سرد خانے منتقلی کے دوران مردہ شخص زندہ ہو گیا
اشاعت کی تاریخ: 21st, January 2025 GMT
بھارتی ریاست کیرالہ کے ایک مردہ خانے میں پوسٹ مارٹم کے دوران ایک شخص زندہ ہو گیا، جس نے سب کو حیرت میں ڈال دیا۔
بھارتی میڈیا کی رپورٹ کے مطابق 67 سالہ پاویتھرن جو کہ کیرالہ کے علاقے پچاپوئیکا سے تعلق رکھتے تھے، ان کے اہلِ خانہ نے ان کی آخری رسومات کے انتظامات مکمل کر لیے تھے۔ تاہم مردہ خانے میں منتقل کرنے کے دوران وہ اچانک زندہ ہو گئے۔
رپورٹ میں کہا گیا کہ پاویتھرن کے اہلِ خانہ نے اسپتال سے درخواست کی تھی کہ وہ ان کی لاش کو آبائی شہر لے جانے سے پہلے کچھ دنوں کے لیے مردہ خانے میں رکھنا چاہتے ہیں۔
رپورٹ میں بتایا گیا کہ جب پاویتھرن کی لاش مردہ خانے منتقل کی جا رہی تھی تو اسپتال کے ایک اٹینڈنٹ نے ان کی انگلیوں میں ہلکی سی حرکت محسوس کی اور فوراً خاندان اور طبی عملے کو آگاہ کیا جس کے بعد ڈاکٹرز نے انہیں فوری طور پر آئی سی یو منتقل کیا۔
رپورٹ کے مطابق پاویتھرن دل اور پھیپھڑوں کی بیماریوں کے باعث کرناٹک میں زیر علاج تھے اور وینٹی لیٹر پر تھے۔ تاہم علاج کے اخراجات کے باعث ان کے اہلِ خانہ نے انہیں آبائی شہر واپس لے جانے کا فیصلہ کیا تھا۔
رپورٹ میں مزید کہا گیا کہ ڈاکٹرز نے ان کی حالت کے بارے میں بتایا تھا کہ وہ وینٹی لیٹر کے بغیر زندہ نہیں رہ سکتے اور اگر وینٹی لیٹر ہٹایا گیا تو وہ 10 منٹ کے اندر موت کے منہ میں چلے جائیں گے۔
رپورٹ کے مطابق جب پاویتھرن کی اہلیہ اور بہن انہیں مردہ خانے لے جا رہی تھیں، تو اسپتال کے ایک اٹینڈنٹ نے اچانک ان کی انگلی میں حرکت محسوس کی۔ اس کے بعد انہیں دوبارہ اسپتال لے جایا گیا اور اس وقت وہ کیرالہ کے ایک اسپتال میں زیر علاج ہیں۔
.ذریعہ: Jasarat News
کلیدی لفظ: کے ایک
پڑھیں:
جے یو آئی (ف) کا تحریک انصاف کیساتھ سیاسی اتحاد نہ کرنے کا فیصلہ
جمعیت علمائے اسلام کے ذرائع نے بتایا ہے کہ جے یو آئی کے زیر اہتمام 27 اپریل کو مینار پاکستان کے سبزہ زار پر ’’اسرائیل مردہ باد‘‘ ریلی ہو گی۔ اسی طرح 10 مئی کو پشاور اور 17 مئی کو کوئٹہ میں ’’اسرائیل مردہ باد‘‘ کے اجتماعات ہوں گے۔ اسلام ٹائمز۔ جمعیت علمائے اسلام نے حتمی طور پر فیصلہ کر لیا ہے کہ وہ تحریک انصاف کیساتھ اتحاد نہیں کرے گی اور نہ ہی کسی ایسے اتحاد میں شامل ہوگی جو تحریک انصاف کے ایماء پر قائم کیا جائے گا۔ جے یو آئی نے یہ بھی فیصلہ کیا ہے کہ وہ پارلیمنٹ میں آزاد حزب اختلاف کا کردار ادا کرتی رہے گی، وہ حکومت کا حصہ نہیں بنے گی اور پارلیمنٹ میں زیر غور آنیوالے معاملات کا جائزہ لیتی رہے گی اور بوقت ضرورت تحریک انصاف کیساتھ تعاون کرنے یا نہ کرنے کا تعین ہوگا۔
جمعیت علمائے اسلام کے ذرائع نے بتایا ہے کہ جے یو آئی کے زیر اہتمام 27 اپریل کو مینار پاکستان کے سبزہ زار پر ’’اسرائیل مردہ باد‘‘ ریلی ہو گی۔ اسی طرح 10 مئی کو پشاور اور 17 مئی کو کوئٹہ میں ’’اسرائیل مردہ باد‘‘ کے اجتماعات ہوں گے۔ جے یو آئی نے پنجاب میں نہریں نکالے جانے کے معاملے میں اپنی سندھ تنظیم کے موقف کی تائید کا فیصلہ کیا ہے اور طے کیا ہے کہ پارٹی کی مرکزی تنظیم اس بارے میں کوئی راہ عمل اختیار نہیں کرے گی۔ منرلز اور مائنز کے قانون کے سلسلے میں جمعیت علمائے اسلام صوبوں کے آئینی مفادات کا تحفظ کرے گی۔
دوسری جانب سربراہ جے یو آئی (ف) مولانا فضل الرحمان کا امیر جماعت اسلامی حافظ نعیم الرحمان سے ٹیلیفونک رابطہ ہوا ہے، جبکہ آج مولانا فضل الرحمان منصورہ لاہور میں حافظ نعیم الرحمان سے ملاقات بھی کریں اور بعدازاں دونوں رہنما میڈیا سے بھی گفتگو کریں گے۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ