پاک بحریہ کے جہاز تبوک اور راہ نورد کا بیرون ملک تعیناتی کے دوران عمان کا دورہ
اشاعت کی تاریخ: 24th, January 2025 GMT
تصویر سوشل میڈیا۔
پاک بحریہ کے جہازوں نے بیرون ملک تعیناتی کے دوران عمان کا دورہ کیا۔
پاک فوج کے شعبہ تعلقات عامہ آئی ایس پی آر کے مطابق پاک بحریہ کے جہازوں تبوک اور راہ نورد نے سلطان قابوس پورٹ مسقط عمان کا دورہ کیا۔
آئی ایس پی آر کے مطابق بندرگاہ آمد پر پاک بحریہ کے جہازوں کا عمانی حکام نے استقبال کیا۔
آئی ایس پی آر کے مطابق مشن کمانڈر نے جہازوں کے کمانڈنگ افسروں کے ہمراہ عمان کی بحری قیادت سے ملاقاتیں کیں۔
آئی ایس پی آر کے مطابق ملاقاتوں میں باہمی دلچسپی کے امور اور میری ٹائم سیکیورٹی میں تعاون اور بحری افواج کے رابطوں پر تبادلہ خیال کیا گیا۔
بندرگاہ پر قیام کے دوران پاکستان اسکول مسقط کے طلبا سمیت پاکستانی کمیونٹی نے پاک بحریہ کے جہازوں کا دورہ کیا۔ پی این ایس تبوک اور رائل عمان نیوی کے جہاز الشمیخ نے بحری مشق میں حصہ لیا۔
آئی ایس پی آر کے مطابق دورہ عمان دونوں بحری افواج کے درمیان دوطرفہ تعلقات کو مزید مستحکم کرے گا۔
.ذریعہ: Jang News
کلیدی لفظ: آئی ایس پی آر کے مطابق پاک بحریہ کے جہازوں کا دورہ
پڑھیں:
اوورسیز پاکستانی کنونشن کی کامیابی ریاست سے وابستگی کا مظہر ہے ، فیصل کریم کنڈی
اوورسیز پاکستانی کنونشن کی کامیابی ریاست سے وابستگی کا مظہر ہے ، فیصل کریم کنڈی WhatsAppFacebookTwitter 0 19 April, 2025 سب نیوز
اسلام آباد(سب نیوز)گورنر خیبرپختونخوا فیصل کریم کنڈی نے کہا ہے کہ اوورسیز پاکستانی کنونشن کی کامیابی اور دنیا بھر سے پاکستانیوں کی بھرپور شرکت اس بات کا ثبوت ہے کہ بیرون ممالک مقیم پاکستانی آج بھی نظریہ پاکستان اور ریاست کے ساتھ کھڑے ہیں۔وہ اسلام آباد میں سابق ڈپٹی میئر سید ذیشان علی نقوی کی جانب سے اوورسیز پاکستان فانڈیشن (او پی ایف)کے چیئرمین سید قمر رضا، مینجنگ ڈائریکٹر افضال بھٹی اور بیرون ملک سے آئے مہمانوں کے اعزاز میں منعقدہ عشائیے سے بطور مہمانِ خصوصی خطاب کر رہے تھے۔
مارگلہ کی پہاڑیوں کے دامن میں منعقدہ اس پر وقار تقریب میں اسلام آباد کی اہم سیاسی، سماجی، اور کاروباری شخصیات نے شرکت کی۔ تقریب کا مقصد اوورسیز پاکستانیوں کے مسائل اور تجاویز پر کھل کر تبادلہ خیال کرنا تھا۔اس موقع پر او پی ایف کے چیئرمین سید قمر رضا نے کہا کہ کنونشن میں کیے گئے اعلانات صرف زبانی دعوے نہیں بلکہ ان پر فوری اور مربوط عملدرآمد کا روڈ میپ موجود ہے۔ انہوں نے بتایا کہ اوورسیز کنونشن ہر سال منعقد کیا جائے گا تاکہ سمندر پار پاکستانیوں کے مسائل کو موثر انداز میں حل کیا جا سکے سابق میئر اسلام آباد ذیشان نقوی نے مختلف براعظموں سے آنے والے مہمانوں کا شکریہ ادا کرتے ہوئے کہا کہ اسلام آباد میں اوورسیز پاکستانیوں کی موجودگی نے ایک خوبصورت اور امید افزا ماحول پیدا کیا ہے۔
انہوں نے تجویز دی کہ یہ میلہ ہر سال سجے تاکہ بیرون ملک مقیم پاکستانیوں کے باہمی روابط مضبوط ہوں اور پاکستان کی معاشی ترقی میں ان کا کردار مزید بڑھ سکے۔پارلیمانی سیکرٹری فرح ناز اکبر نے کہا کہ بیرون ملک مقیم پاکستانیوں نے ریاست مخالف پروپیگنڈا کو نہ صرف مسترد کیا بلکہ ماہانہ چار ارب ڈالر سے زائد ترسیلات زر بھجوا کہ ایک نیا ریکارڈ بھی قائم کیا جو کہ موجود حکومتی نظام پر اورسیز پاکستانیوں کے اعتماد کا اظہار ہے۔تقریب کے شرکا نے کنونشن کے انعقاد کو احسن اقدام قرار دیا جس میں نہ صرف انہیں اپنے مسائل پر بات کرنے کا موقع ملا بلکہ اس بارے میں وزیر اعظم شہباز شریف ، آرمی چیف عاصم منیر اور دیگر حکومتی رہنماوں کو سننے کا موقع بھی ملا۔
پاکستان کا دفاع محفوظ ہے، کوئی میلی آنکھ سے نہیں دیکھ سکتا:وزیراعظم