حکومت اورپی ٹی آئی مذاکراتی کمیٹیوں کا اجلاس 28جنوری کوبلانےکافیصلہ
اشاعت کی تاریخ: 21st, January 2025 GMT
حکومت اورپی ٹی آئی کےدرمیان مذاکرات کے معاملے پر دونوں مذاکراتی کمیٹیوں نےاگلا اجلاس 28جنوری کوبلانےکافیصلہ کیا ہے۔
اجلاس میں پی ٹی آئی کےمطالبات کا تفصیلی جائزہ لیا گیا ہے حکومتی کمیٹی کوجوڈیشل کمیشن کی تشکیل پر بریفنگ دی گئی ہے، وزیرقانون اعظم نذیرتارڑاوراٹارنی جنرل نے حکومتی مذاکراتی کمیٹی کوبریفنگ دی ہےجوڈیشل کمیشن کی تشکیل کی اجلاس میں موجود اراکیں نے مخالفت کر دی ہے حکومتی کمیٹی پی ٹی آئی کوتحریری جواب دے گی۔
اجلاس کے بعد مذاکرات کیلئےحکومتی کمیٹی کےترجمان عرفان صدیقی نےمیڈیاسےگفتگو کرتے ہوئے کہا ہےکہ ہمارا اجلاس کل اور اگلے دن بھی جاری رہےگا،جب ہمارا کام مکمل ہوجائےگا تو اپ کو پتہ چل جائےگا،آج ساتوں جماعتیں جو تھیں ان کے نمائندے اجلاس میں موجود تھے، اجلاس میں مذاکرات پربڑی سیر حاصل بحث ہوئی ہے۔
حکومتی مذاکراتی کمیٹی کےترجمان عرفان صدیقی کا کہناتھاکہ انشاءاللہ سیون ورکنگ ڈے پورے ہوں گے تو مذاکراتی کمیٹی کا چوتھا دور ہوگا،ہمارے نزدیک تو چوتھا اجلاس طے ہو گیا تھا جب تیسرا ختم ہوا تھا، لیگل کمیٹی نے کبھی کوئی رائے نہیں دی،ابھی ان کے مطالبات کو ہم نے پڑھا ہےاورکوئی رائےقائم نہیں کی۔
حکومتی مذاکراتی کمیٹی کےرکن ڈاکٹرفاروق ستارنے میڈیاسےگفتگو کرتے ہوئے کہا ہے کہ اجلاس میں کیا بات ہوئی اس بارے نہیں بتاسکتا،مذاکرات آگے بڑھانے کیلئےضروری ہے میڈیا پربات نہ کی جائے،مذاکرات کےچوتھے دور کی تیاری کررہے ہیں۔
حکومتی مذاکراتی کمیٹی کےرکن رانا ثناءاللہ نے میڈیا سےگفتگو کرتے ہوئے کہا ہےکہ ذیلی کمیٹی بنائی ہےجوپی ٹی آئی کےچارٹرڈآف ڈیمانڈکاجائزہ لےرہی ہے، یہ ذیلی کمیٹی پی ٹی آئی کےمطالبات کا جواب تیارکرے گی، اپوزیشن سےآئندہ مذاکرات میں پی ٹی ائی کےمطالبات پرموقف دیں گے۔
کمیٹی کےرکن رانا ثناءاللہ سےصحافی نےسوال کیا کہ بیرسٹرگوہرنےکہا7 کہ روز میں جوڈیشل کمیشن تشکیل نہ دیا تو مذاکرات نہیں کریں گے،جواب میں رانا ثناءاللہ کا کہنا تھا کہ ٹھیک ہے،وہ جوکہتے ہیں وہ کریں لیکن ہم جواب تحریری طور پر انہیں دیدیں گے، حکومت جوڈیشل کمیشن تشکیل دے گی یا نہیں، یہ ہمارے جواب سےمعلوم ہوگا۔
ذریعہ: Daily Mumtaz
کلیدی لفظ: حکومتی مذاکراتی کمیٹی پی ٹی ا ئی اجلاس میں
پڑھیں:
فلمی صنعت کی بحالی؛ وزیراعلیٰ پنجاب نے امدادی رقوم کی فراہمی کیلیے کمیٹی تشکیل دیدی
لاہور:وزیر اعلیٰ پنجاب مریم نواز شریف نے فلمی صنعت کی بحالی کے حوالے سے فلموں کی تیاری کے لیے امدادی رقوم کی فراہمی کے لیے 8 رکنی کمیٹی تشکیل دے دی گئی۔
پنجاب کی سینیئر صوبائی وزیر مریم اورنگزیب کمیٹی کی کنوینر ہوں گی۔
وزیر اعلیٰ مریم نواز نے پنجاب کے پہلے فلم سٹی، فلم اسٹوڈیو، پوسٹ پروڈکشن لیب اور پاکستان کے پہلے فلم اسکول کے قیام کی منظوری دے دی۔
نواز شریف آئی ٹی سٹی میں فلم سٹی، فلم اسٹوڈیو اور پوسٹ پروڈکشن لیب کے لیے جگہ مختص کر دی گئی، ڈیزائن سمیت دیگر اقدامات پر پیش رفت کا پہلا جائزہ بھی مکمل کر لیا گیا۔
پنجاب کابینہ کی منظوری کے بعد ’’پنجاب فلم فنڈ ڈسبرسمنٹ کمیٹی‘‘ تشکیل دی گئی جس کا نوٹیفکیشن جاری کر دیا گیا۔ کمیٹی رواں مالی سال میں پنجاب کی فلم انڈسٹری کے فروغ کے لیے فلم سازوں کو گرانٹ جاری کرے گی۔
وزیر اطلاعات عظمیٰ بخاری، وزیر خزانہ مجتبی شجاع الرحمٰن، وزیر انسانی حقوق و اقلیتی امور سردار رمیش سنگھ اروڑا بھی کمیٹی کے رکن ہیں۔ صوبائی سیکرٹری اطلاعات طاہر رضا ہمدانی، سیکرٹری منصوبہ بندی آصف طفیل، سیکرٹری خزانہ مجاہد شیر دل، سیکرٹری سیاحت فرید احمد تارڑ بھی کمیٹی میں شامل ہیں۔
نوٹیفکیشن کے مطابق کمیٹی فلم سازوں اور فلم ساز کمپنیوں کی درخواستوں کا جائزہ لے گی، کمیٹی نئی فلموں کی تیاری اور نامکمل فلموں کے اسکرپٹس کا جائزہ بھی لے گی۔
کمیٹی فنڈ کے انتظام، اہلیت کے معیارات، اور باکس آفس مراعات سے متعلق امور پر فیصلہ کرے گی جبکہ کسی معاملے پر ذیلی کمیٹیاں تشکیل دینے کا اختیار بھی حاصل ہوگا۔
مریم اورنگزیب کی صدارت میں کمیٹی کا پہلا اجلاس ہوا جس میں وزیر اعلی کے وژن پر عمل درآمد کے لیے اہم فیصلے کیے گئے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج