ڈیجیٹل دُنیا اور ہمارے بچے بچیاں
اشاعت کی تاریخ: 22nd, January 2025 GMT
اسلام ٹائمز: اپنے بچوں کیلئے ایک اچھا آن لائن رول ماڈل بنیں۔ بچے بچیوں کیساتھ باہمی اعتماد بڑھائیں اور اعتماد پیدا کریں اور کھل کر بات چیت کریں۔ اپنے بچے بچیوں کو انکے آن لائن منفی تجربات کیلئے مورد الزام نہ ٹھہرائیں۔ آن لائن نامناسب سلوک کی صورت میں اپنے بچے بچیوں کو شناخت کرنے اور ریسپانس کا طریقہ بتائیں۔ گھر میں انٹرنیٹ استعمال کرنے کے أصول باہمی مشورے سے بنائیں۔ بچے بچیوں میں تنقیدی سوچ پیدا ہونے کی حوصلہ افزائی کریں۔ بچے بچیوں کو آن لائن اور آف لائن رہنے کی حوصلہ افزائی کریں۔ اپنے بچوں کو آن لائن محفوظ رکھنے کیلئے دستیاب تکنیکی ٹولز کا استعمال کریں۔ اپنے بچے بچیوں کو اپنے ہم عمروں اور دوستوں کے دباو کا مقابلہ کرنے کا حوصلہ عطا کریں۔ تحریر: سید انجم رضا
ماہر عمرانیات کرہ ارض پر انسانی سماج اور معاشرے کے ارتقائی سفر کو مختلف ادوار میں تقسیم کرتے ہیں، ابتدائی انسانی زندگی غار اور شکار کا دور کہا جاتا ہے، جہاں انسان صرف مرد و عورت کے جوڑوں کی صورت میں زندگی گزارتا تھا، اولاد پیدا ہونے اور افراد بڑھ جانے کے کے بعد باقاعدہ خاندان، قبیلے، گروہ، برادری جیسے ادارے تشکیل پانے لگے اور انسان نے شکار کے ساتھ اناج، پھل، سبزیوں کو بھی بطور خوراک استعمال کرنا شروع کیا تو اب "زرعی دور" شروع ہوگیا، اس دور میں انسان نے بڑی بڑی بستیاں بسانی شروع کر دی اور باقاعدہ منظم مملکت، ریاست، آئین قانون کی تشکیل شروع کر دی اور ان قوانین اور ضابطوں کے تحت زندگی بسر ہونے لگی۔ پہیے کی ایجاد کو انسانی معاشرتی زندگی بنیادی سب سے بڑی ایجاد سمجھا جاتا ہے، جس نے انسانی معاشرے کی بہتری میں بہت اہم کردار ادا کیا اور یہ سب دور سینہ گزٹ، نسل در نسل علم و حکمت کی منتقلی کا دور تھا، انسان تصویریں بناتا بناتا تحریر کے فن کو بھی ایجاد کرچکا تھا اور اپنے حساب کتاب کو منضبط کرنے کے ساتھ ساتھ اپنے لئے ضابطوں، قوانین کو تحریر کی شکل مین محفوط کرنے کے مقام تک پہنچ چکا تھا۔
پرنٹنگ پریس کی ایجاد اور کارخانہ داری یعنی صنعتی ترقی نے انسانی معاشرے کے رہن سہن کو ایک نیا رخ اور نیا انداز ادا کر دیا، اب انسانی معاشرتی ترقی سفر تیز تر ہوچکا تھا۔ انسانی معاشرے کا سب سے بڑا حُسن ہے کہ وہ اپنی اقدار، عقائد، روایات کے نام پر معاشرے کو جوڑ کر مضبوط رکھتا ہے۔ انسانی معاشرے کی ترقی میں رابطہ کاری، ایک دوسرے سے جڑے رہنا بھی بہت لازمی امر ہے۔ انسان نے اپنا مافی الضمیر، اپنے جذبات، اپنے خیالات، اپنے نظریات و عقائد کی ترسیل و ابلاغ کے لئے روز بروز نئی سے نئی اختراعات کی ہیں۔ زرعی دور سے صنعتی دور تک کا سفر انسانی معاشرے کی وہ اُڑان ہے، جس نے حضرت انسان کے سامنے کائنات کے سب راز کھول کر رکھ دیئے ہیں۔ انٹرنیٹ کی ایجاد کو نصف صدی سے زائد کا عرصہ گزر چکا ہے، انٹرنیٹ کی ترقی کا سفر بہت سُرعت اور تیزی ہو رہا ہے، انسانی معاشرتی زندگی کا سب سے بڑا دخیل انٹرنیٹ کا استعمال بن چکا ہے۔
فی زمانہ انسانی ادوار کی اس تقسیم میں "ڈیجٹل دور" کرہ ارض پر انسانی معاشرے کے ہر مسئلے کا حل بن چُکا ہے۔ انسانی معاشرہ انٹرنیٹ کے ذریعے، فیس بک، ٹوئٹر، وٹس ایپ اور انسٹا گرام جیسی ورچوئل دُنیا کا سماج بن چُکا ہے۔ کرونا جیسی آفت میں انٹرنیٹ نے انسانی معاشرے کی معمول کی زندگی کے سفر کو برقرار بھی رکھا بلکہ زندگی بسر کرنے کے نئے سے نئے طریقوں سے متعارف کروا دیا۔ آن لائن بزنس، آن لائن تعلیم، آن لائن میٹنگز، آن لائن گیمز، آن لائن کنسٹلٹینسی، غرض بہت سے منافع بخش کام جن کے لئے زیادہ افرادی قوت، وسائل اور وقت درکار ہوتا تھا، انٹرنیٹ کے ذریعے جھٹ پٹ اور ارزاں اور کم وقت میں مکمل ہونے لگے ہر بدلتے ہوئے دور میں نئے پیداواری رشتوں کے ساتھ انسانی معاشرے کو نئے نئے مسائل کا سامنا کرنا پڑتا ہے، کیونکہ ہر دور کے اپنے تقاضے ہوتے ہیں۔
آج دنیا کے 5 ارب کے قریب افراد انٹرنیٹ کا استعمال کر رہے ہیں اور آج کل کے جدید دور میں ہر گھر میں ہر کسی کی انٹرنیٹ تک رسائی ممکن ہے، ہر کسی کے پاس گھروں میں لیپ ٹاپ، کمپیوٹر اور اسمارٹ فونز موجود ہیں۔ ایسی صورتحال میں بچوں کو ان چیزوں سے دور رکھنا ممکن نہیں ہے۔ ڈیجیٹل دنیا میں انٹرنیٹ پر تعلیم و تربیت کے ساتھ ساتھ اور بہت کچھ بھی آسانی سے میسر ہے، اور یہ سب کچھ۔ کیا ہمارے بچے بچیوں کی ضرورت ہے؟ کیا ان کے لئے فائدہ مند ہے؟ یا ان کے لئے مضر اور نقصان دہ ہے۔؟ ہمارے بچے بچیاں اپنی تفریح اور ایجوکیشن کے لیے ان لائن رابطوں میں رہنے لگے ہیں اور اکثر سوشل میڈیا کے مختلف ایپس کا استعمال بھی کرتے ہیں، اس وقت بچوں کو نہیں پتہ ہوتا کہ وہ کس سے بات کر رہے ہیں اور اس ویڈیو کے دیکھنے کے بعد سکرین پر کیا نظر آنے والا ہے۔ بعض اوقات بچے اپنی ذاتی معلومات شیئر کر دیتے ہیں، جس سے ان کو بہت سے نقصانات کا سامنا کرنا پڑتا ہے مثلاً سائبر بلنگ، نازیبا تصاویر اور ذاتی تصاویر کا اپڈیٹ کرکے ان کو سوشل میڈیا پر اپلوڈ کرنا بلیک میلنگ فیک اکاؤنٹ وغیرہ۔
والدین کو کیا کرنا چاہیئے؟
والدین اپنی معاشی اور سماجی مصروفیات و سرگرمیوں کی بنا پر ہر وقت اپنے بچے بچیوں پہ نظر بھی نہیں رکھ سکتے۔ ایسے میں والدین کے لئے ضروری ہے کہ کم از کم آن لائن تحفظ کے بارے میں خود بھی باخبر ہوں اور اپنے بچے بچیوں کو بھی آن لائن سیفٹی کے طریقوں سے آگاہ کریں۔ اس کے لئے سب سے اہم بات تو یہ ہے کہ والدین اپنے بچے بچیوں کے ساتھ باہمی اعتماد اور پیار کا رشتہ مضبوط کریں، والدین کا اپنے بچے بچیوں کے ساتھ اعتماد کا تعلق قائم کرنا اور ٹیکنالوجی کے استعمال پر گفتگو، بحث مباحثہ کرنا بہت ضروری ہے۔ والدین اپنے بچے بچیوں سے بات کریں اور انہیں سمجھانے کی کوشش کریں کہ کونسی معلومات ان کے لئے بہتر ہیں اور کونسی نہیں۔
جیسے بچوں کو سائبر بولنگ وغیرہ کے بارے میں سمجھائیں، بچوں کو انٹرنیٹ اور کمپیوٹر کے استعمال کی صحیح معلومات دیں اور بچوں کو آن لائن سیفٹی کے طریقوں کے بارے میں آگاہ کریں۔ اسی طرح "پیرینٹل کنٹرول“ بچے بچیوں کے لئے انتہائی اہمیت کا حامل ہے، اس کے ذریعے والدین اپنے بچے بچیوں کے لئے اپنے کمپیوٹر کو محفوظ بنا سکتے ہیں اور وہ مواد جو بچے بچیوں کے لئے صحیح نہیں ہے، اسے بلاک کرنا، کمپیوٹر اور انٹرنیٹ کے استعمال کا وقت یعنی اسکرین ٹائم طے کرنا اور انٹرنیٹ سرچ کو بچوں کے حق میں بنانا۔ ”پیرینٹل کنٹرول“ کے ذریعے آپ یہ سب کچھ آسانی سے کرسکتے ہیں۔ یوٹیوب دُنیا بھر میں پاپولر ترین اور سب سے زیادہ استعمال ہونے والی وڈیو لائیبریری ہے، یوٹیوب میں ایک سیکنڈ میں کئی ہزار وڈیوز اپ لوڈ ہوتی ہیں اور دیکھی جاتی ہیں، جس میں بہت سے وڈیوز بچے بچیوں کے لئے انتہائی غیر مناسب ہوسکتی ہیں۔
یوٹیوب کے غیر مناسب کانٹینٹ سے اپنے بچے بچیوں کو بچانے کے لئے والدین کو یوٹیوب سیفٹی موڈ کے بارے میں جاننا ضروری ہے، یہ غیر ضروری کانٹینٹ کو سرچ سے ہٹا دیتا ہے۔ یہ ویڈیو فلٹر ہوتا ہے، جو ایسے ویڈیو کو سرچ نہیں کرنے دیتا جس میں قابل اعتراض کانٹینٹ یا کمنٹ ہوتے ہیں، یہ آپ کے بریو براؤزر پر ایکٹیو کیا جاتا ہے۔ اسی طرح آن لائن گیمز اپلی کیشنز میں بھی بہت زیادہ قابلَ اعتراض کانٹینٹ موجود ہوتا ہے، جو بچے بچیوں کی ذہنی عمر سے مطابقت بھی نہیں رکھتا اور بعض أوقات بچے بچیوں ذہنی و نفسیاتی امراض کا اسیر بنا دیتا ہے۔
ضروری ہے کہ والدین!!!!!!!!!!!
اپنے بچوں کے لیے ایک اچھا آن لائن رول ماڈل بنیں۔ بچے بچیوں کے ساتھ باہمی اعتماد بڑھائیں اور اعتماد پیدا کریں اور کھل کر بات چیت کریں۔ اپنے بچے بچیوں کو ان کے آن لائن منفی تجربات کے لیے مورد الزام نہ ٹھہرائیں۔ آن لائن نامناسب سلوک کی صورت میں اپنے بچے بچیوں کو شناخت کرنے اور ریسپانس کا طریقہ بتائیں۔ گھر میں انٹرنیٹ استعمال کرنے کے أصول باہمی مشورے سے بنائیں۔ بچے بچیوں میں تنقیدی سوچ پیدا ہونے کی حوصلہ افزائی کریں۔ بچے بچیوں کو آن لائن اور آف لائن رہنے کی حوصلہ افزائی کریں۔ اپنے بچوں کو آن لائن محفوظ رکھنے کے لیے دستیاب تکنیکی ٹولز کا استعمال کریں۔ اپنے بچے بچیوں کو اپنے ہم عمروں اور دوستوں کے دباو کا مقابلہ کرنے کا حوصلہ عطا کریں۔
ذریعہ: Islam Times
کلیدی لفظ: کی حوصلہ افزائی کریں انسانی معاشرے کی میں انٹرنیٹ کے بارے میں استعمال کر کا استعمال کو آن لائن اپنے بچوں ضروری ہے کے ذریعے ہیں اور کرنے کے بچوں کو کے ساتھ کے لیے اور ان
پڑھیں:
سندھ اور پنجاب کا حق ہے کہ اپنے پانی کی حفاظت کریں، محمد احمد خان
سندھ اور پنجاب کا حق ہے کہ اپنے پانی کی حفاظت کریں، محمد احمد خان WhatsAppFacebookTwitter 0 20 April, 2025 سب نیوز
کراچی (آئی پی ایس )ن لیگ اور پیپلزپارٹی کی کوآرڈینیشن کمیٹی کا اجلاس ختم ہونے کے بعد رہنما ئو ں کی جانب سے گفتگو کی گئی۔پیپلزپارٹی کے حسن مرتضی نے میڈیا سے گفتگو میں کہا کہ کمیٹی اجلاس میں گورننس پر اپنے تحفظات کا بتایا ہے، ایک ہفتے میں دوبارہ ملنے کا فیصلہ کیا گیا ہے۔ انہوں نے کہا کہ ہمیں مثبت پیشرفت کی امید ہے۔اسپیکر قومی اسمبلی محمد احمد خان نے گفتگو میں کہا کہ پانی کی تقسیم ارسا کرتی ہے، پانی کی تقسیم کے فارمولے پر سب کو اتفاق ہے۔
محمد احمد خان کا کہنا تھا کہ سندھ اور پنجاب کے درمیان پانی کا مسئلہ نمبرز اور ڈیٹا پر بات کریں گے، سندھ اور پنجاب کا حق ہے کہ اپنی پانی کی حفاظت کریں۔انہوں نے کہا کہ صوبائی خودمختاری صوبوں کے حقوق سے جڑی ہے، بطور پنجاب شناخت پر مجھے فخر ہے۔
ن لیگ کے رہنما کا مزید کہنا تھا کہ سیاسی معاہدہ نہیں ہوتا تو کالا باغ جیسا منصوبہ بھی لمبا ہوجاتا ہے، ایک دوسرے کی ٹیکنیکل پوزیشنز کو سمجھنا چاہئے۔پیپلز پارٹی اور ن لیگ کوارڈینیشن کمیٹی اجلاس کی اندرونی کہانی سامنے آگئی۔ لاہور گورنر ہاوس میں پاور شئیرنگ کے لیے بلایا گیا اجلاس نہروں کے مسئلے پر پیدا اختلاف کو ختم کرنے کیلئے مفاہمتی اجلاس میں بدل گیا۔ پنجاب سیدونوں اتحادی جماعتوں کی قیادت نے نہروں کا اختلافی مسلہ حل کرنے کا بیڑا اٹھا لیا۔
ذرائع کے مطابق دریائے سندھ سے متنازعہ نہریں نکالنے کے معاملے پر پیپلز پارٹی اور ن لیگ آمنے سامنے بیٹھ گیئں۔ دونوں پارٹیوں کے درمیان اتحاد برقرار رکھتے ہوئے نہروں کے مسلے پر درمیانی راستہ نکالنے پر اتفاق کیا گیا۔ فریقین نے نہروں کا معاملہ سلجھانے کے لئے ملکی و غیر ملکی ٹیکنیکل کنسلٹنٹ کمپنیوں کے ماہرین سے جائزہ رپورٹ بنوانے کی تجویز پر بھی تبادلہ خیال کیا۔
ذرائع کا کہنا ہے کہ پنجاب سے دونوں اتحادی جماعتوں کی قیادت نے نہروں کا اختلافی مسلہ حل کرنے کا بیڑا اٹھا لیا ہیں۔ اتحادیوں کی مفاہمتی کوششوں کو پذیرائی ملی تو دونوں جماعتیں مرکز میں مل بیٹھیں گی۔دونوں پارٹیوں کا نہروں کے معاملے کو ٹھنڈا کرنے اور سیاسی ٹمپریچر نیچے لانے پر بھی اتفاق ہوا ہے۔نہروں کے معاملے کو سیاسی اختلاف سے بچا کر زمینی حقائق کے مطابق حل کرنے پر اتفاق کیا گیا۔
ذرائع لیگی قیادت کے کا کہنا ہے کہ پنجاب بڑا بھائی ہونے کے ناطے نہروں کے مسلے پر اختلاف ختم کرنے کے لئے ہر قربانی دینے کو تیار ہے۔ دونوں پارٹیاں آج کے اجلاس کے بعد متفقہ طور پر طے پانے والے نکات سے اپنی اپنی مرکزی قیادت کو آگاہ کریں گے۔
فریقین نے پنجاب میں پاور شئیرنگ فارمولے پر پیش رفت پر تبادلہ خیال کیا گیا۔اجلاس میں ن لیگ کی جانب سے رانا ثنا اللہ، سپیکر پنجاب اسمبلی ملک احمد ، مریم اورنگزیب شریک ہوئی۔پی پی کی نمائندگی سردار سلیم حیدر، ندیم افضل چن،حسن مرتضی،علی گیلانی نے کی۔نائب وزیراعظم اسحاق ڈار ویڈیولنک کیذریعے اجلاس میں شریک ہوئے تھے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرنائب وزیرِ اعظم اسحاق ڈار کا عمان کے وزیرِ خارجہ سے ٹیلیفونک رابطہ نائب وزیرِ اعظم اسحاق ڈار کا عمان کے وزیرِ خارجہ سے ٹیلیفونک رابطہ کوآرڈینیشن کمیٹی کے اجلاس میں بلدیاتی انتخابات کرانے کا مطالبہ کیا : مرتضی حسن آصف زرداری سندھ کا پانی بیچ کر آنسو بہا رہے ہیں، قائد حزب اختلاف عمر ایوب 26اپریل کو مکمل ملک گیر ہڑتال ہو گی، حافظ نعیم الرحمان کا اعلان باکو-لاہور پی آئی اے کی براہ راست پروازوں سے سیاحت کو فروغ دیا جاسکے گا، وزیراعظم افغانستان پولیو ختم کرنے کے لیے پاکستان سے بہتر کوششیں کر رہا ہے، مصطفی کمالCopyright © 2025, All Rights Reserved
رابطہ کریں ہمارے بارے ہماری ٹیم
سپریم کورٹ : 9 مئی کے مزید اہم مقدمات سماعت کے لیے مقرر