ثمرہ انٹرپرائزز اور پلانکٹون فشریز کے درمیان شراکت داری
اشاعت کی تاریخ: 24th, January 2025 GMT
ثمرہ انٹرپرائزز اور پلانکٹون فشریز کے درمیان شراکت داری کے بعد شرکاء کا گروپ
کراچی (کامرس رپورٹر)پاکستان کی صف اول کی ڈسٹری بیوشن کمپنی اور معروف برانڈ فریش اسٹریٹ کے اونرز ثمرہ انٹرپرائزز نے مارکیٹ میں اعلیٰ معیار کے سی فوڈز کی وسیع رینج متعارف کروانے کیلئے پلانکٹون فشریز کے ساتھ شراکت داری قائم کی ہے۔گہرے سمندر سے پکڑی گئیں تازہ مچھلیوں اور جھینگوں سمیت مختلف سی فوڈز کو آئی کیو ایف ٹیکنالوجی کے ذریعے پروسس کیا جاتا ہے جو ایچ اے سی سی پی اور یو کے اے ایس سے تصدیق شدہ ہے تاکہ فوڈ سیفٹی کے اعلی معیار کو یقینی بنایا جا سکے۔ ثمرہ انٹرپرائزز اور پلانکٹون فشریزصارفین کو تازہ، ذائقہ سے بھرپور اور معیاری سی فوڈ فراہم کرنے کے لیے پرعزم ہیں۔ فریش سٹریٹ کی مصنوعات عالمی ایکسپورٹ کوالٹی پر پورا اترتی ہیں اور صارفین کے اعتماد کو یقینی بناتی ہے۔اس موقع پر ثمرہ انٹرپرائزز کی ڈائریکٹر ثمرہ منصب نے کہا ” ہم فریش اسٹریٹ کی معیاری فروزن پروڈکٹس کے ذریعے عالمی مارکیٹ میں اعلیٰ کوالٹی کی پاکستانی مصنوعات کو فروغ دینے کیلئے کوشاں ہیں ۔گہرے سمندر سے پکڑی جانے والا سی فوڈ عمدہ ذائقہ اور معیار کی حامل ہے جو سی فوڈ کی مسابقتی مارکیٹ میں نمایاں مقام رکھتی ہیں۔ پلانکٹون فشریز کے ڈائریکٹر مسلم محمدی نے اپنے خیالات کا اظہار کرتے ہوئے کہا ”ہمیں خوشی ہے کہ ہم نے صارفین کو اعلیٰ معیار کا سی فوڈ فراہم کرنے کیلئے ثمرہ انٹرپرائزز کے ساتھ شراکت داری کی ہے۔ شمالی امریکہ، یورپ اور ایشیا پیسیفک میں پریمیم سی فوڈ کی مانگ بڑھ رہی ہے جہاں صارفین مصنوعات کے معیاراور پائیداری کے حوالے سے زیادہ حساس ہو چکے ہیں۔
.ذریعہ: Jasarat News
کلیدی لفظ: شراکت داری سی فوڈ
پڑھیں:
مارکیٹ میں نئی تبدیلیوں کیلئے خود کو تیار رکھیں؛ احسن اقبال
سٹی 42 : وفاقی وزیر ڈویلپمنٹ اینڈ پلاننگ احسن اقبال نے کہا ہے کہ ملک میں اکنامک ریفارمز کی ضرورت ہے، مارکیٹ میں نئی تبدیلیوں کے لیے خود کو تیار رکھیں۔
احسن اقبال نے سیالکوٹ میں صعنت کاروں سے خطاب کرتے ہوئے کہا کہ شہر اقبال خوابوں کو حقیقت میں بدلنے کی مہارت رکھتا ہے، ذہن میں ایک ہی سوال اٹھتا ہے پاکستان وہ کیوں نہیں بن سکا جو بننا چاہئے تھا۔ 1960 پاکستان کی مجموعی 200 ارب ڈالر کی ایکسپورٹ تھی، آج دیگر ممالک ہم سے بہت بہتر ایکسپورٹ میں زرمبادلہ کما رہے ہیں۔ انہوں نے کہا کہ ہمارا دوسرا چیلینج یہ ہے دنیا چوتھی اور پانچویں جنریشن میں جا رہی ہے، آرٹیفشل انٹیلیجنس ٹیکنالوجی سے بہت کچھ بدل جائے گا، ہمیں اس کے لئے فوری ٹاسک فورس قائم کرنا ہو گی نہیں تو پیچھے رہ جائیں گے۔
اسحاق ڈار کی افغان حکام سے اہم ملاقاتیں، مشترکہ امن و ترقی کا عہد
احسن اقبال نے کہا کہ ہم نے ہر چیز کو سیاسی کر دیا ہے ہماری کوشش ہے کہ صاف پانی کے پلان پر عملدرآمد کریں، دنیا میں ترقی سڑکوں اور کارخانوں سے نہیں ہو تی، جس ملک میں انسانی وسائل موجود ہیں وہاں ترقی ملے گی۔ انہوں نے کہا کہ چائنہ میں چودہ سال تک ہر فرد کی تعلیم لازمی ہے، ہماری شرح خواندگی ساتھ فیصد ہے، ہر کامیاب ملک میں پچاس فیصد آبادی خواتین سپورٹ پر مشتمل ہے، ترقی پذیر ممالک میں شامل ہونے کے لئے 90 فیصد شرح خواندگی ہونی چاہیے، ہمارے ملک میں چالیس فیصد نئی نسل ذہنی تناؤ کا شکار ہے۔
سرکاری گاڑی کا استعمال، سوشل میڈیا پر وڈیو وائرل کرنیوالے ڈان ساتھی سمیت گرفتار
احسن اقبال نے کہا کہ سوشل پلان کے بغیر آپ عمارت کھڑی نہیں کر سکتے، صعنتکاروں کو اپنی ایکسپورٹ کو چھ بلین ڈالر تک پہنچانے کے سوشل۔اکنامک پلان تیار کرنا چاہئے، دنیا کا تجارتی سسٹم اب نئے دور میں داخل ہو چکا ہے، 5 سالہ ایکسپورٹ پلان تیار کرے تاکہ واضح ہو سکے حکومت آپ کے لئے کیا کر سکتی ہے۔ انہوں نے کہا کہ ہمیں دنیا کے ساتھ چلنے کے لئے اکنامک ریفارمز کی ضرورت ہے، مارکیٹ میں نئی تبدیلی کے لئے خود کو تیار رکھیں، ایک وقت میں ہر گھر میں قالین تیار کیا جاتا تھا، یہ انڈسٹری آج ختم ہوچکی ہے۔
کاروباری افراد کے جان و مال کا تحفظ ریاست کا فرض ہے؛ طلال چوہدری
اُنہوں نے مزید کہا کہ ہم نے اس انڈسٹری پر سرمایہ کاری نہیں کی، ہمیں آنے والے کل کے لئے خود کو تیار رکھنا چاہیے، دنیا کے ساتھ چلنے کے لئے جدید ٹیکنالوجی سے آراستہ رہیں، ہم ایس ایم ای سیکٹرکے لئے منصوبہ لے کر آرہے ہیں، صنعتکاروں کے تمام مسائل کے حل کے لئے ہر ممکن کوشش کریں گے۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی