چوہدری سالک حسین یوتھ کے لیے خاص وژن رکھتے ہیں۔ خواجہ رمیض حسن
اشاعت کی تاریخ: 25th, January 2025 GMT
اسلام آباد(اُردو پوائنٹ اخبارتازہ ترین۔ 25 جنوری2025ء) رہنما مسلم لیگ ق و کوآرڈینیٹر وفاقی وزیر چوہدری سالک حسین نے جاری بیان میں کہا کہ پاکستان کا مستقبل یوتھ کی اصلاح و رہنمائی سے منسلک ہے۔ انہوں نے کہا کہ پاکستان مسلم لیگ کی قیادت کا منشور عام آدمی کے حالاتِ زندگی کو بہتر بنانا ہے۔
(جاری ہے)
انہوں نے کہا کہ وفاقی وزیر چوہدری سالک حسین اوورسیز پاکستانیوں کے مسائل کے حل کے لیے خصوصی توجہ سے کام کر رہے ہیں۔
انہوں نے کہا کہ پاکستان وفاقی وزیر چوہدری سالک حسین تمام مکاتب باالخصوص یوتھ کے لیے ایک خاص وژن رکھتے ہیں۔ نوجوانوں کو ہنر مند بنا کر روزگار کے مواقعوں اور ان کی صحیح سمت رہنمائی وفاقی وزیر کی اولین ترجیحات میں شامل ہے
ذریعہ: UrduPoint
کلیدی لفظ: تلاش کیجئے چوہدری سالک حسین وفاقی وزیر کہا کہ
پڑھیں:
پاکستان نے سہ ملکی بابا گرو نانک کبڈی ٹورنامنٹ جیت لیا
لاہور (سپورٹس ڈیسک) پاکستان نے سہ ملکی بابا گرو نانک کبڈی ٹورنامنٹ جیت لیا ،ٹورنامنٹ میں پاکستان ،ایران اور بھارت کی کبڈی ٹیموں نے حصہ لیا ۔ واپڈا سپورٹس کمپلیکس فیروز پور روڈ پر پاکستان اور ایران کی کبڈی ٹیموں کے مابین فائنل میچ ہوا ۔پاکستان کبڈی فیڈریشن کے صدر وصوبائی وزیر صنعت و تجارت چوہدری شافع حسین فائنل میچ کے مہمان خصوصی تھے ۔
فائنل میچ میں پاکستان کی کبڈی ٹیم نے ایران کی کبڈی ٹیم کو شکست دی۔ صوبائی وزیر صنعت و تجارت چوہدری شافع حسین نے جیتنے والی ٹیم کے کپتان کو ٹرافی دی اور کامیابی پر مبارکباد دی ۔ ٹورنامنٹ جیتنے والی ٹیم کو 20لاکھ روپے ،رنراپ ٹیم کو 15لاکھ اور تیسرے نمبر پر رہنے والی ٹیم کو 10لاکھ روپے دئیے گئے ۔
پاکستان کبڈی فیڈریشن کے صدر وصوبائی وزیر صنعت و تجارت چوہدری شافع حسین نے اس موقع پر گفتگو کرتے ہوئے کہا کہ پاکستان کبڈی فیڈریشن نے سہ ملکی کبڈی ٹورنامنٹ کے کامیاب انعقاد کو یقینی بنایا ہے ۔
سہ ملکی کبڈی ٹورنامنٹ کے بعد کبڈی کا ورلڈ کپ بھی کرائیں گے۔صوبائی وزیر نے کہا کہ بھارت اور ایران کی کبڈی ٹیموں کا مشکور ہوں جنہوں نے ٹورنامنٹ میں شرکت کی۔ انڈیاکی کبڈی ٹیم کی کچھ انجریز ہوئی جس پر افسوس ہے ۔بھارت کی کبڈی ٹیم کودوبارہ بلائیں گے ۔ انہوں نے کہا کہ چوہدری ظہورالٰہی شہید نے پہلی بار اپنے خرچے پر کبڈی ٹیم کینیڈا بھجوائی ۔
میں جب کبڈی فیڈریشن کا صدر بنا تو کبڈی کا ورلڈ کپ کرایا جو پاکستان نے جیتا۔ آئندہ دوبئی میں کبڈی کا ورلڈ کپ کرانے کی منصوبہ بندی کی جارہی ہے ۔ قومی کبڈی ٹیم کوکینڈابھی بھجوا یا جارھا ہے جو وہاں انٹرنیشنل ایونٹ میں شرکت کرے گی ۔صوبائی وزیر نے کہا کہ کھیلوں کے میدان آباد کریں گے ،سپورٹس کی سرگرمیاں ممالک کو آپس میں جوڑتی ہیں ۔انہوں نے کہا کہ کبڈی پاکستان کی ثقافتی پہچان سہ ملکی کبڈی ٹورنامنٹ پاکستان ،ایران اور بھارت کے مابین دوستی ،بھائی چارے اور امن کے فروغ کی جانب اہم پیش رفت ہے ۔
ایرانی قونصل جنرل مہران مواحد فر ،سیکریٹری جنرل پاکستان کبڈی فیڈریشن رانا محمد سرور اور فیڈریشن کے دیگر عہدیداران بھی موجود تھے ۔عوام کی بڑی تعداد فائنل میچ سے لطف اندوز ہوئی ۔ کبڈی کے کھیل کے فروغ کیلئے دوبئی کی حکومت نے چوہدری شافع حسین کو خصوصی میڈل دیا ۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ