حمل:
21 مارچ تا 21 اپریل
صدقہ خیرات کرتے رہنا آپ کے حالات کو کافی بہتری کی طرف لے کر جا سکتا ہے اچھے خاصے دوست بھی مخالفت پر آمادہ ہوسکتے ہیں لہٰذا محتاط رہیے۔
ثور:
22 اپریل تا 20 مئی
کسی سے لڑائی جھگڑا ہر گز نہ کریں ورنہ آپ کا اپنا ہی نقصان ہوسکتا ہے سیاست سے تعلق رکھنے والے افراد خود کو کنٹرول میں رکھ کر فیصلے کریں۔
جوزا:
21 مئی تا 21 جون
گزشتہ آپ نے اپنے دوستوں کی بہتری کیلئے بہت کچھ کرنا چاہا اور اس میں کافی حد تک کامیاب بھی رہے مگر ان دوستوں سے سوائے بدنامی کے آپ کو کچھ حاصل نہ ہوسکے گا۔
سرطان:
سیاسی و سماجی کارکنان کے لیے محتاط رہنے کا وقت ہے بیوپاری حضرات نہایت سوچ بچار کے بعد کوئی ڈیل پکی کریں فائدہ کی توقع رکھی جاسکتی ہے۔
اسد:
24 جولائی تا 23 اگست
جنس مخالف میں ذاتی دلچسپی بدنامی کا سبب بن سکتی ہے البتہ شریک حیات سے فائدے کی توقع رکھی جاسکتی ہے ہوسکتا ہے سسرالی رشتہ داروں سے کوئی مفاد حاصل ہوسکے۔
سنبلہ:
24 اگست تا 23 ستمبر
التواء کا شکار ہوئے ہوئے کام کافی حد تک حل ہوتے نظر آرہے ہیں۔ عشق و محبت کے معاملات میں سوائے بدنامی کے اور کچھ حاصل نہ ہوسکے گا۔
میزان:
24 ستمبر تا 23 اکتوبر
کاروباری معاملات تھوڑی سی تگ ودو سے خوش کن طریقے سے حل ہوسکتے ہیں نوکری سے پریشان لوگ ہاتھ پر ہاتھ رکھ کر بیٹھنے سے کچھ حاصل نہ کرسکیں گے۔
عقرب:
24 اکتوبر تا 22 نومبر
اپنی ذاتی زندگی میں دوسروں کی مداخلت کے باعث شریک حیات سے بدگمانی ہوسکتی ہے لہٰذا اپنے رشتے داروں کا گھر میں آنا جانا محدود رکھیں تاکہ مفت کی پریشانی سے بچا جاسکے۔
قوس:
23 نومبر تا 22 دسمبر
اگر آپ کا ارادہ کوئی نئی چیز خریدنے کا ہے تو لازمی خریدو فروخت کریں نتائج حسب سابق برآمد ہوں گے رکے ہوئے کام حل ہونے کا دن ہے۔
جدی:
23 دسمبر تا 20 جنوری
ہر وقت سوچوں میں گم رہنا آپ کو فائدہ نہ دے سکے گا لہٰذا عملی طور پر خود کو ایکٹو کریں تاکہ الجھن کا شکار نہ ہوسکیں۔
دلو:
21 جنوری تا 19 فروری
محبوب سے آج کے دن وفاداری کی امید رکھنا ہر گز بہتر ثابت نہیں ہوسکے گی لہٰذا عشق و محبت کے میدان سے خود کو دور رکھیں تو یہی آپ کے لیے بہتر ہے۔
حوت:
20 فروری تا 20 مارچ
تعمیراتی بزنس سے منسلک افراد اپنے کاروبار کو عروج دے سکتے ہیں۔ والدین کی جانب سے کوئی خوشی حاصل ہوسکتی ہے البتہ دوستوں سے محتاط رویہ اپنائیں۔
(نوٹ: یہ عام پیش گوئیاں ہیں اور ہر ایک پر لاگو نہیں ہوسکتی ہیں۔)
.ذریعہ: Express News
پڑھیں:
پنجاب میں پہلی بار وائلڈ لائف سروے کا آغاز، کیا فوائد حاصل ہوں گے؟
لاہور:پنجاب وائلڈ لائف نے انٹرنیشنل یونین فار کنزرویشن آف نیچر (آئی یوسی این) کے اشتراک سے صوبے کی تاریخ میں پہلی بار ’’وائلڈ لائف سروے‘‘ کا آغاز کر دیا ہے جس کا مقصد صوبے میں پائی جانے والی جنگلی حیات کی مختلف انواع کی تعداد کا تخمینہ اور حیاتیاتی تنوع کا جائزہ لینا ہے۔
سروے ڈیڑھ سال میں مکمل ہوگا اور یہ ڈیٹا جنگلی حیات کی ریڈبک میں شامل کیا جائے گا۔ پنجاب وائلڈ لائف نے آئی یو سی این کے ساتھ حال ہی میں وائلڈ لائف سروے کے معاہدے پر دستخط کیے ہیں۔
چیف وائلڈ لائف رینجرز مدثر ریاض ملک کہتے ہیں کہ جنگلی حیات صرف قدرتی خوبصورتی کا حصہ نہیں بلکہ ماحولیاتی توازن اور پائیدار ترقی کی بنیاد ہے۔ انہوں نے کہا کہ وقت آ چکا ہے کہ ہم بطور معاشرہ متحد ہو کر اپنی جنگلی حیات کے تحفظ کے لیے عملی اقدامات کریں کیونکہ جنگلی جانوروں کا وجود ہماری بقاء سے جُڑا ہوا ہے۔
وائلڈ لائف سروے پنجاب کے ماحولیاتی نقشے کو بہتر طور پر سمجھنے میں مدد دے گا۔ اس عمل سے ان نایاب یا خطرے سے دوچار انواع کی شناخت ممکن ہوگی جن کے تحفظ کے لیے فوری اقدامات کی ضرورت ہے۔
آئی یوسی این کے نیشنل پروجیکٹ منیجر عاصم جمال نے ایکسپریس نیوز کو بتایا کہ ’’پنجاب اس خطے کا شاید واحد صوبہ ہے جہاں منظم طریقے سے وائلڈلائف سروے ہونے جا رہا ہے۔ اس سروے کے نتیجے میں وائلڈ لائف ریڈ ڈیٹا بک تشکیل دی جائے گی جسے پھر آئی یوسی این کی گلوبل ڈیٹا بک کا حصہ بنایا جائے گا۔
انہوں نے بتایا کہ پروجیکٹ کے تحت پورے صوبے میں مختلف اقسام کے جانوروں اور پرندوں کی تعداد، اقسام، رہائش گاہوں اور ان کے خطرات سے متعلق تفصیلی اعدادوشمار اکٹھے کیے جائیں گے۔ اس طرح ہمیں ان انواع کی کنزرویشن اور پروٹیکشن کے لیے اقدامات اٹھانے اور پالیسی سازی میں مدد مل سکے گی۔
عاصم جمال نے کہا کہ اس مقصد کے لیے ماہرین حیاتیات، رضاکار، مقامی کمیونٹیز اور جدید ٹیکنالوجی جیسے کیمرہ ٹریپس، جی پی ایس اور ڈرونز کی مدد لی جا رہی ہے۔ انہوں نے بتایا کہ سروے ٹیم میں مختلف یونیورسٹیز کے پروفیسر، طلبا اور این جی اوز کے نمائندے شامل ہوں گے۔
پنجاب وائلڈ لائف سروے پروجیکٹ کے انچارج مدثر حسن کہتے ہیں کہ سروے کے دوران ہمارا زیادہ فوکس مقامی جانوروں اور پرندوں پر ہوگا جن میں اڑیال، چنکارہ، نیل گائے، پاڑہ ہرن، انڈس ڈولفن، پینگولین اور تلور شامل ہیں تاہم دیگر جنگلی حیات کا بھی سروے کیا جائے گا۔
انہوں نے بتایا کہ سروے کی مانیٹرنگ کے لیے وزیر اعلیٰ پنجاب کی ہدایت پر ایک اسٹیئرنگ کمیٹی بھی تشکیل دی گئی ہے جس میں جنگلی حیات کے ماہرین اور یونیورسٹیز کے اساتذہ شامل ہیں۔
ماہرین کا کہنا ہے کہ وائلڈ لائف سروے نا صرف پالیسی سازی کے لیے بنیادی ڈیٹا فراہم کرے گا بلکہ اس سے انسانی اور جنگلی حیات کے درمیان تصادم کو کم کرنے، غیر قانونی شکار کی روک تھام اور محفوظ علاقوں کے قیام کی راہ بھی ہموار ہوگی۔
کشتی ڈو بنے کے واقعہ ، جاں بحق پاکستانیوں سے متعلق دفتر خارجہ کا بیان بھی سامنے آ گیا