بیرسٹر گوہر سے ملاقات:آرمی چیف نے وزیراعظم کو تفصیلات سے آگاہ کر دیا، وزیر دفاع
اشاعت کی تاریخ: 21st, January 2025 GMT
اسلام آباد:وزیر دفاع خواجہ آصف نے کہا ہے کہ آرمی چیف جنرل عاصم منیر نے وزیراعظم شہباز شریف کو بیرسٹر گوہر کے ساتھ ملاقات اور بات چیت سے متعلق تفصیلات سے آگاہ کردیا ہے۔
نجی ٹی وی کی رپورٹ کے مطابق اپنے ایک بیان میں خواجہ آصف نے وضاحت کی کہ بیرسٹر گوہر نے آرمی چیف سے ملاقات کے حوالے سے پہلے ایک مؤقف اپنایا اور بعد میں دوسرا، تاہم اس ملاقات میں کسی قسم کی سیاسی گفتگو نہیں ہوئی۔
خواجہ آصف کے مطابق آرمی چیف نے بیرسٹر گوہر سے ہونے والی ملاقات کی تمام تفصیلات وزیراعظم کو فراہم کی ہیں اور انہیں اس بات کا مکمل علم ہے۔
خواجہ آصف نے اس بات کی نشاندہی کی کہ بیرسٹر گوہر نے آرمی چیف سے ملاقات کی پہلے تردید کی تھی لیکن بعد میں 16 جنوری کو اڈیالہ جیل میں چیئرمین پی ٹی آئی عمران خان نے اس ملاقات کی تصدیق کی۔
بیرسٹر گوہر اور آرمی چیف کی ملاقات سیاسی حلقوں میں موضوع بحث بن گئی ہےجب کہ آرمی چیف کی جانب سے وزیراعظم کو آگاہ کرنے کے بعد اس پر مختلف قیاس آرائیاں جاری ہیں۔خواجہ آصف کا کہنا ہے کہ اس ملاقات کے دوران کوئی سیاسی بات چیت نہیں ہوئی۔
.ذریعہ: Jasarat News
کلیدی لفظ: بیرسٹر گوہر خواجہ آصف آرمی چیف
پڑھیں:
عمران خان سے کل کونسے وکلاء ملاقات کریں گے؟ فہرست جیل حکام کو ارسال
—فائل فوٹواڈیالہ جیل میں بانئ پی ٹی آئی عمران خان سے وکلاء رہنماؤں کی ملاقات کے لیے چیئرمین پی ٹی آئی بیرسٹر گوہر نے جیل حکام کو فہرست بھجوا دی۔
فہرست میں سلمان اکرم راجہ، نیاز اللّٰہ نیازی اور سمیر کھوسہ کے نام شامل ہیں۔
بیرسٹر گوہر کی جانب سے بھیجی گئی فہرست میں نعیم پنجوتھا، فیصل ملک اور ظہیر عباس چوہدری کا نام بھی شامل ہے۔
بانی پی ٹی آئی سے اڈیالا جیل میں خیبر پختونخوا حکومت کے مشیر اطلاعات بیرسٹر محمد علی سیف کے ملاقات کی اندرونی کہانی سامنے آگئی۔
وکلاء رہنما بانئ پی ٹی آئی سے کل ملاقات کے لیے اڈیالہ جیل پہنچیں گے۔
بانئ پی ٹی آئی اور بشریٰ بی بی کے اہلِ خانہ بھی کل ملاقات کے لیے اڈیالہ جیل جائیں گے۔
17 اپریل کو عام تعطیل کا اعلان