پی پی اے ایف کے اشتراک سے آزاد کشمیر میں لوکل ڈویلپمنٹ پروگرام کا آغاز ہوگیا
اشاعت کی تاریخ: 23rd, January 2025 GMT
غربت کے خاتمے اور ماحولیاتی تبدیلیوں کے اثرات کی روک تھام کے لیے پاکستان پاورٹی ایلیویشن فنڈ نے آزاد جموں و کشمیر میں لوکل ایریا ڈویلپمنٹ پروگرام کا آغاز کردیا ہے۔
جمعرات کے روز پاکستان کے وزیراعظم یوتھ پروگرام کے چیئرمین رانا مشہود نے مظفرآباد میں لوکل ایریا ڈویلپمنٹ پروگرام کا افتتاح کیا، یہ منصوبہ آزادکشمیر کے 3 اضلاع جہلم ویلی، حویلی اور نیلم میں شروع کیا گیا ہے۔
یہ بھی پڑھیں: وزیراعظم شہباز شریف نے آزاد کشمیر میں دانش اسکولز سسٹم کا سنگ بنیاد رکھ دیا
پی پی اے ایف کے شراکتی اداروں، حمزہ ڈویلپمنٹ فاؤنڈیشن اور بیسک ایجوکیشن ریفارم اینڈ ڈویلپمنٹ فاؤنڈیشن کے تعاون سے شروع کیے گئے اس منصوبے کا مقصد آبادیوں کو ماحولیاتی تبدیلیوں سے ہم آہنگ کرنے کے لیے حکمت عملی کا حصہ بناتے ہوئے انہیں بااختیار بنانا ہے، تاکہ اس خطے میں ایک پائیدار اور خوشحال مستقبل کی بنیاد رکھی جاسکے۔
اس منصوبے کی افتتاحی تقریب میں وزیراعظم پاکستان یوتھ پروگرام کے چیئرمین رانا مشہود کے علاوہ آزادکشمیر حکومت کے وزرا، سیاسی و سماجی شخصیات نے بھی شرکت کی۔
اس موقع پر رانا مشہود نے کہا کہ ملک کو ترقی یافتہ بنانے کے لیے سماجی شعبے کا تعاون انتہائی ضروری ہے۔ آزادکشمیر لوکل ایریا ڈویلپمنٹ پروگرام کے آغاز سے پسماندہ علاقوں میں ترقی کے نئے دور کا آغاز ہوگا، جس کے مثبت نتائج مرتب ہوں گے۔
وزیر اطلاعات آزادکشمیر پیر مظہر سعید نے کہا کہ آزادکشمیر کے پسماندہ علاقوں کے شہریوں کے لیے یہ پراجیکٹ انتہائی اہمیت کا حامل ہے اور یہ منصوبہ ان علاقوں کی محرومیاں ختم کرنے کے لیے ایک اہم سنگِ میل ثابت ہوگا۔
یہ بھی پڑھیں: وزیراعظم آزاد کشمیر نے عالمی مبصرین کو ریاست کے دورے کی دعوت دیدی
مظفرآباد میں پی سی آر سی کی اسسٹنٹ ڈائریکٹر یوتھ اور والنٹیئر طاہرہ کاظمی نے وی نیوز سے گفتگو کرتے ہوئے کہا کہ اس پروجیکٹ کے ذریعے اسمارٹ ٹیکنالوجی متعارف کروائی جا رہی ہے، جس سے اس خطے کے لوگوں کو بہت فائدہ ہوگا۔
انہوں نے کہا کہ اس منصوبے میں سولر سسٹم کی تنصیب کے ساتھ ساتھ کسانوں کو جدید طریقوں سے کھیتی باڑی کی تربیت دی جائے گی، جو زرعی پیداوار میں اضافے کا باعث بنے گی۔
طاہرہ کاظمی نے مزید کہا کہ اس پراجیکٹ میں زمین کے بہتر استعمال کی منصوبہ بندی اور جنگلات اگانے کے لیے تربیت بھی فراہم کی جائے گی، جو ماحولیاتی تحفظ میں مددگار ثابت ہوگی۔
یہ بھی پڑھیں: ہم اپنا جہادی کلچر واپس لائیں گے، وزیراعظم آزاد کشمیر
انہوں نے یہ بھی کہا کہ نوجوانوں اور معذور افراد کو تربیت دی جائے گی تاکہ وہ مالی طور پر خودمختار ہوسکیں، جس سے اس خطے کی معیشت پر مثبت اثرات مرتب ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر پی پی اے ایف جہلم ویلی لوکل ڈویلپمنٹ پروگرام نیلم ویلی وزیراعظم یوتھ پروگرام.ذریعہ: WE News
کلیدی لفظ: پی پی اے ایف نیلم ویلی وزیراعظم یوتھ پروگرام کہا کہ کے لیے یہ بھی
پڑھیں:
’’امن 2025‘‘مشقوں کی گونج؛ پاک سری لنکا بحری اشتراک پر بھارت بوکھلاہٹ کا شکار
پاک سری لنکا بحری مشقوں ’’امن 2025ء‘‘ کے لیے دونوں ممالک کے اشتراک پر بھارت ہمیشہ کی طرح بوکھلاہٹ کا شکار ہے۔
خطے میں بحری طاقت کا توازن تیزی سے تبدیل ہو رہا ہے اور پاکستان بحریہ کی عالمی سطح پر بڑھتی ہوئی سرگرمیاں بھارتی حلقوں میں سخت اضطراب کا سبب بنی ہوئی ہیں۔
’’امن 2025‘‘ میں 60 سے زائد ممالک کی شمولیت جہاں ایک تاریخی لمحہ ہے، وہیں بھارت کی جانب سے اس کامیابی کو سبوتاژ کرنے کی کوششیں خود اس کی خفت کا باعث بن رہی ہیں۔
عالمی بحری طاقتوں کے ساتھ پاکستان کا بڑھتا تعلق
پاک بحریہ کی جانب سے مسلسل بین الاقوامی مشقوں میں شرکت اور دوستانہ دوروں نے نہ صرف عسکری میدان میں پاکستان کے وقار کو بلند کیا بلکہ عالمی سطح پر تعاون کی ایک نئی مثال قائم کی ہے۔ پی این ایس ’’اصلت‘‘ کا حالیہ کولمبو دورہ، سری لنکن بحریہ کے ساتھ مشترکہ مشقیں اور دیگر فعال روابط اس مضبوط شراکت داری کا عملی مظہر ہیں۔
بھارتی میڈیا کے دعوے اور سری لنکن وزارت دفاع کا سخت ردعمل
بھارتی میڈیا نے بے بنیاد دعویٰ کیا کہ پاک سری لنکا بحری مشق منسوخ کر دی گئی ہے، تاہم سری لنکا کی وزارت دفاع نے ان افواہوں کی نہ صرف سختی سے تردید کی بلکہ واضح الفاظ میں کہا کہ دونوں ممالک کے درمیان دفاعی تعلقات پہلے سے کہیں زیادہ مضبوط ہیں۔
امن مشق میں سری لنکن بحریہ کی فعال شرکت
’’امن 2025‘‘ میں سری لنکن بحریہ کی پرجوش شرکت نے بھارتی میڈیا کی بے بنیاد قیاس آرائیوں کو جھوٹا ثابت کر دیا ہے۔ یہ شرکت اس امر کی دلیل ہے کہ پاکستان اور سری لنکا نہ صرف بحری سلامتی کے مشترکہ اہداف رکھتے ہیں بلکہ ان کی اسٹریٹیجک پارٹنرشپ مضبوط بنیادوں پر قائم ہے۔
بھارتی پروپیگنڈا ہمیشہ کی طرح ناکام رہا
بھارت کی جانب سے پاکستان اور سری لنکا کے بڑھتے تعلقات کو سبوتاژ کرنے کی کوششیں بار بار ناکام ہو رہی ہیں۔ خواہ وہ جعلی خبریں ہوں یا میڈیا پروپیگنڈا، زمینی حقائق یہ ثابت کر رہے ہیں کہ خطے میں پاکستان کا مؤثر کردار اب نظر انداز نہیں کیا جا سکتا۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ