ٹرمپ نے سابق مشیر جان بولٹن کو سیکورٹی سے محروم کردیا
اشاعت کی تاریخ: 23rd, January 2025 GMT
واشنگٹن (انٹرنیشنل ڈیسک) امریکی صدر ڈونلڈ ٹرمپ نے اپنے سابق مشیر برائے قومی سلامتی جان بولٹن سے خفیہ سروس کا تحفظ چھین لیا جو وائٹ ہاؤس میں خدمات انجام دینے کے بعد مبینہ ایرانی قتل کی سازش کا نشانہ بنے۔ بولٹن کے ترجمان نے کہا کہ خفیہ سروس نے بولٹن کو فون کیا اور کہا کہ ان کی سیکورٹی ختم ہو جائے گی۔ ٹرمپ نے تصدیق کرتے ہوئے کہا کہ ہم لوگوں کو ساری زندگی کے لیے سیکورٹی نہیں دیں گے۔بولٹن نے ایکس پر ایک پوسٹ میں کہا کہ وہ مایوس تھے لیکن حیران نہیں کہ صدر ٹرمپ نے وہ تحفظ کو ختم کرنے کا فیصلہ کیا ہے جو امریکا کی خفیہ سروس کی طرف سے پہلے فراہم کیا گیا تھا۔ وائٹ ہاؤس اور خفیہ سروس نے اس پر کوئی تبصرہ کرنے سے انکار کر دیا۔ یاد رہے کہ بولٹن نے وائٹ ہاؤس کی ملازمت چھوڑنے کے بعد اپنے سابق باس کے لیے سخت الفاظ کہے تھے۔ انہوں نے 2024 ء میں اپنی یادداشت کے ایک نئے ایڈیشن میں ٹرمپ کو صدر کے عہدے کے لیے نااہل قرار دیا۔ اس یادداشت میں انہوں نے ریپبلکن صدر کو ایک مکمل مفاد پرست آدمی قرار دیتے ہوئے کہا کہ وہ ذاتی دشمنوں کو سزا دیتے ہیں اور اپنے مخالفین روس اور چین کو خوش کرتے ہیں۔ جواب میں ٹرمپ نے بولٹن کوگونگا شخص قرار دیا۔ یاد رہے کہ بولٹن نے 2019 ء تک ٹرمپ کے لیے قومی سلامتی کے تیسرے مشیر کے طور پر خدمات انجام دیں۔امریکا نے 2022 ء میں ایران کی پاسدارانِ انقلاب کے ایک رکن پر بولٹن کے قتل کی سازش کا الزام لگایاتھا۔ محکمہ انصاف نے الزام لگایا کہ 45 سالہ شہرام پورصفی نے بولٹن کو قتل کرنے کی کوشش کی جس کا محرک ممکنہ طور پر جنوری 2020 میں امریکی ڈرون حملے میں ایران کے سپاہِ پاسدارانِ انقلاب کے کمانڈر قاسم سلیمانی کی ہلاکت کا بدلہ لینا تھا۔ ایران کا امریکا کے ساتھ مجرموں کی حوالگی کا معاہدہ نہیں ہے اور پورسفی ابھی تک مفرور ہے۔ سابق صدر جو بائیڈن نے 2021 ء میں ایرانی خطرہ سامنے آنے کے بعد بولٹن کو خفیہ سروس کے تحفظ میں توسیع دی تھی ۔
.ذریعہ: Jasarat News
کلیدی لفظ: خفیہ سروس کہا کہ کے لیے
پڑھیں:
SICPAپاکستان کا ملک میں شاندار خدمات اور شراکت داری کا 30 سالہ جشن
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)محفوظ شناخت، تصدیق اور ٹریس ایبیلٹی کا حل فراہم کرنے والے قابل اعتماد ادارے SICPA پاکستان نے اپنے قیام کی 30 ویں سالگرہ کا جشن منایا۔اس حوالے سے کراچی میں ایک پروقار تقریب کا انعقاد کیا گیا۔تقریب میں اسٹیٹ بینک آف پاکستان ( ایس بی پی) کے گورنر جمیل احمد نے بطور مہمان خصوصی شرکت کی جبکہ ایس بی پی کے سینیئر حکام ، پاکستان سیکورٹی پرنٹنگ کارپوریشن ( پی ایس پی سی ) کے نمائندوں اورSICPAکے قابل قدر برانڈ پروٹیکشن پارٹنرز بھی شریک ہوئے۔
اپنے افتتاحی خطاب میں SICPA انکس پاکستان (پرائیویٹ) لمیٹڈ کے منیجنگ ڈائریکٹر رضوان بٹ نے ادارے کے 30 سالہ شاندار سفر اور اسٹیٹ بینک آف پاکستان اور پاکستان سیکورٹی پرنٹنگ کارپوریشن کے ساتھ طویل شراکت داری کو اجاگر کیا۔ 1995 میں اپنے قیام سے بینک نوٹوں کیلئے سیکورٹی سیاہی فراہم کنندہ کی حیثیت سے SICPA نے اپنی صلاحیتوں میں نمایاں میں اضافہ کیا۔ 2007 میں برانڈ پروٹیکشن کے کاروبار کا قیام،2012میں بڑے پیمانے پر فسیلیٹی اپ گریڈیشن اور 2022 میں جدید QUAZAR® ٹیکنالوجی کا آغاز جیسے اقدامات SICPAکی صلاحیت کو نمایاں طور پر مضبوط بنا چکے ہیں جس کے ذریعے وہ مختلف صنعتوں میں 60 سے زائد معروف برانڈز کا تحفظ کر رہی ہے۔یہ سرمایہ کاری اس بات کا مظہر ہے کہ SICPA اسٹیٹ بینک آف پاکستان کے اہداف خصوصا کیش آٹومیشن، تصدیق اور سیکیورٹی میں بہتری کے ساتھ خود کو مسلسل ہم آہنگ کر رہی ہے۔
اپنے اہم خطاب میں اسٹیٹ بینک آف پاکستان کے گورنر جمیل احمد نے پاکستان میں 30سال کامیابی کے ساتھ مکمل کرنے پر SICPAکو مبارک باد دی اور پاکستانی بینک نوٹوں کی طباعت کیلئے معیاری سیکورٹی سیاہی کی فراہمی میں اس کے کردار کو سراہا۔انہوں نے اطمینان کا اظہار کیا کہ معیاری سیکورٹی سیاہی کی تیاری کے لیے SICPA اور پاکستان سیکیورٹی پرنٹنگ کارپوریشن کے درمیان شراکت داری دونوں اداروں کیلئے یکساں طور پرسود مند رہی۔ٹیکنالوجی ٹرانسفر اور مختلف اقسام کی سیکورٹی سیاہی کی مقامی سطح پر تیاری کو سراہتے ہوئے انہوں نے اس ضرورت پر زور دیا کہ خطے کے دیگر ممالک کو سیکیورٹی سیاہی اور متعلقہ مصنوعات کی برآمد کو یقینی بنانے کیلئے SICPA پاکستان کو ایک علاقائی ہب بنانے کے امکانات کا جائزہ لیا جائے۔انہوں نے SICPA کی تازہ ترین تکنیکی پیش رفت کو بھی سراہا اور پاکستان کے نئے بینک نوٹوں کی سیریز کی تیاری میں کمپنی کی جاری معاونت کا اعتراف کیا۔
ارنائو لارنس،منیجنگ ڈائریکٹر،کرنسی سروسز اینڈ سولیوشنز،SICPA،سوئٹزرلینڈ نے سیکورٹی پرنٹنگ اور برانڈ پروٹیکشن میں ایک قابل اعتماد ادارہ بننے پر SICPA پاکستان کے کردار کی تعریف کی ۔انہوں نے غیر معمولی کارکردگی اور معیاری خدمات کی فراہمی کیلئے منیجنگ ڈائریکٹر رضوان بٹ اور SICPA پاکستان کی پوری ٹیم کی انتھک محنت، لگن اور عزم کو سراہا جس نے نہ صرف پاکستان بلکہ خطے بھر میں کمپنی کی پوزیشن کو مضبوط بنایا۔ انہوں نے اس بات کا اعادہ کیا کہ SICPA نیکسٹ جنریشن ٹیکنالوجیز اور ڈیجیٹل حل میں اپنی سرمایہ کاری جاری رکھے گا۔ انہیں فخر ہے کہ کمپنی پاکستان کے مستقبل کے لیے ایک قابلِ اعتماد شراکت دار ہے اور وہ نئی بینک نوٹوں کی سیریز کے اجرا کے ساتھ ساتھ بڑھتی ہوئی برانڈ پروٹیکشن کی ضروریات کو پورا کرنے کے لیے بھی پوری طرح تیار ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر