حادثات وواقعات میں خواتین ونومولود سمیت 9افراد جان سے گئے
اشاعت کی تاریخ: 24th, January 2025 GMT
کراچی(اسٹاف رپورٹر ) شہر میں حادثات واقعات میں خواتین اور نومولود سمیت 9افراد جاںبحق ہوگئے دیگر واقعات میں7افراد زخمی ہوئے ۔ تفصیلات کے مطابق سائٹ سپر ہائی وے تھانے کی حدود علی محمد شیخ گوٹھ، سپر ہائی وے خالی پلاٹ سے 30 سالہ خاتون کی تشدد زدہ لاش ملی ،مقتولہ کی لاش کو قانونی کاروائی کے لیے عباسی شہید اسپتال منتقل کر دیا گیا ۔پولیس کے مطابق ملزمان خاتون کو قتل کے بعد مذکورہ مقام پر پھنک کر فرار ہوگئے تاحال مقتولہ کی شناخت نہ ہوسکی ۔سپرہائی وے جمالی پل ڈیوو بس اڈا کے قریب ڈمپر کی ٹکر سے موٹر سائیکل پر سوار بائیک سوار خاتون جاں بحق اور ایک بچے سمیت 2افراد شدید زخمی ہوگئے ۔ جاںبحق خاتون کی شناخت 26سالہ عظمی زوجہ نظیر اور زخمیوں کی شناخت 30سالہ نظیر ولد مجید اور 25سالہ جعفر ولد حنین کے نامو ںسے ہوئی ۔ جاںبحق خاتون اور زخمیوں کو طبی امداد کے لیے عباسی شہید اسپتال منتقل کیا گیا ۔سولجر بازار تھانے کی حدود نشتر روڈ شازیب اپارٹمنٹ کے قریب کارخانہ کی چھت سے گر کر40سالہ مزدور جاں بحق ہوگیا ۔متوفی کی لاش کو قانونی کاروائی کے لیے سول اسپتال منتقل کر دیا گیا ۔ شیرشاہ مورو قبرستان کے قریب کمپنی میں کام کے دوران کرنٹ لگنے سے25سالہ ثناء اللہ ولد لعل بخش جاں بحق ہوگیا ۔ متوفی کی لاش کو سول اسپتال میں ضابطہ کی کاروائی کے بعد ورثاء کے سپر د کر دی گئی ۔ عوامی کالونی تھانے کی حدو دکورنگی میں ٹریفک حادثے میں 40 سالہ ابراہیم زخمی ہوا جمعرات کے روز جناح اسپتال میں دوران علاج دم توڑ گیا ۔ متوفی کی لاش کو قانونی کاروائی کے بعد ورثاء کے سپرد کر دی گئی ۔ پی آئی بی کالونی تھانے کی حدود پرانی سبزی منڈی نذد الہی مسجد کے قریب سے 27 سالہ بلاول کی لاش ملی ،متوفی کی لاش کو اسپتال منتقل کیا گیا جہاں متوفی کی موت زہریلی اشیاء کے کھانے کی تصدیق کی گئی ۔ کورنگی نمبر 6 چائنا کٹنگ نذد چار پول کے قریب سے 33 سالہ شنیلا دختر بشیر کی لاش ملی ،متوفی کی لاش کو ضابطہ کی کاروائی کے لیے اسپتال منتقل کر دیا گیا ۔ جب چوکی لانگو آباد نالے کے قریب سے نومولود بچے کی لاش ملی ۔
.ذریعہ: Jasarat News
کلیدی لفظ: اسپتال منتقل کاروائی کے تھانے کی لاش ملی کے قریب کے لیے
پڑھیں:
جامشورو: خوفناک ٹرئفک حادثہ میں 4 بچوں اور 6 خواتین سمیت 13 افراد جاں بحق
سٹی42: جامشورو کے کوہستانی علاقے میں خوفناک ٹرئفک حادثہ، بریک فیل ہونے سے مزدا الٹ گئی، 4 بچوں اور 6 خواتین سمیت 13 افراد جاں بحق، ، 20 سے زائد افراد زخمی، مقامی ہسپتال منتقل کردیا گیا۔
جامشورو کی تحصیل تھانہ بولاخان کے کوہستانی علائقے میں ٹریفک حادثہ پیش آیا ہے، جس میں 4 بچوں اور 6 خواتین سمیت 13 افراد جاں بحق اور 20 سے زائد زخمی ہوئے ہیں۔
بلوچستان کے علاقے دریجی سے واپس بدین جاتے ہوئے مسافر مزدا الٹ گئی، حادثے میں بدین سے تعلق رکھنے والے کولہی برادری کے 13 افراد موقع پر ہی جاں بحق ہوئے۔
اسٹوڈنٹ ویزا کا غلط استعمال، آسٹریلیا نے بھارت پر بڑی پابندیاں عائد کردیں
حادثے میں 20 سے زائد افراد زخمی ہوئے ہیں۔مسافر افراد بلوچستان کے علاقےدریجی میں گندم کی کٹائی کرکے مزدوری سے واپس بدین جارہے تھے۔ حادثے کا اطلاع ملتے ہی ریسکیو ٹیمیں جائے وقوع پر روانہ کردی گئی۔
اس سلسلے میں مقامی رکن سندھ اسمبلی ملک سکندر خان نے بتایا کہ ہم نے مقامی افراد کو بھی ریسکیو کے لئےبھیجا ہے، رات کے وقت اندہیرے کے باعث ریسکیو ٹیموں کو مشکلات درپیش ہیں، ہم نے ایمبولنسز کے علاوہ اپنی ذاتی گاڑیاں بھی جائے وقوع پر روانہ کی ہیں تاکہ زخمیوں کو جلد سے جلد حیدرآباد منتقل کیا جاسکے۔
انٹرمیڈیٹ کے امتحانات تین ہفتوں کے لئے ملتوی کردیے گئے
دوسری جانب سے ایس ایس پی جامشورو محمد ظفر صدیق چھانگا نے بتایا کہ تھانہ بولاخان پولیس کی ٹیمیں بھی جائے وقوع پر روانہ کردی ہیں، پولیس تمام امدادی سرگرمیوں میں حصہ لے رہی ہے اور لاشیں مقامی ہسپتال منتقل کروائی گئی ہیں۔
جاں بحق افراد کی تاحال شناخت نہ ہوسکی ہے، پولیس کے مطابق حادثہ مزدا گاڑی کا بریک فیل ہونے کے باعث پیش آیا۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی