سپر گلو سے ہونٹ چپکانے کا مذاق مہنگا پڑ گیا، ویڈیو وائرل
اشاعت کی تاریخ: 23rd, January 2025 GMT
فلپائن سے تعلق رکھنے والے ایک شخص کی ویڈیو انٹرنیٹ پر وائرل ہے جس میں وہ مذاق کرتے ہوئے اپنے ہونٹوں پر سپر گلو لگا لیتا ہے، لیکن صورتحال جلد خطرناک ہوجاتی ہے۔
سوشل میڈیا کے دور میں لوگ اکثر توجہ حاصل کرنے اور آن لائن وائرل ہونے کےلیے انتہائی حد تک چلے جاتے ہیں۔ ایسا ہی کچھ فلپائن سے تعلق رکھنے والے شخص کے ساتھ ہوا، جسے اپنے ہونٹوں کو سپر گلو سے چپکانے کا مذاق مہنگا پڑ گیا۔
وائرل ویڈیو میں دیکھا جاسکتا ہے کہ ایک شخص سپر گلو کی ٹیوب کو کیمرے کے سامنے دکھا کر محلول کو اپنے ہونٹوں پر لگاتا ہے۔
یہ گوند سیکنڈوں میں کسی بھی چیز کو چپکانے کا دعویٰ کرتی ہے، اور اس شخص کے ساتھ بھی ایسا ہی ہوتا ہے جب اس کے ہونٹ مضبوطی سے چپک جاتے ہیں۔
ویڈیو کی ابتدا میں آدمی اس صورتحال پر ہنستا ہے اور اسے لگتا ہے کہ یہ مذاق کامیاب ہوگیا۔ تاہم جلد ہی اس کی یہ ہنسی ختم ہوجاتی ہے جب وہ منہ کھولنے کےلیے جدوجہد کرتا ہے۔
جلد ہی اس شخص کی تفریح گھبراہٹ میں بدل جاتی ہے جب اسے احساس ہوتا ہے کہ اس کے ہونٹ بہت کوششوں کے باوجود بھی الگ نہیں ہوپارہے۔ صورتحال کی سنگینی کے ساتھ اس کے آنسو بہنے لگتے ہیں۔ اور یقینی طور پر اسے سانس لینے میں بھی دشواری ہوتی ہے۔ ویڈیو میں اس شخص کا پریشان چہرہ عیاں ہے۔
اس ویڈیو نے 6.
جبکہ ایک اور صارف نے خبردار کرتے ہوئے لکھا کہ ’’مجھے امید ہے کہ اس نے اپنا سبق سیکھ لیا ہوگا، کیونکہ یہ سچویشن اور بھی خراب زیادہ ہوسکتی تھی۔‘‘
ذریعہ: Express News
کلیدی لفظ: سپر گلو
پڑھیں:
ہانیہ عامر کی لکس ایوارڈز ویڈیو وائرل، ساتھی اداکاروں سے گلے ملنے پر صارفین میں تنازعہ
خوبرو اداکارہ ہانیہ عامر کی لکس سٹائل ایوارڈ کے دوران ساتھی اداکاروں سے گلنے ملنے کی ویڈیو وائرل ہو گئی جس پر صارفین نے انہیں شدید تنقید کا نشانہ بنایا۔پاکستانی سپر اسٹار اداکارہ ہانیہ عامر نہ صرف ملک بلکہ بین الاقوامی سطح پر بھی اپنی اداکاری اور شخصیت کے باعث مقبول ہیں، وہ مختلف کامیاب ڈراموں میں کام کر چکی ہیں جبکہ دلجیت دوسانجھ کے ساتھ ایک بھارتی پنجابی فلم میں بھی نظر آ چکی ہیں۔حال ہی میں منعقد ہونے والے لکس اسٹائل ایوارڈز 2025 میں ہانیہ عامر اپنے سپر ہِٹ ڈرامے ’کبھی میں کبھی تم‘ کی وجہ سے توجہ کا مرکز بنیں، ایوارڈ تقریب میں ڈرامے کی پوری ٹیم موجود تھی کیونکہ اس ڈرامے کو متعدد کیٹیگریز میں نامزدگیاں حاصل ہوئیں۔ہانیہ عامر نے تقریب کے دوران اپنی لکس اسٹائل ایوارڈ ٹرافی بھی وصول کی، اس موقع پر ان کے ساتھی فنکار فہد مصطفیٰ، توثیق حیدر اور نعیمہ بٹ بھی تقریب میں شریک تھے۔تقریب کے دوران ہانیہ عامر کی ملاقات توثیق حیدر سے ہوئی، جنہوں نے ڈرامے میں ان کے والد کا کردار ادا کیا تھا، دونوں نے ایک دوسرے کی اداکاری کو سراہا اور ہانیہ عامر نے انہیں گلے بھی لگایا، اس کے علاوہ ایک وائرل ویڈیو میں ہانیہ عامر کو ڈرامے میں ان کے شوہر کا کردار ادا کرنے والے اداکار فہد مصطفیٰ سے بھی گلے ملتے دیکھا گیا۔سوشل میڈیا پر یہ مناظر تنقید کی زد میں آ گئے، بعض صارفین کو ہانیہ عامر کا مرد ساتھی اداکاروں سے اس طرح گلے ملنا پسند نہ آیا اور انہوں نے اس پر مختلف تبصرے کیے، ایک صارف نے لکھا " تقریب میں کوئی مرد رہ تو نہیں گیا جسے ہانیہ نے گلے نہ لگایا ہو؟" جبکہ ایک اور صارف نے سوال اٹھایا " یہ کس ثقافت کی نمائندگی ہے؟"سوشل میڈیا پر جاری اس بحث کے باوجود ہانیہ عامر کی پیشہ ورانہ کامیابیاں اور مقبولیت بدستور برقرار ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر