مشہورامریکی گلوکارہ کے ڈانس ایونٹ پرلڑکیوں کا قتل، نوجوان کو52 سال قید
اشاعت کی تاریخ: 23rd, January 2025 GMT
LONDON:
برطانیہ کی عدالت نے مشہور امریکی گلوکارہ سے متعلق ڈانس ایونٹ میں 3 لڑکیوں کو قتل کرنے والے 18 سالہ نوجوان کو 52 سال قید کی سزا سنا دی۔
غیرملکی خبرایجنسی رائٹرز کی رپورٹ کے مطابق برطانوی عدالت نے 3 لڑکیوں کو ڈانس ایونٹ میں قتل کرنے کے واقعے کو وزیراعظم کیئر اسٹارمر نے برطانیہ کی تاریخ کا خوف ناک ترین لمحہ قرار دیا تھا۔
رپورٹ میں بتایا گیا کہ 18 سالہ ایکسل روڈاکوبانا نے گزشتہ جولائی میں ساؤتھ پورٹ کے شمالی انگلش ٹاؤن میں لڑکیوں کے قتل اور دیگر 10 پر چاقو سے حملہ کرنے کا اعتراف کرلیا تھا۔
برطانیہ میں اس واقعے کے بعد غم و غصے کی فضا بن گئی تھی اور کئی روز تک ملک بھر میں احتجاج کیا گیا تھا۔
لیور پول کراؤن کورٹ کو پراسیکیوٹر ڈیانا ہیر نے بتایا کہ ایکسل روڈاکوبانا قتل، نسل کشی کے نشے میں دھت تھا اور ان سے متاثر ہونے والی دو لڑکیوں کو اتنے شدید زخم آئے تھے جس کو انتہائی دردناک کہنے کے سوا کوئی مناسب لفظ نہیں ہے۔
جج جولیان گوز نے کہا کہ روڈاکوبانا کو کم از کم 52 سال قید ہونی چاہیے کیونکہ جب حملہ کیا تھا تو اس وقت مجرم کی عمر 17 سال تھی اس لیے عمر قید کی سزا نہیں دی جاسکتی ہے لیکن انہیں کسی بھی وقت رہا کرنے کا امکان نہیں ہے۔
رپورٹ میں بتایا گیا کہ روڈاکوبانان کو فیصلہ سنانے سے قبل ہونے والی سماعت کے دوران دو مرتبہ طبیعت خرابی کا کہتے ہوئے چیخنے چلانے پر کٹہرے سے ہٹایا گیا اور وہ سزا سننے کے لیے عدالت جانے کو بھی تیار نہیں تھا۔
عدالت میں متاثر لڑکیوں کی چیخنے اور عمارت سے بھاگنے کی ویڈیو بھی دکھائی گئی، جس میں دیکھایا گیا کہ خون میں لت پت ایک لڑکی عمارت سے باہر گر گئیں، یہ مناظر دیکھ کر عدالت کی گیلری میں موجود افراد کی ہچکیاں بندھ گئیں۔
ڈانس ایونٹ کی منتظمیہ اور چاقو کے 5 وار سہنے والی 36 سالہ یوگا ٹیچر لیئنے لیوکاس نے عدالت کو بتایا کہ اس نے ہمیں اس لیے نشانہ بنایا کیونکہ خواتین اور لڑکیاں تھیں جو کمزور اور حملے کے لیے آسان ہدف تھیں۔
نوجوان نے ڈانس ایونٹ میں 6 سالہ بیبے کنگ، 7 سالہ ایلسی ڈوٹ اسٹینکومبے اور 9 سالہ ایلس ڈیسیلوا ایگوئیر کو قتل کیا تھا، قتل ہونے والے بچیاں چھٹیوں کے ایونٹ میں شریک 26 بچوں میں شامل تھیں۔
پراسیکیوٹر ڈیانا ہیر نے بتایا کہ دو لڑکیوں کو 85 اور 122 زخم آئے ہیں اور بظاہر وہ ان میں سے ایک کا سر کاٹنا چاہتا تھا۔
رپورٹ کے مطابق روڈاکوبانا نے گرفتاری کے بعد پولیس کو بتایا تھا کہ مجھے خوشی ہے کہ وہ بچیاں قتل ہوئی ہیں، یہ بات میرے لیے خوشی کا باعث ہے۔
ڈیانا ہیر کا کہنا تھا کہ ان کے گھر میں موجود کمپیوٹر میں جو تصاویر اور دستاویزات پائی گئی ہیں، اس سے ان کے طویل جنونی پن، قتل اور نسل کشی کے ارادوں کا پتا چلتا ہے۔
روڈاکوبانا نے یہ اعتراف کیا کہ القاعدہ کی تربیتی مینوئل ان کے پاس تھا اور مہلک زہر ریسین تیار کرتا تھا، جس کے بارے میں جج نے کہا کہ ممکنہ طور پر نوجوان اس سے استعمال کرتا تھا۔
.ذریعہ: Express News
کلیدی لفظ: ڈانس ایونٹ لڑکیوں کو ایونٹ میں
پڑھیں:
گلوکارہ ٹیلر سوئفٹ کو پیچھےچھوڑ کرکم عمر ترین سیلف میڈ ارب پتی بننے والی چینی نژاد لوسی گو کون ہیں؟
ٹیک انٹرپرینیور لوسی گو پاپ سپر اسٹار ٹیلر سوئفٹ کو پیچھے چھوڑتے ہوئے 30 سال سے کم عمر دنیا کی کم عمر ترین سیلف میڈ ارب پتی خاتون بن گئیں۔
غیر ملکی خبر رساں ادارے کی رپورٹ کے مطابق معروف جریدے فوربس کے مطابق لوسی گوو کے اثاثوں کی کل مالیت 1.2 بلین ڈالر سے تجاوز کرگئی جب کہ ایک پیشکش کے بعد ان کی سابقہ کمپنی اسکیل اے آئی کی مالیت 25 بلین ڈالر تک بڑھ گئی۔
لوسی گو نے 2016 میں الیگزینڈر وانگ کے ساتھ مل کر اسکیل اے آئی کی بنیاد رکھی، سان فرانسسکو میں قائم فرم مصنوعی ذہانت کے نظام کے لیے ڈیٹا لیبلنگ میں مہارت رکھتی ہے اور امریکی حکومت اور اوپن اے آئی سمیت بڑے کلائنٹس کو خدمات فراہم کرتی ہے۔
View this post on InstagramA post shared by Lucy Guo (@guoforit)
اگرچہ لوسی گو نے 2018 میں کمپنی چھوڑ دی لیکن اپنی ایکویٹی اپنے پاس برقرار رکھی جو اب کمپنی کی بڑھتی ہوئی مالیت کی وجہ سے اربوں ڈالر کی دولت میں تبدیل ہو گئی ہے۔
لوسی گرو نے کیلیفورنیا میں چینی تارکین وطن والدین کے ہاں پرورش پائی، مڈل اسکول میں کوڈنگ شروع کی۔ 2014 میں تھیل فیلوشپ میں شامل ہونے سے پہلے کارنیگی میلن یونیورسٹی میں کچھ عرصہ تعلیم حاصل کی۔
اے آئی اسکیل قائم کرنے سے قبل ابتدائی کیریئر میں انہوں نے اسنیپ چیٹ اور قورا میں خدمات سر انجام دیں۔
اے آئی اسکیل سے علیحدگی کے بعد لوسی گو نے ایک وینچر فنڈ ’بیک اینڈ کیپٹل‘ کی بنیاد رکھی اور بعد میں پاسز کا آغاز کیا جو اونلی فینز کی طرح کا ایک سبسکرپشن پلیٹ ہے۔
2022 میں اپنے آغاز کے بعد سے پاسز نے 50 ملین ڈالرز اکٹھے کیے اور فی الحال اس کی مالیت150 ملین ڈالر ہے، تاہم پاسز کو ان دنوں بچوں کے جنسی استحصال سے متعلق مقدمے میں قانونی چارہ جوئی کا سامنا ہے۔
قانونی پیچیدگیوں کے باوجود لوسی گو عالمی سطح پر 40 سال سے کم عمر 10 سے کم ارب پتی خواتین کے منتخب گروپ میں شامل ہوگئی ہیں جب کہ اس گروپ میں شامل خواتین میں سے آدھی تعداد امریکی شہریوں کی ہے۔
پاراچنار کے منتخب چیئرمین مزمل حسین فصیح کو بلاجواز جیل میں قید رکھا گیا ہے، علامہ مقصود ڈومکی