صبا قمر کو بولڈ فوٹوشوٹ پر تنقید کا سامنا
اشاعت کی تاریخ: 22nd, January 2025 GMT
کراچی(شوبز ڈیسک)مقبول اداکارہ صبا قمر کے بولڈ فوٹوشوٹ کی ویڈیوز اور تصاویر وائرل ہونے کے بعد انہیں تنقید کا سامنا ہے۔
صبا قمر نے کچھ عرصہ قبل فیشن میگزین کے لیے فوٹوشوٹ کروایا، جس میں انہیں بولڈ لباس میں ادائیں دکھاتے دیکھا گیا۔
صبا قمر نے دسمبر 2024 میں فیشن میگزین کے لیے فوٹوشوٹ کرایا تھا، جس کی ویڈیوز اور تصاویر اب وائرل ہوگئیں۔
اداکارہ کی جانب سے فیشن میگزین کے لیے کرائے گئے فوٹوشوٹ کی ویڈیو اور تصاویر سوشل میڈیا پر وائرل ہوگئیں، جہاں صارفین نے انہیں آڑے ہاتھوں لیا۔
اداکارہ کی تصاویر اور ویڈیوز پر زیادہ تر صارفین نے تنقید کرتے ہوئے انہیں بولڈ لباس میں ادائیں دکھانے پر تنقید کا نشانہ بنایا۔
View this post on Instagram
A post shared by Sunday Times (@sundaytimes)
مداحوں نے تبصرے کرتے ہوئے جہاں ان کے لباس کو نامناسب قرار دیا، وہیں مداحوں نے لکھا کہ صبا قمر اچھی اداکارہ ہوتی تھیں لیکن وہ بھی نامناسب لباس پہننے لگی ہیں۔
سوشل میڈیا صارفین نے صبا قمر کی ویڈیو پر ان کے لیے سخت الفاظ کا استعمال کرتے ہوئے استغفار بھی کیا اور انہیں مسلمان ہونے کے طعنے بھی دیے۔
بعض مداحوں نے کمنٹس کرتے ہوئے پاکستان کے برے حالات کا ذمہ دار بھی اداکارہ اور ان جیسی دوسری اداکاراؤں کو قرار دیا۔
کچھ لوگوں نے اداکارہ کو خدا کا خوف کرنے کا مشورہ دیتے ہوئے لکھا کہ پہلے ہی ملک پر عذاب آئے ہوئے ہیں۔
جہاں سوشل میڈیا صارفین نے اداکارہ کو بولڈ لباس پر آڑے ہاتھوں لیا، وہیں کچھ افراد نے ان سے مطالبہ کیا کہ وہ اس طرح کا لباس کب ڈراموں میں پہنیں گی؟
View this post on Instagram
A post shared by ISIKELI (@isikeliofficial)
مزیدپڑھیں:کِیا لکی موٹرز پاکستان میں نئی EV9 لانچ کرنے جا رہی ہے؟
ذریعہ: Daily Ausaf
کلیدی لفظ: صارفین نے کرتے ہوئے کے لیے
پڑھیں:
ہالی وڈ اداکارہ انجلینا جولی کی غزہ کے حق میں پوسٹ
غزہ:ہالی وڈ کی مشہور اداکارہ انجلینا جولی بھی غزہ میں ہونے والے اسرائیلی مظالم پر چپ نہ رہ سکیں اور مظلوم فلسطینیوں کے حق میں سوشل میڈیا میں آواز بلند کی ہے۔
انجلینا جولی نے سماجی رابطے کی ویب سائٹ پر ڈاکٹر ود آؤٹ بارڈرز کی پوسٹ کو شیئر کیا ہے، جس میں فلسطین کی سنگین صورت حال نمایاں کی گئی ہے۔
ہالی وڈ اداکارہ کی جانب سے شیئر کی گئی پوسٹ میں کہا گیا ہے کہ ‘غزہ فلسطینیوں اور جو ان کی مدد کر رہے ہیں ان کے لیے ایک بدترین قبرستان بن دیا ہے’۔
ڈاکٹرز ود آؤٹ بارڈرز نے سوشل میڈیا میں لکھا کہ اسرائیلی فورسز کی جانب سے غزہ کی پٹی میں فضائی، زمینی اور سمندری راستوں سے جارحیت دوبارہ شروع کی گئی ہے اور اس میں مزید وسعت لائی گئی، اس وقت سے لوگوں کو جبری بے دخل کرنا اور جان بوجھ کر بنیادی امداد روکی جا رہی ہے۔
بیان میں مزید کہا گیا کہ فلسطینیوں کی زندگیاں ایک دفعہ پھر منظم انداز میں تباہ کی جا رہی ہیں۔
خیال رہے کہ اسرائیل نے اکتوبر 2023 میں شروع ہونے والی غزہ جنگ میں اب تک وحشیانہ کارروائیوں میں خواتین، بچوں اور بزرگوں سمیت 51 ہزار سے زائد فلسطینیوں کو شہید کردیا ہے۔
اسرائیل اور حماس کے درمیان رواں برس کے شروع میں جنگ بندی ہوئی تھی اور معاہدے کے تحت قیدیوں کا تبادلہ ہوا تھا تاہم دوسرے مرحلے میں مذاکرات سے قبل ہی اسرائیل نے بم باری شروع کردی، اس کے علاوہ زمینی اور سمندری راستوں سے بھی بدترین حملے جاری ہیں۔
واضح رہے کہ ہالی وڈ اداکارہ انجلینا جولی اقوام متحدہ کا ادارہ برائے مہاجرین (یو این ایچ سی آر) کی خیرسگالی سفیر کے طور پر اپنی خدمات انجام دے چکی ہیں اور دنیا بھر میں بے گھر افراد اور جنگوں سے متاثرہ خواتین کے حق میں آواز بلند کرتی رہی ہیں۔
انہوں نے اقوام متحدہ کی سفیر کی حیثیت سے جنگ زدہ افغانستان کا بھی دورہ کیا تھا اور پاکستان میں سیلاب کے نتیجے میں ہونے والے بے گھر افراد کے کیمپوں کا بھی دورہ کیا تھا۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش