آسٹریلین اوپن: آلکارس کو ہرا جوکووچ سیمی فائنل میں
اشاعت کی تاریخ: 21st, January 2025 GMT
اسلام آباد (اُردو پوائنٹ ۔ DW اردو۔ 21 جنوری 2025ء) آسٹریلین اوپن کے پہلے کوارٹر فائنل میں ہسپانوی اسٹار کارلوس آلکارس کو شکست دینے کے بعد اس بات کے امکانات روشن ہو گئے ہیں کہ سرب کھلاڑی نوواک جوکووچ گیارہویں مرتبہ بھی آسٹریلین اوپن جیت سکتے ہیں
میلبورن میں کھیلے گئے اس کوارٹر فائنل میں 37 سالہ جوکووچ نے 21 سالہ الکارس کو چار چھ، چھ چار، چھ تین اور چھ چار سے شکست دی۔
منگل 21 جنوری کو آسٹریلیا میں رات گئے تک جاری رہنے والے اس میچ میں ہسپانوی کھلاڑی آلکارس نے سخت مزاحمت دکھائی لیکن وہ جوکووچ کے سامنے نہ ٹھہر سکے۔جوکووچ دس مرتبہ آسٹریلین اوپن کا ٹائٹل اپنے نام کر چکے ہیں جبکہ مجموعی طور پر وہ 24 گرینڈ سلام ٹائٹل اپنے نام کر چکے ہیں، جو مردوں کے سنگلز مقابلوں کا ایک اچھوتا ریکارڈ ہے۔
(جاری ہے)
ٹینس چمپیئن جوکووچ کو شکست دینے والے الکاراز کون ہیں؟
آسٹریلین اوپن کا ٹائٹل جوکووچ کے نام
گرینڈ سلام مقابلوں میں جوکووچ مجموعی طور پر پچاسویں سیمی فائنل میں جلوہ گر ہوں گے۔
سیمی فائنل میں ان کا سامنا الیگزینڈر زوارِف سے ہو گا۔ عالمی نمبر دو جرمن کھلاڑی زوارِف نے کواٹر فائنل میں امریکی ٹینس اسٹار ٹومی پال کو شکست دی۔جس طرح انہوں نے الکارس کا شکست دی ہے، اسے دیکھتے ہوئے ایسے اندازے لگائے جا رہے ہیں کہ عالمی نمبر سات جوکووچ دنیا میں سب سے زیادہ گرینڈ سلام ٹائٹل جیتنے والے کھلاڑی بن سکتے ہیں۔
مردوں میں تو وہ پہلے ہی نمبر ایک پر ہیں۔ اس فہرست میں دوسرے نمبر پر ہسپانوی کھلاڑی رافائل نادال ہیں، جنہوں نے 22 گرینڈ سلام ٹائٹل اپنے نام کیے ہیں جبکہ تسیرے نمبر پر بیس گرینڈ سلام ٹائٹلز کے ساتھ سوئس لیجنڈ راجر فیڈرر ہیں۔خواتین کے مقابلوں میں آسٹریلوی کھلاڑی مارگریٹ سمتھ کورٹ سنگلز کے مقابلوں میں سب زیادہ چوبیس گرینڈ سلام ٹائٹل اپنے نام کرنے کا اعزاز رکھتی ہیں جبکہ خواتین میں دوسرے نمبر پر امریکی اسٹار سرینا ولیمز ہیں، جو 23 مرتبہ یہ اعزاز حاصل کرنے میں کامیاب ہوئیں۔ تیسرے نمبر پر اسٹیفی گراف کا نام آتا ہے، جو 22 مرتبہ گرینڈ سلام ٹائٹل جیتنے میں کامیاب ہوئی تھیں۔
ع ب/اب ا (اے پی، روئٹرز)
.ذریعہ: UrduPoint
کلیدی لفظ: تلاش کیجئے فائنل میں
پڑھیں:
اوپن اے آئی نے اپنا نیا اے آئی ماڈل جی پی ٹی 5.2 متعارف کرا دیا
اوپن اے آئی ایک نیا آرٹی فیشل انٹیلی جنس (اے آئی) ماڈل جی پی ٹی 5.2 جاری کیا ہے۔
کچھ عرصے قبل ہی کمپنی نے چیٹ جی پی ٹی 5.1 پیش کیا تھا مگر اس نئے ماڈل کو متعارف کرانے کا مقصد گوگل جیمنائی کی مقبولیت میں اضافے سے اوپن اے آئی کو لاحق خطرات میں کمی لانا ہے۔
کمپنی کے مطابق جی پی ٹی 5.2 زیادہ قابل انحصار ماڈل ہے جو طویل، پیچیدہ اور الجھے ہوئے کام کرنے کی صلاحیت رکھتا ہے۔
کمپنی نے تسلم کیا کہ ایک عام فرد کو نئے ماڈل کی پیچیدہ صلاحیتوں کی کوئی پروا نہیں۔
تو اس نے لوگوں کو کہا ہے کہ ان کے لیے یہ جاننا کافی ہے کہ یہ روزمرہ کے کاموں کے لیے بہت زیادہ کارآمد ثابت ہوگا۔
چیٹ جی پی ٹی 5.2 انسٹنٹ، تھنکنگ اور پرو موڈز میں دستیاب ہوگا۔
سام آلٹمین نے ایک ایکس پوسٹ میں بتایا کہ جی پی ٹی 5.2 اب چیٹ جی پی ٹی اور اے پی آئی میں دستیاب ہے جو کہ دنیا میں اس وقت سب سے اسمارٹ اے آئی ماڈل ہے۔
اپن اے آئی کی جانب سے جاری ڈیٹا کے مطابق یہ نیا ماڈل متعدد ٹاسک بہترین طریقے سے مکمل کرسکتا ہے۔
اس کے سوچنے کی صلاحیت ماضی کے ماڈلز کے مقابلے میں بہت زیادہ بہتر ہے اور یہ پیچیدہ سوالات کا جواب دیتے ہوئے انہیں مختلف حصوں میں تقسیم کرسکتا ہے، کسی مسئلے کو حل کرنے کی منصوبہ بندی کرسکتا ہے۔
نئے ماڈل کی میموری بھی زیادہ بڑی ہے۔
اوپن اے آئی نے بتایا کہ جی پی ٹی 5.2 میں آپ پورے پراجیکٹ فولڈر، طویل رپورٹ، قانونی معاہدے، سائنسی مقالے یا کسی بھی دستاویز کو ایڈ کرسکتے ہیں۔
ایسا کرنے پر ماڈل کی جانب سے تفصیلات کو مسلسل ٹریک کیا جائے گا اور چیزوں کو یاد رکھا جائے گا۔
میموری اپ گریڈ ہونے کی وجہ سے اب یہ ماڈل چارٹس، ڈایا گرامز اور سافٹ وئیر کو زیادہ بہتر طریقے سے سمجھ سکے گا۔
کمپنی نے بتایا کہ یہ نیا ماڈل زیادہ قابل اعتبار ہے اور اس میں غلطیوں کا امکان نہ ہونے کے برابر ہے۔
غلطیاں ہوسکتی ہیں مگر آپ کو انہیں چیک اور ٹھیک کرنے میں زیادہ وقت ضائع نہیں کرنا پڑے گا۔
چیٹ جی پی ٹی 5.2 کو بتدریج چیٹ جی پی ٹی پلس، پرو، گو، بزنس اور انٹرپرائز سبسکرپشنز کے لیے متعارف کرایا جائے گا۔
جی پی ٹی 5.1 تک رسائی کو 3 ماہ میں ختم کر دیا جائے گا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر