10 لاکھ سے 3 کروڑ تک بلا سود قرض، پنجاب میں منفرد کاروبار فنانس اسکیم کا اجرا
اشاعت کی تاریخ: 21st, January 2025 GMT
لاہور(نیوز ڈیسک)پنجاب میں اپنی نوعیت کی پہلی اور سب سے بڑی ’کاروبار فنانس اسکیم‘ کا اجرا کر دیا گیا۔
نجی ٹی وی کے مطابق اس موقع پر وزیر اعلیٰ پنجاب مریم نواز نے کہا کہ آسان کاروبار پروگرام کے ذریعے معیشت میں بہتری اور بر آمدات میں اضافہ ممکن ہوسکے گا۔
وزیراعلیٰ پنجاب آسان کاروبار اسکیم کے لیے 84 ارب روپے سے زائد مختص کیے گئے ہیں، آسان کاروبار کارڈ اسکیم کے لیے 48 ارب روپے سے زائد رکھے گئے ہیں، آسان کاروبار فنانس اسکیم کے تحت 36 ارب روپےسے زائد بلا سود قرض فراہم کیا جائے گا۔
آسان کاروبار فنانس اسکیم میں 10 لاکھ سے لے کر 3 کروڑ روپے کے بلا سود قرضے دیے جائیں گے، اور قرض 5 سال کی آسان اقساط میں واپس کرنا ہوگا۔
آسان کاوربار فنانس اسکیم کے لیے گھر بیٹھے آن لائن درخواست اور تفصیلات کے لیے ویب پورٹل پر اپلائی کیا جا سکتا ہے، آسان کاروبارفنانس کے لیے akf.
آسان کاروبار کارڈ اسکیم میں اسٹارٹ اپس اور چھوٹے کاروبار کے لے 10 لاکھ روپے تک کے بلاسود قرض دیے جائیں گے، آسان کاروبار کارڈ کے تحت قرض 3 سال میں آسان اقساط میں ادا کیا جا سکے گا۔
پنجاب کے رہائشی مرد و خواتین، ٹرانسجینڈر اور اسپیشل افراد آسان کاروبار کارڈ کے لیے اپلائی کر سکتے ہیں، آسان کاروبار کارڈ کے لیے خام مال کی خریداری پر وینڈر کو ادائیگی کی جاسکے گی، آسان کاروبار کارڈ کے ذریعے سرکاری فیس، ٹیکس اور یوٹیلیٹی بل کی ادائیگی ممکن ہوگی۔
وزیراعلیٰ مریم نواز نے کہا کہ آسان کاروبار کارڈ کے ذریعے25فیصد تک کیش بھی نکلوایا جا سکتا ہے، نوجوانوں کو خود روزگار کی طرف گامزن کرنا چاہتے ہیں، تعلیم کے بعد روزگار کے مواقع فراہم کرنا بھی حکومت کی ذمہ داری ہے، پنجاب کا ہر نوجوان معیشت کی بہتری میں آسان کاروبار اسکیم کے ذریعے بھرپور کردار ادا کرے گا۔
انہوں نے کہا کہ آسان کاروبار پروگرام کے ذریعے معیشت میں بہتری اور برآمدات میں اضافہ ممکن ہوگا، 25 سے 55 سال تک پنجاب کے رہائشی مرد و خواتین، ٹرانسجینڈر اور اسپیشل افراد قرض کے لیے درخواست دینے کے اہل ہیں۔
تاہم قرض لینے کے لیے ایکٹیو فائلر ہونا ضروری اور کسی بھی مالیاتی ادارے کا ڈیفالٹر نہ ہونا اہلیت ہے۔
مزیدپڑھیں:آسان کاروبار اسکیم : آپ اہل ہیں یا نہیں ؟ اہلیت چیک کرنے کا طریقہ کار سامنے آگیا
ذریعہ: Daily Ausaf
کلیدی لفظ: آسان کاروبار کارڈ کے کاروبار فنانس اسکیم کے ذریعے اسکیم کے کے لیے
پڑھیں:
ماورا حسین شوہر کے گھر منتقل، تصاویر شیئر کردیں
پاکستانی ڈرامہ انڈسٹری کی معروف اور خوبرو اداکارہ ماورا حسین شادی کے بعد اپنے نئے گھر میں منتقل ہو گئی ہیں۔
اداکارہ نے سوشل میڈیا پر شوہر عامر گیلانی کے گھر سے دلکش تصاویر شیئر کرتے ہوئے مداحوں کو اپنے نئے سفر کی جھلک دکھائی۔
ماورا حسین اور عامر گیلانی کی حال ہی میں لاہور اور اسلام آباد میں ایک قریبی تقریب میں شادی ہوئی جس میں دونوں کے اہلِ خانہ اور قریبی دوستوں نے شرکت کی تھی۔
اداکارہ نے اپنے انسٹاگرام پر نئی رہائش گاہ کی تصاویر پوسٹ کرتے ہوئے جذباتی پیغام میں کہا "ہر بار جب میں نے کوئی گھر خریدا تو امی نے کہا 'اللہ رہنا نصیب کرے'، آج اس جملے کا مطلب پوری طرح سمجھ آیا۔"
ماورا کے مطابق وہ شادی سے پہلے بھی دو سال سے کبھی کبھار اس گھر میں رہ رہی تھیں اور اب شادی کے بعد باقاعدہ طور پر یہاں منتقل ہو گئی ہیں۔
اداکارہ نے مزید کہا کہ اگرچہ شوہر کے گھر میں منتقلی کا عمل آسان تھا جس کا کریڈٹ انہوں نے اپنے بہترین سسرالیوں کو دیا لیکن جذباتی طور پر یہ تبدیلی آسان نہ تھی۔
انہوں نے لکھا کہ "کسی بھی جگہ کو چھوڑ کر نئے گھر کو 'اپنا' کہنا آسان نہیں ہوتا لیکن آہستہ آہستہ یہ جگہ اپنی لگنے لگی ہے۔ میں وہ سب چیزیں ساتھ لائی ہوں جن سے مجھے جذباتی لگاؤ تھا۔"
مداحوں کی بڑی تعداد نے ماورا کے نئے سفر کے لیے نیک تمناؤں کا اظہار کیا ہے جبکہ ان کی نئی تصاویر کو بھی خوب سراہا جا رہا ہے۔
سنگاپور میں پارلیمنٹ تحلیل، عام انتخابات 3 مئی کو ہوں گے