ایس ایس پی آفس سکھر میں پروقارالوداعی تقریب کا انعقاد
اشاعت کی تاریخ: 23rd, January 2025 GMT
سکھر(نمائندہ جسارت)ایس ایس پی آفس سکھر میں ایک پروقار الوداعی تقریب کا انعقاد کیا گیا، جس میں ایس ایس پی سکھر امجد احمد شیخ نے پولیس سروس سے ریٹائر ہونے والے دو ہیڈ کانسٹیبل امیر بخش کلوڑ اور غلام مصطفی میرانی کی خدمات کو سراہا۔ ایس ایس پی سکھر نے انکی محنت اور فرض شناسی کو تسلیم کرتے ہوئے کہا کہ ریٹائرمنٹ کے بعد بھی یہ پولیس ملازمین قانون کی عمل داری کے لیے اہم کردار ادا کرتے ہیں۔ تقریب میں ریٹائرڈ ہیڈ کانسٹیبل امیر بخش کلوڑ اور غلام مصطفی میرانی کو روایتی اجرک شیلڈ، پھولوں کے تحائف اور بوسکی کی پھگ پہنائی گئی۔ ایس ایس پی سکھر نے ان کے لیے نیک خواہشات کا اظہار کیا اور تقریب کے اختتام پر انہیں پولیس پروٹوکول کے ساتھ ان کے گھروں کوروانہ کیا۔ امیر بخش کلوڑ اور غلام مصطفیٰ میرانی نے ایس ایس پی سکھر اور تمام افسران و جوانوں کا شکریہ ادا کیا۔
.ذریعہ: Jasarat News
پڑھیں:
سکھر دھرنا، کراچی چیمبر کا حکومت سے قومی شاہراہ بحال کرنے کا مطالبہ
صدر کراچی چیمبر جاوید بلوانی نے کہا کہ احتجاج کا حق تسلیم کرتے ہیں، لیکن اقتصادی سرگرمیوں کو روکنا قابل قبول نہیں ہے، حکومت فوری طور پر مذاکرات کے ذریعے مسئلہ حل کرے۔ اسلام ٹائمز۔ کراچی چیمبر آف کامرس اینڈ انڈسٹری نے سکھر کے قریب دھرنے، شاہراہ کی بندش پر شدید تشویش کا اظہار کرتے ہوئے حکومت سے فوری مذاکرات کے ذریعے قومی شاہراہ بحال کرنے کا مطالبہ کر دیا۔ کراچی چیمبر آف کامرس کے صدر جاوید بلوانی نے کہا ہے کہ ببرلو کے قریب دھرنے سے نیشنل ہائی وے پر ٹریفک جام، سامان کی ترسیل بری طرح متاثر ہو رہی ہے، راستوں کی بندش سے برآمدی سامان، جلد خراب ہونے والی اشیاء بروقت منزل مقصود تک نہیں پہنچ رہی ہیں، روہڑی، علی واہن سمیت کئی علاقوں میں مال بردار گاڑیاں اور کنٹینرز پھنس گئے۔ صدر کراچی چیمبر نے کہا کہ دھرنوں اور بندشوں سے ملکی تجارت، برآمدات اور ساکھ کو شدید خطرات لاحق ہیں۔ انہوں نے کہا کہ احتجاج کا حق تسلیم کرتے ہیں، لیکن اقتصادی سرگرمیوں کو روکنا قابل قبول نہیں ہے، حکومت فوری طور پر مذاکرات کے ذریعے مسئلہ حل کرے اور قومی شاہراہ بحال کروائے۔ انہوں نے کہا کہ دھرنے سے معیشت، روزگار اور کاروباری سرگرمیاں متاثر ہورہی ہیں اور صورتحال ہر گھنٹے بگڑ رہی ہے۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش