وفاقی وزیر انجینئر امیر مقام کی زیر صدارت یوم یکجہتی کشمیر کی تیاریوں کا جائزہ اجلاس
اشاعت کی تاریخ: 24th, January 2025 GMT
اسلام آباد(نیوز ڈیسک) وفاقی وزیر برائے امور کشمیر، گلگت بلتستان و سیفران انجینئر امیر مقام نے کہا ہے کہ 5 فروری کو یوم یکجہتی کشمیر بھرپور طریقے سے منایا جائے گا اور پاکستانی قوم کشمیریوں کے ان کے ناقابل تنسیخ حق خودارادیت کی حمایت کا اظہار کرے گی۔
وفاقی وزیر نے کشمیر یکجہتی کے لیے تیسرے بین وزارتی اور بین الصوبائی رابطہ اجلاس سے خطاب کرتے ہوئے کہا کہ ہزاروں کشمیری شہید اور ہزاروں بھارتی جیلوں میں قیدہیں اور ہزاروں کی تعداد بچے یتیم ہوگئے ہیں ۔
کشمیری شہداء کو خراج عقیدت پیش کرتے ہوئے انہوں نے کہا کہ پوری قوم یوم یکجہتی کشمیر اس عزم کی تجدید کے ساتھ منائے گی کہ اقوام متحدہ کی سلامتی کونسل کی متعلقہ قراردادوں کے مطابق کشمیریوں کے ناقابل تنسیخ حق خودارادیت کی منصفانہ جدوجہد کی حمایت کی جائے گی۔
انہوں نے کہا کہ وزیراعظم محمد شہباز شریف کی قیادت میں موجودہ حکومت اقوام متحدہ کی جنرل اسمبلی سمیت تمام بین الاقوامی پلیٹ فارمز پر مسئلہ کشمیر کو اجاگر کر رہی ہے۔
انجینئر امیر مقام نے تمام پارلیمانی جماعتوں اور زندگی کے تمام شعبوں سے تعلق رکھنے والے لوگوں سے کہا کہ وہ 5 فروری کو یوم یکجہتی کشمیر کے موقع پر بھر پورشرکت کریں تاکہ بھارت کو یہ پیغام دیا جا سکے کہ پاکستان کی حکومت اور عوام کشمیر کاز پر متحد ہیں۔انہوں نے کہا کہ پاکستان کشمیری عوام کی اس وقت تک سیاسی، اخلاقی اور سفارتی حمایت جاری رکھے گا جب تک وہ اقوام متحدہ کی قراردادوں کے مطابق حق خودارادیت حاصل نہیں کر لیتے۔کل جماعتی حریت کانفرنس آزاد جموں و کشمیر چیپٹر کے کنوینر غلام محمد صفی، وزیر اعظم کے کوآرڈینیٹر امور کشمیر وگلگت بلتستان شبیر احمد عثمانی، پارلیمانی سیکرٹری امور کشمیر چوہدری انوار الحق، وفاقی سیکرٹری امور کشمیرو گلگت بلتستان علی طاہر، ایڈیشنل سیکرٹری امور کشمیر وگلگت بلتستان کامران رحمان خان، جوائنٹ سیکرٹری حامد خان، جوائنٹ سیکرٹری آزاد کشمیر کونسل علی اکبر خٹک اور جوائنٹ سیکرٹری گلگت بلتستان کونسل سدھیر خٹک نے بھی شرکت کی۔
اجلاس میں 5 فروری یوم یکجہتی کشمیر کے حوالے سے ہونے والی آئندہ تقریبات کے حوالے سے جامع لائحہ عمل پر تبادلہ خیال اور جائزہ لیا گیا۔ وفاقی وزارتوں، چاروں صوبائی حکومتوں بشمول آزاد جموں کشمیر اور گلگت بلتستان نے اجلاس کو یوم یکجہتی کشمیر کی تیاریوں اور انتظامات کے حوالے سے بریفنگ دی۔کنوینئر کل جماعتی حریت رہنما غلام محمد صفی نے اپنے ریمارکس میں کہا کہ کشمیر پاکستان کی شہ رگ ہے۔ انہوں نے کہا کہ کشمیری شہداء کو تدفین سے قبل پاکستان کے پرچم میں لپیٹا جاتا ہے۔ انہوں نے کشمیری عوام کے بھارتی ناجائز قبضے کے خلاف جدوجہد جاری رکھنے کے عزم کو اجاگر کیا۔ انہوں نے کہا کہ بھارت کی سازشوں اور مظالم کے باوجود کشمیریوں کا جذبہ مضبوط ہے اور وہ کبھی بھارت کے سامنے نہیں جھکیں گے۔
انہوں نے کہا کہ کل جماعتی حریت کانفرنس 5 فروری کو یوم یکجہتی کشمیر کے طور پر منانے پر پاکستان کے عوام اور حکومت سے اظہار تشکر کے لیے 6 فروری کو خصوصی تقریبات کا اہتمام کرے گی۔
آزاد جموں و کشمیر کونسل میں منعقدہ اس اجلاس میں وزارت خارجہ، اطلاعات و نشریات، داخلہ، انفارمیشن ٹیکنالوجی اور ٹیلی کام اور ایوی ایشن سمیت مختلف وزارتوں اور محکموں کے سینئر حکام اور فوکل پرسنز نے شرکت کی۔ اسلام آباد پولیس، کیپیٹل ڈویلپمنٹ اتھارٹی (سی ڈی اے)، وزارت تعلیم، قومی ورثہ اور ثقافت ڈویژن اور کنٹونمنٹ بورڈ کے نمائندوں کے علاوہ اسلام آباد اور راولپنڈی کی ضلعی انتظامیہ نے بھی شرکت کی۔
چاروں صوبائی حکومتوں، آزاد جموں و کشمیر اور گلگت بلتستان کے فوکل پرسنز نے یوم یکجہتی کشمیر کے موقع پر ملک گیر سرگرمیوں کی منصوبہ بندی پر اپنا ان پٹ فراہم کرنے کے لیے اجلاس میں شرکت کی۔
ذریعہ: Daily Mumtaz
کلیدی لفظ: انہوں نے کہا کہ گلگت بلتستان فروری کو شرکت کی
پڑھیں:
فلسطین سے اظہارِ یکجہتی، 24 اپریل کو مینارِ پاکستان پر جلسہ ہوگا، مولانا فضل الرحمان
لاہور: جمعیت علماء اسلام (ف) کے امیر مولانا فضل الرحمان نے امیر جماعت اسلامی حافظ نعیم الرحمان کے ہمراہ فلسطین سے اظہارِ یکجہتی پر 24 اپریل کو مینارِ پاکستان پرجلسے کا اعلان کردیا۔ انھوں نے کہا کہ اتحاد کے نام پر ایک نیا پلیٹ فارم تشکیل دیا جا رہا ہے۔
مولانا فضل الرحمان نے امیر جماعت اسلامی حافظ نعیم الرحمان کے ہمراہ نیوز کانفرنس کرتے ہوئے کہا کہ فلسطین کی صورتحال پوری امت کیلئے باعث کرب ہے۔
مولانا فضل الرحمان نے کہا کہ مذہبی جماعتیں مینار پاکستان جلسے میں شریک ہوں گی، فلسطین کی صورتحال پوری امت کیلئے باعث تشویش ہے، فلسطین کیلئے ملک بھر میں بیداری مہم چلائیں گے، حافظ نعیم نے انتہائی محبت اور احترام کا مظاہرہ کیا، مجلس اتحادامت کے نام سے ایک پلیٹ فارم تشکیل دیا جا رہا ہے۔
سربراہ جے یو آئی ف نے کہا کہ لاہور کا جلسہ بھی مجلس اتحاد امت کے پلیٹ فارم سے ہو رہا ہے، اسرائیل کی حامی لابی ہر جگہ موجود، لیکن ان کی کوئی حیثیت نہیں، فلسطین کے معاملے پر اسلامی دنیا کا واضح مؤقف ہونا چاہیے، امت مسلمہ کو حکمرانوں کے رویہ اورغفلت سے شکایت ہے۔
مولانا فضل الرحمان نے کہا کہ امت مسلمہ کے حکمران اپنا حقیقی فرض نہیں ادا کر رہے، جہاد مقدس لفظ ، اس کی اپنی حرمت ہے، مسلم دنیا جغرافیائی طور پر منقسم ہے، مالی یاسیاسی طورپرشرکت کرنےوالا بھی ایک ہی جہاد کا حصہ ہے۔
انھوں نے کہا کہ صوبائی خود مختاری سے متعلق جے یو آئی کا منشور واضح ہے، ہر صوبے کے وسائل اس صوبے کے عوام کی ملکیت ہیں، سندھ کے لوگ حق کی بات کرتے ہیں تو روکا نہیں جا سکتا، مرکز میں تمام صوبوں کےاتفاق رائے سےفیصلے کیے جاتے، اس روش کے تحت کالا باغ ڈیم کو بھی متنازع بنا دیا گیا، جے یو آئی نے مائنز اینڈ منرلز بل کو مسترکر دیا۔
امیرجماعت اسلامی حافظ نعیم الرحمان نے کہا کہ آئینی ترمیم پر جماعت اسلامی کا اپنا مؤقف تھا، جماعت اسلامی نے 26 ویں آئینی ترمیم کو مسترد کیا، اپنے اپنے پلیٹ فورم سے مختلف چیزوں پرجدوجہد کریں گے۔
ادھر ترجمان جماعت اسلامی کے مطابق جمعیت علماء اسلام (ف) کے سربراہ مولانا فضل الرحمٰن نے امیر جماعت اسلامی حافظ نعیم الرحمن سے منصورہ میں ملاقات کی اور انہیں 27 اپریل کو مینار پاکستان میں منعقد ہونے والے اسرائیل مخالف مارچ میں شرکت کی دعوت دی۔
ترجمان جماعت اسلامی کے مطابق حافظ نعیم الرحمٰن سے ملاقات کے لیے مولانا فضل الرحمٰن منصورہ پہنچے۔ حافظ نعیم الرحمٰن اور لیاقت بلوچ سمیت جماعت کے دیگر قائدین نے استقبال کیا۔
ملاقات میں دونوں رہنماؤں نے مظلوم فلسطینیوں کے حق میں متحد ہوکر آواز اٹھانے کا عزم کیا۔
جے یو آئی ف کے راشد سومرو اور مولانا امجد خان جبکہ جماعت اسلامی کے لیاقت بلوچ، مولانا جاوید قصوری وار امیر العظیم بھی ملاقات میں موجود تھے۔
سپریم کورٹ : 9 مئی کے مزید اہم مقدمات سماعت کے لیے مقرر