سعودی عرب میں سرمایہ کار کفیل کے بغیر بھی کمپنی قائم کرسکتے ہیں،سفیر پاکستان
اشاعت کی تاریخ: 25th, January 2025 GMT
فیصل آباد (کامرس ڈیسک) سعودی عرب میں پاکستان کے سفیراحمد فاروق نے کہا کہ حالیہ تبدیلیوں کے باعث پاکستان کیلئے سعودی عرب کو زراعت، ٹیکسٹائل، تعمیرات اور آئی ٹی کے شعبوں میں برآمدات بڑھانے کے نئے امکانات پیدا ہوئے ہیں جن سے فائدہ اٹھانے کیلئے فیصل آباد کی بزنس کمیونٹی کو اپنا کلیدی کردار ادا کرنا ہوگا۔فیصل آباد چیمبر آف کامرس اینڈانڈسٹری میں تاجروں اور صنعتکاروں سے خطاب کرتے ہوئے انہوں نے کہا کہ سعودی عرب نے اپنے قوانین میں تبدیلی کردی ہے جس کے بعد اب پاکستانی سرمایہ کار کفیل کے بغیر بھی سو فیصد اپنی ذاتی کمپنی قائم کر سکتے ہیں۔ انہوں نے بتایا کہ آئی ٹی کے شعبہ میں 90سے زائد پاکستانی کمپنیاں سعودی عرب میں کام کر رہی ہیں، اسی طرح زراعت، ٹیکسٹائل اور تعمیرات کے شعبوں میں بھی ترقی کے وسیع امکانات ہیں جن سے فائدہ اٹھانے کیلئے پاکستانیوں کو ابھی سے سعودی منڈیوں میں اپنے لئے جگہ بنانا ہو گی۔انہوں نے بتایا کہ سعودی عرب میں ایشیا کپ فٹ بال، واٹر گیمز، ایکسپو اور2034میں ورلڈ فٹ بال کے بین الاقوامی ایونٹ ہو رہے ہیں جن میں پاکستانی برآمد کنندگان کو شرکت کر کے اس نئی اور ابھرتی ہوئی عالمی معیشت سے فائدہ اٹھانا چاہیے۔ انہوں نے کہا کہ وہ پاکستان کی بزنس کمیونٹی کے سعودی درآمد کنندگان سے براہ راست رابطے بھی کر اسکتے ہیں تاکہ پاکستانی برآمد کنندگان اور خاص طور پرٹیکسٹائل کے شعبہ سے وابستہ افراد سعودی عرب کے درآمدی پوٹینشل سے بھر پور فائدہ اٹھا سکیں۔اس سے قبل فیصل آباد چیمبر آف کامرس اینڈانڈسٹری کے صدر ریحان نسیم بھراڑہ نے کہا کہ پاکستان اور سعودی عرب کی درآمد و برآمدات میں بہت فرق ہے جس کو کم کرنے کیلئے ہمیں برآمدات بڑھانے کے ساتھ ساتھ سعودی سرمایہ کاروں کو پاکستان میں صنعتیں لگانے کی بھی ترغیب دینا ہو گی۔انہوں نے کہا کہ فیصل آباد میں ملک کی سب سے بڑی انڈسٹریل سٹیٹ قائم ہے جہاں سعودی سرمایہ کار اپنی ذاتی صنعتیں یا مشترکہ منصوبے بھی شروع کر سکتے ہیں۔
.ذریعہ: Jasarat News
کلیدی لفظ: فیصل ا باد نے کہا کہ انہوں نے
پڑھیں:
خیبرپختوںخوا حکومت کے تمام ادارے، وزرا کرپشن میں ملوث ہیں، گورنر پختونخوا
خیبرپختونخوا کے گورنر فیصل کریم نے الزام عائد کیا ہے کہ خیبرپختوںخوا حکومت کے تمام ادارے، وزرا کرپشن میں ملوث ہیں، پی ٹی آئی کے لوگ ایک دوسرے پر کرپشن کےالزامات لگا رہے ہیں۔ ہمارے صوبے کے پیسوں کے ساتھ ناانصافی ہو رہی ہے۔
یہ بھی پڑھیں: پی ٹی آئی کارکن میر جعفر و میر صادق کو صدارت سے ہٹانے پر یوم نجات منا رہے ہیں، فیصل کریم کنڈی
میڈیا رپورٹ کے مطابق انہوں نے پشاور میں گفتگو کرتے ہوئے انہوں نے کہا کہ تحریک انصاف این آر او کے لیے لوگوں کے پاؤں پڑ رہی ہے۔
فیصل کریم کنڈی کا کہنا تھا کہ وزیراعلیٰ علی امین گنڈاپور کو جو ٹاسک اسلام آباد سے ملتا ہے، وہ اچھے بچوں کی طرح اسے پورا کرتے ہیں، دیکھتے ہیں اب وزیراعلیٰ مائنز اینڈ منرلز بل پاس کروائیں گے، یا اپنی نوکری بچائیں گے۔
گورنر کے پی کے مطابق وزیراعلیٰ خیبرپختونخوا نے ٹیکس کے پیسے جلسے جلوسوں میں اڑا دیے، پی ٹی آئی کے وزرا ایک دوسرے پر الزام لگا رہے ہیں اور نیب خاموش ہے۔
انہوں نے کہا کہ یہ اپنے آپ پر الزمات لگا رہے ہیں، لیکن نیب اور وفاقی تحقیقاتی ادارہ (ایف آئی اے) خاموش ہیں۔
یہ بھی پڑھیں:وزیر اعلیٰ خیبر پختونخوا سنجیدہ ہوتے تو کرم ایجنسی میں اتنا جانی نقصان نہ ہوتا، فیصل کریم کنڈی
فیصل کریم کنڈی نے کہا کہ وزیراعظم کو ایک بار پھر پشاور آنے کی دعوت دیتا ہوں، وزیراعلیٰ کے پی کسی سے بات چیت نہ کرنےکی ہٹ دھرمی چھوڑ دیں۔
انہوں نے کہا کہ کے پی حکومت کرم میں 25 کلومیٹر روڈ نہیں کھول سکتی اور اسلام آباد پر چڑھائی کی بات کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں