راولپنڈی پولیس لائن میں بلڈ بینک کیمپ کا انعقاد ، پولیس اہلکاروں نے بڑھ چڑھ کر خون کے عطیات دئیے
اشاعت کی تاریخ: 23rd, January 2025 GMT
راولپنڈی پولیس لائن میں بلڈ بینک کیمپ کا انعقاد ، پولیس اہلکاروں نے بڑھ چڑھ کر خون کے عطیات دئیے WhatsAppFacebookTwitter 0 23 January, 2025 سب نیوز
راولپنڈی (سٹاف رپورٹر)راولپنڈی پولیس لائن میں بلڈ بینک کیمپ کا انعقاد،راولپنڈی پولیس لائن میں بلڈ بینک کیمپ کا شاندار انعقاد کیا گیا جس میں پولیس افسران و اہلکاروں نے خون کے عطیات دے کر انسانیت دوستی کی مثال قائم کر دی،کیمپ کی خاص بات یہ تھی کہ اس میں ریجنل پولیس آفیسر (آر پی او)راولپنڈی بابر سرفراز الپہ، ایس ایس پی آپریشن راولپنڈی کاشف اور پاکستان سویٹ ہوم کے چیئرمین زمرد خان (ہلالِ امتیاز)نے خصوصی شرکت کی۔
بلڈ بینک کیمپ میں پولیس اہلکاروں نے بڑھ چڑھ کر خون کے عطیات دیے۔ اہلکار ایک دوسرے سے آگے بڑھنے کی دوڑ میں شریک نظر آئے تاکہ زیادہ سے زیادہ خون عطیہ کر سکیں۔ اس جذبے نے نہ صرف موجود لوگوں کو متاثر کیا بلکہ پورے کیمپ کا ماحول انسانیت سے محبت کے جذبے سے بھر دیا۔ریجنل پولیس آفیسر بابر سرفراز الپہ نے پاکستان سویٹ ہوم کے مشن کو سراہتے ہوئے کہا، “آپ کا مشن انسانیت کی خدمت کا ایک عظیم کام ہے، اور ہم ہمیشہ آپ کے ساتھ ہیں۔” انہوں نے اس موقع پر خون کے عطیات دینے والے پولیس اہلکاروں کو خراج تحسین پیش کیا اور کہا کہ اس اقدام سے معاشرے میں خدمتِ خلق کے جذبے کو فروغ ملے گا۔کیمپ کے اختتام پر زمرد خان صاحب ہلال امتیاز اور آر پی او بابر سرفراز الپہ نے خون کے عطیات دینے والے پولیس اہلکاروں میں تعریفی اسناد تقسیم کیں۔
اس موقع پر زمرد خان نے کہا، “یہ اسناد نہ صرف آپ کی خدمات کا اعتراف ہیں بلکہ آنے والے وقتوں میں دوسروں کے لیے مشعل راہ بھی ہوں گی۔” آر پی او نے مزید کہا کہ پولیس اہلکاروں کا یہ جذبہ ہمارے معاشرے کو مضبوط اور انسانیت دوست بنانے میں اہم کردار ادا کرے گا۔پاکستان سویٹ ہوم کے چیئرمین زمرد خان(ہلالِ امتیاز)نے اس موقع پر اپنے خیالات کا اظہار کرتے ہوئے کہا، “یہ کیمپ انسانیت کی خدمت کا عملی مظاہرہ ہے، اور ہم ان تمام پولیس اہلکاروں کے شکر گزار ہیں جنہوں نے خون کے عطیات دے کر ہمارا ساتھ دیا۔”انہوں نے اس موقع پر تھلیسیمیا کے بچوں کا ذکر کرتے ہوئے کہا، “ہمارے عطیہ کردہ خون سے وہ معصوم بچے نئی زندگی پاتے ہیں جو تھلیسیمیا جیسے مرض سے لڑ رہے ہیں۔ یہ خون ان کی زندگی کا سہارا ہے اور ہم سب کا فرض ہے کہ ان کے لیے اس خدمت میں اپنا حصہ ڈالیں۔”آر پی او بابر سرفراز الپہ اور ایس ایس پی آپریشن راولپنڈی جناب کاشف صاحب نے اس موقع پر اعلان کیا کہ خون کے عطیات کو مزید فروغ دینے کے لیے راولپنڈی کے تمام اضلاح میں بلڈ کیمپ منعقد کیے جائیں گے۔ انہوں نے آنے والے کیمپوں کا شیڈول بھی جاری کیا اور کہا کہ ان کیمپوں کا مقصد زیادہ سے زیادہ لوگوں کو خون کے عطیات دینے کی طرف راغب کرنا ہے تاکہ زندگیوں کو بچایا جا سکے۔
ذریعہ: Daily Sub News
کلیدی لفظ: پولیس اہلکاروں خون کے عطیات اہلکاروں نے آر پی او
پڑھیں:
چھوٹے اور درمیانے درجے کے کاروبار کیلئے بلاسود قرضے دئیے جا رہے ہیں: شافع حسین
لاہور (کامرس رپورٹر) صوبائی وزیر صنعت و تجارت شافع حسین کی زیر صدارت وزیر اعلیٰ آسان کاروبار فنانس اور وزیر اعلیٰ آسان کاروبار کارڈ سکیموں کے بارے میں سٹیئرنگ کمیٹی کا پہلا اجلاس پیسک ہاؤس میں منعقد ہوا، جس میں بلاسود قرضوں کی دونوں سکیموں پر پیش رفت کا جائزہ لیا گیا۔ ایم ڈی پیسک سائرہ عمر نے سکیموں پر پیش رفت کے بارے میں بریفنگ دی۔ صوبائی وزیر صنعت و تجارت نے اجلاس سے خطاب کرتے ہوئے کہا ہے کہ پنجاب سمال انڈسٹریز کارپوریشن کی بلاسود قرضوں کی سکیموں کے تحت قرضوں کے حصول کیلئے لاکھوں افراد نے درخواستیں دی ہیں۔ آسان کاروبار فنانس سکیم کے تحت 3کروڑروپے تک کے بلاسود قرضے دئیے جا رہے ہیں جبکہ آسان کاروبار کارڈ سکیم کے تحت 10لاکھ روپے تک بلا سود قرضے کی سہولت موجود ہے۔ یہ دونوں سکیمیں چھوٹے اور درمیانے درجے کے کاروباروں کے فروغ کیلئے معاون ثابت ہورہی ہیں۔ بلاسود قرضوں کی یہ دونوں سکیمیں انتہائی کامیابی کے ساتھ آگے بڑھ رہی ہیں۔ صوبائی وزیر صنعت و تجارت چودھری شافع حسین سے کینیڈا کے ایکٹنگ ہائی کمشنر مسٹر ڈینیل آرسینلٹ نے مقامی ہوٹل میں ملاقات کی جس میں پاکستان اور کینیڈا کے مابین تجارت بڑھانے کے امور پر بات چیت ہوئی۔ صوبائی وزیر نے پنجاب کے مختلف شعبوں میں سرمایہ کاری کے مواقع سے آگاہ کیا۔ ایکٹنگ ہائی کمشنر کینیڈا نے کہا کہ کینیڈا اور پاکستان کے مابین باہمی تجارت بڑھانے کی وسیع گنجائش موجود ہے۔ کینڈا اور پاکستان کی بزنس کمیونٹی کے مابین روابط بڑھانے کی ضرورت ہے۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ