چین نے مصنوعی سورج بنا لیا:کامیاب تجربےسے عالمی ریکارڈ بن گیا
اشاعت کی تاریخ: 25th, January 2025 GMT
بیجنگ:چین کے سائنس دانوں نے نیوکلیئر فیوژن ری ایکٹر’’ایکسپیریمنٹل ایڈوانسڈ سپر کنڈکٹنگ ٹوکامیک (ای اے ایس ٹی)‘‘ کے ذریعے 18 منٹ تک پلازما کا درجہ حرارت 10 کروڑ ڈگری سیلسیئس برقرار رکھ کر عالمی ریکارڈ قائم کر دیا۔
اس حیران کن تجربے میں سورج پر ہونے والے نیوکلیئر فیوژن عمل کی نقل کرتے ہوئے ہائیڈروجن اور ڈیوٹیریم کو بطور ایندھن استعمال کیا گیا۔ سائنسدانوں کی جانب سے اس عمل کو توانائی کے پائیدار اور ماحولیاتی طور پر دوستانہ ذریعہ کے طور پر دیکھا جا رہا ہے۔
اس منصوبے کے سربراہ سونگ یُنٹاؤ نے مصنوعی سورج کے تجربے کی کامیابی کو نیوکلیئر فیوژن کی جانب ایک اہم سنگ میل قرار دیتے ہوئے کہا کہ خود انحصار پلازما کا حصول بجلی پیدا کرنے والے مستحکم فیوژن ری ایکٹرز کے قیام میں مدد دے گا۔
انہوں نے کہا کہ فیوژن ری ایکٹرز کو بجلی پیدا کرنے کے لیے ہزاروں سیکنڈز تک مستحکم طور پر کام کرنا ہوگا، جس کے لیے موجودہ ٹیکنالوجی میں مزید ترقی کی ضرورت ہے۔
یہ کامیابی نہ صرف توانائی کے شعبے میں انقلاب لانے کی طرف قدم ہے بلکہ نیوکلیئر فیوژن کو کارآمد بنانے کے لیے عالمی کوششوں کو بھی نئی سمت فراہم کرے گی۔
.ذریعہ: Jasarat News
پڑھیں:
سلطان گولڈن نے تیز ترین ریورس ڈرائیونگ کا عالمی ریکارڈ توڑدیا
data-id="863a0a8" data-element_type="widget" data-widget_type="theme-post-content.default">
کوئٹہ: پاکستان کے مایہ ناز اسٹنٹ مین سلطان محمد خان المعروف سلطان گولڈن نے ایک بار پھر دنیا کو حیران کر دیا ہے۔ کوئٹہ میں منعقدہ ایک شاندار تقریب کے دوران سلطان گولڈن نے تیز ترین ریورس کار ڈرائیونگ کا عالمی ریکارڈ توڑ کر پاکستان کا نام روشن کر دیا۔
سلطان گولڈن نے 2022 میں قائم ہونے والا تیز ترین ریورس کار ڈرائیوں کا عالمی ریکارڈ توڑکر تیزترین ریورس ڈرائیو میں ایک میل کا فاصلہ محض 57 سیکنڈ میں طے کرکے نیا عالمی ریکارڈ قائم کیا۔
اس کے علاوہ سلطان گولڈن نے دور مقام سے ریورس ریمپ جمپ میں بھی نیا عالمی ریکارڈ قائم کیا۔ انہوں نے ریورس ریمپ جمپ کے دوران 121.72 فٹ کا شاندار جمپ لگایا، جبکہ اس سے قبل اس کی عالمی حد 89 فٹ اور 3.25 انچ تھی۔
تیزترین ریورس ڈرائیو کار کا ریکارڈ امریکی اسٹنٹ مین نے 2022 میں قائم کیا تھا۔ریکارڈ توڑنے پر شائقین کی جانب سے سلطان محمد گولڈن کو بھرپور داد دی گئی، ایونٹ میں گورنر بلوچستان جعفرمند وخیل اور وزیراعلیٰ سرفرازبگٹی نے بھی شرکت کی۔
ایونٹ میں سول وعسکری حکام کے ساتھ ساتھ بڑی تعداد میں شہری بھی شریک ہوئے، میگا ایونٹ کو دیکھنے کےلئے مختلف ممالک کے مبصرین بھی موقع پر موجود تھے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر