جمہوریہ کے موقع پر مقبوضہ علاقے میں پابندیوں کا سلسلہ تیز کر دیا ہے اور علاقہ مکمل طور پرایک فوجی چھائونی کا منظر پیش کر رہا ہے، اہم سڑکوں اور شاہراہوں پر اضافی چیک پوسٹیں قائم کی گئی ہیں، جہاں بھارتی فورسز کے اہلکار گاڑیوں ، مسافروں اور راہگیروں کی مکمل تلاشی لے رہے ہیں۔ سری نگر کے بخشی اسٹیڈیم اور جموں کے ایم اے سٹیڈیم جہاں بھارتی یوم جمہوریہ کی نام نہاد تقریبات ہوں گی، کے اطراف میں بڑی تعداد میں بھارتی فورسز اہلکار تعینات کیے گئے ہیں۔ سخت پابندیوںکی وجہ سے کشمیری مزید مصائب ومشکلات کا شکار ہو گئے ہیں۔نئی دہلی کی بدنام زمانہ تہاڑ جیل میں نظربند کل جماعتی حریت کانفرنس کے چیئرمین مسرت عالم بٹ نے ایک پیغام میں جموں و کشمیر میں بھارت کی فوجی موجودگی کی مذمت کرتے ہوئے اسے غیر قانونی، غیر آئینی اور بین الاقوامی قوانین کی خلاف ورزی قرار دیا ہے۔ انہوں نے کہا کہ کشمیری عوام حق خودارادیت کے حصول تک اپنی جدوجہد ہرقیمت پر جاری رکھیں گے۔مقبوضہ جموں وکشمیرمیں پولیس نے نئی دہلی کے مسلط کردہ لیفٹیننٹ گورنر کے حکم پر ضلع کشتواڑ میں مکانات اور زمینوں سمیت مزید 11افراد کی جائدادیں ضبط کر لی ہیں۔ اگست 2019ء میں مقبوضہ جموں وکشمیرکی خصوصی حیثیت کے خاتمے کے بعد سے مودی حکومت نے سیکڑوں کشمیریوں کی جائدادیں ضبط کر لی ہیں۔ ادھر کل جماعتی حریت کانفرنس اور دیگر آزادی پسند رہنمائوں نے ہندواڑہ قتل عام کے شہدا کو ان کے 35 ویں یوم شہادت پر شاندار خراج عقیدت پیش کرتے ہوئے اس عزم اعادہ کیا کہ ان کی قربانیوں کو ہرگز رائیگاں نہیں جانے دیا جائے گا۔ بھارتی فوج نے 1990ء میں آج ہی کے دن ہندواڑہ میں پرامن مظاہرین پر اندھا دھند فائرنگ کر کے 17 نہتے شہریوں کو شہید کردیا تھا۔
ذریعہ: Jasarat News
کلیدی لفظ: یوم جمہوریہ
پڑھیں:
آزاد کشمیر کے وفد کی لارڈ میئر بریڈفورڈ سے ملاقات
ملاقات کے دوران آزاد جموں و کشمیر میں تعلیم کے معیار کو بہتر بنانے، نظم و نسق کو مؤثر بنانے اور تعلیمی نتائج کو مزید مضبوط بنانے کے لیے جاری اور مجوزہ اقدامات پر جامع گفتگو کی گئی اور ضلع میرپور کے سرکاری گرلز اسکولوں کو مستحکم بنانے پر زور دیا گیا۔ اسلام ٹائمز۔ جموں و کشمیر تحریکِ حقِ خود ارادیت انٹرنیشنل کے ایک اعلیٰ سطح وفد نے جمعرات 11 دسمبر 2025ء کو برطانیہ کے شہر بریڈفورڈ کے سٹی ہال میں لارڈ میئر آف بریڈفورڈ محمد شفیق سے ملاقات کی۔ ملاقات میں آزاد جموں و کشمیر بالخصوص ضلع میرپور میں تعلیمی شعبے کی بہتری، فروغ اور ادارہ جاتی استحکام پر تفصیلی تبادلہ خیال کیا گیا۔ اس اہم ملاقات میں جموں و کشمیر تحریکِ حقِ خودارادیت انٹرنیشنل کے چیئرمین راجہ نجابت حسین (ستارۂ پاکستان) نے مرکزی کردار ادا کیا جبکہ پاکستان سے نجی دورے پر برطانیہ آنے والی ڈسٹرکٹ ایجوکیشن آفیسر ضلع میرپور میڈم فرخ اویس بھی وفد میں شامل تھیں۔ ملاقات کے دوران آزاد جموں و کشمیر میں تعلیم کے معیار کو بہتر بنانے، نظم و نسق کو مؤثر بنانے اور تعلیمی نتائج کو مزید مضبوط بنانے کے لیے جاری اور مجوزہ اقدامات پر جامع گفتگو کی گئی اور ضلع میرپور کے سرکاری گرلز اسکولوں کو مستحکم بنانے پر زور دیا گیا۔ اس موقع پر میڈم فرخ اویس نے لارڈ میئر کو اپنی قیادت میں متعارف کرائے گئے نئے تعلیمی اقدامات، اصلاحاتی منصوبوں اور انتظامی بہتری سے آگاہ کیا جن کا مقصد سرکاری گرلز اسکولوں میں تعلیمی معیار، گورننس اور طلبہ کی مجموعی کارکردگی کو بہتر بنانا ہے۔
لارڈ میئر آف بریڈفورڈ محمد شفیق نے میڈم فرخ اویس کی انتھک محنت، پیشہ ورانہ وابستگی اور تعلیمی شعبے میں نمایاں خدمات کو سراہتے ہوئے کہا کہ میرپور میں ان کی کاوشوں کے مثبت اثرات واضح طور پر محسوس کیے جا رہے ہیں۔ انہوں نے اس بات پر بھی زور دیا کہ برطانوی کشمیری اور پاکستانی ڈائس پورا آزاد جموں و کشمیر میں تعلیمی ترقی اور اصلاحاتی عمل میں اہم کردار ادا کر سکتی ہے۔ ملاقات میں تعلیمی تعاون، شراکت داری اور عوامی و نجی سطح پر روابط بڑھانے کے امکانات کا بھی جائزہ لیا گیا تاکہ آزاد جموں و کشمیر میں پائیدار تعلیمی بہتری کو یقینی بنایا جا سکے۔ اس موقع پر جموں و کشمیر تحریک حقِ خودارادیت انٹرنیشنل کے سرپرستِ اعلیٰ سردار عبدالرحمٰن خان، ایڈمنسٹریشن ڈائریکٹر ہیری بوٹا، برٹش مسلم ویمنز فورم یوکے کی چیئرپرسن کونسلر صبیہ خان، آزاد کشمیر اوورسیز ویلفیئر کونسل یوکے کے صدر راجہ خالد خلیق، غزالہ چوہدری، اسما اور دیگر معزز کمیونٹی رہنما بھی موجود تھے۔
لارڈ میئر محمد شفیق نے تمام مہمانوں کو خوش آمدید کہتے ہوئے میڈم فرخ اویس کے برطانیہ کے دورے کو خوش آئند قرار دیا اور امید ظاہر کی کہ اس نوعیت کی ملاقاتیں ناصرف عوامی روابط کو مضبوط کریں گی بلکہ آزاد جموں و کشمیر کے تعلیمی شعبے میں بامعنی اور دیرپا پیش رفت کا ذریعہ بھی بنیں گی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر