بلدیہ ٹاؤن میں پانی کے شدیدبحرا ن سے عوام پریشان
اشاعت کی تاریخ: 22nd, January 2025 GMT
کراچی(اسٹاف رپورٹر)بلدیہ ٹاؤن کے واحد سرکاری واٹر ہائیڈرنٹ پر پانی کا دورانیہ کم کردیا گیا‘ واٹر ہائیڈرنٹ پر 15روز میں 60 گھنٹے سپلائی چلتی تھی جسے کم کر کہ اب صرف 12 گھنٹے کر دیا گیا ہیضلع کیماڑی کا علاقہ بلدیہ ٹاؤن پانی کے شدیدبحران کا شکار ہے جہاں گزشتہ کئی ماہ سے عوام پانی کی بوند بوند کو ترس رہے ہیں ترک محلہ، پٹنی محلہ،کتیانہ محلہ، دلاور محلہ، عرب محلہ، جام نگرمحلہ، سعید آباد کے مختلف علاقے ، عابد آباد ، مسلم مجاہد کالونی،کوکن کالونی کے علاوہ بڑی تعداد میں موجود علاقوں میں پانی کی عدم فراہمی کے خلاف لوگ سراپا احتجاج ہیں بلدیہ ٹائون کے 40 فیصد علاقوں میں واٹرکارپوریشن کا سسٹم موجود نہیں ہے بلدیہ ہائیڈرنٹ پر عوام کو مناسب سرکاری نرخوں پر ٹینکر مل جاتا ہے ہائیڈرنٹ پرپانی کی عدم فراہمی پر علاقہ مکینوںکو منگھو پیر کے دور دراز دشوار اور پہاڑی علاقوںسے انتہائی مہنگے داموںپانی خریدنا پڑتا ہے گزشتہ روز کئی دنوں کے وقفہ کے بعد چلنے والے بلدیہ کے واحد سرکاری واٹر ہائیڈرنٹ پر ہزاروں کی تعداد میں مرد اور خواتین جمع ہوگئے جنہوں نے پانی کی عدم فراہمی کے خلاف شدید احتجاج ریکارڈ کرایااس موقع پر متاثرین نے میڈیاسے بات چیت کرتے ہوئے کہا کہ بلدیہ ٹاؤن کا پورا علاقہ ہمیشہ پانی کے بحران کا شکار رہتا ہے مگر گزشتہ کئی ماہ کے اس بحران نے شدت اختیار کر لی ہے متاثرین نے صدر مملکت آصف علی زرداری، وزیر اعظم شہباز شریف ،چیف جسٹس آف پاکستان جسٹس یحییٰ آفریدی ، گورنرسندھ کامران خان ٹیسوری، وزیر اعلیٰ سندھ سید مراد علی شاہ، میئرکراچی مرتضیٰ وہاب صوبائی وزیر بلدیات اور ایم ڈی واٹر کارپوریشن سے مطالبہ کیا ہے کہ بلدیہ ٹائون کے عوام کا دیرینہ اور جائز مطالبہ پوراکیا جائے تمام بوسیدہ اور پرانی لائنوں کو درست کیا جائے۔
.ذریعہ: Jasarat News
کلیدی لفظ: ہائیڈرنٹ پر پانی کی
پڑھیں:
عازمین حج کے لیے اہم خبر
اسلام آباد : عازمین حج کے لیے اہم خبر آگئی. ویکسین کی فراہمی کا آغاز آج سے ہوگا۔
تفصیلات کے مطابق عازمین حج کے لئے ویکسین کی فراہمی کا آغاز آج سے ہوگا، یہ ویکسین اسلام آباد، لاہور، پشاور اور ملتان میں فراہم کی جائے گی۔کراچی، رحیم یار خان، سکھر، فیصل آباد اور سیالکوٹ میں 22 اپریل سے ویکسین فراہمی کا آغاز ہو گا۔کوئٹہ کے عازمین کو لازمی ویکسین لگانے کا آغاز 23 اپریل سے ہو گا جبکہ رحیم یار خان کا عارضی حاجی کیمپ 22 تا 24 اپریل تک کام کرے گا۔عازمین کرام متعلقہ کیمپوں میں لازمی ویکسین، ادویات اور تحائف وصول کریں گے جبکہ حج پرواز سے2 دن قبل متعلقہ حاجی کیمپ سے ٹکٹ اور دیگر چیزیں حاصل کرنا ہوں گی۔
خیال رہے سعودی حکومت سے معاہدوں اور ادائیگیوں میں تاخیر کی وجہ سے تقریباً 67,000 پاکستانی عازمین حج 2025 کی ادائیگی سے محروم ہو گئے ہیں۔
ان درخواستوں کے مسترد ہونے کی بڑی وجہ سعودی حکام کو بروقت بکنگ اور ادائیگیاں نہ کرنا تھا۔سعودی عرب نے اس سال پاکستان کے لیے 179,210 عازمین حج کا کوٹہ مختص کیا تھا، جس میں سرکاری اور نجی ٹور آرگنائزرز کے لیے 89,605 مقامات شامل تھے۔ تاہم پرائیویٹ اسکیم کے تحت صرف 14000 درخواستیں ہی قبول کی گئیں۔حج آپریٹرز نے دعویٰ کیا تھا کہ انہوں نے 67,000 عازمین حج کے لیے بکنگ کی تھی اور ان عازمین کے لیے 70 لاکھ ریال سعودی عرب بھیجے تھے۔
آزادئ مذہب اور آزادئ رائے کا مغربی فلسفہ