انٹڑ سییک دبئی دنیا کا سب سے بڑا کاروباری ایونٹ تھا
اشاعت کی تاریخ: 21st, January 2025 GMT
کراچی(کامرس رپورٹر) میڈل ایسٹ میں ہونے والی تین روزہ نمائش ’’انٹرسییک دبئی 2025‘‘میں 15 پاکستانی کمپنیوں نے جدت کا مظاہرہ کیا۔قونصل جنرل اور تجارتی و سرمایہ کاری کے مشیرنے میلہ کا دورہ کیا۔تفصیلات کے مطابق انٹرسییک کا 26 واں ایڈیشن 16 جنوری کو دبئی ورلڈ ٹریڈ سینٹر میں کامیابی کے ساتھ اختتام پذیر ہوا۔ اس تین روزہ نمائش اور کانفرنس میں دنیا کا سب سے بڑا کاروباری ایونٹ پیش کیا گیا، جو سیکیورٹی، سیفٹی، اور فائر پروٹیکشن کے مستقبل پر مرکوز تھا، جس میں 61 ممالک سے 1,200 نمائش کنندگان اور 52,000 عالمی تجارتی وزیٹرز نے شرکت کی۔ انٹرسییک 2025 نے پانچ اہم شعبوں تجارتی و بیرونی سیکیورٹی، فائر اینڈ ریسکیو، سیفٹی اینڈ ہیلتھ، سائبر سیکیورٹی، اور ہوم لینڈ سیکیورٹی اینڈ پولیسنگمیں جدید ترین ٹیکنالوجیز اور اہم حل پیش کیے۔پاکستان سے 15 نمائش کنندگان نے اس میلے میں شرکت کی، جن میں رشید احمد اینڈ سنز، ایسکارٹس ایڈوانسڈ ٹیکسٹائلز، نیو روز انڈسٹریز، اور ماسٹر ٹیکسٹائل ملز شامل ہیں، جنہوں نے مختلف مصنوعات کو آزادانہ طور پر پیش کیا، جبکہ ایسٹ پرو مگ، فائن گارمنٹس، نیو کلیکشن اور دیگر کمپنیاں ٹریڈ ڈویلپمنٹ اتھارٹی آف پاکستان کے ذریعے شریک ہوئیں۔پاکستان کے قونصل جنرل حسین محمد، اور تجارتی و سرمایہ کاری کے مشیر علی زیب خان نے میلے کا دورہ کیا۔ قونصل جنرل حسین محمد نے نمائش کے بارے میں اپنے خیالات کا اظہار کرتے ہوئے کہا کہ عالمی نمائشوں میں شرکت جیسے انٹرسییک، پاکستان کی تجارت کے تعلقات کو فروغ دینے اور سیفٹی کے شعبے میں اپنی صلاحیتوں کا مظاہرہ کرنے کے عزم کو اجاگر کرتی ہے۔یہ ایونٹ پاکستانی کمپنیوں کے لیے عالمی منڈی کو تلاش کرنے اور کاروباری تعلقات قائم کرنے کا ایک بہترین موقع فراہم کرتا ہے۔ہر سال، پاکستان سے تجارتی وزیٹرز کی بڑی تعداد اس شو میں شرکت کرتی ہے، جو سیکیورٹی، سیفٹی، اور فائر پروٹیکشن میں تازہ ترین جدتوں کو دریافت کرنے کے لیے بے تاب ہوتے ہیں۔
.ذریعہ: Jasarat News
پڑھیں:
سیالکوٹ تاجر برادری کا ایتھوپیا میں سنگل کنٹری نمائش میں شرکت کے لیے دلچسپی کا اظہار
سیالکوٹ تاجر برادری کا ایتھوپیا میں سنگل کنٹری نمائش میں شرکت کے لیے دلچسپی کا اظہار WhatsAppFacebookTwitter 0 21 April, 2025 سب نیوز
سیالکوٹ(سب نیوز )سیالکوٹ چیمبر آف کامرس اینڈ انڈسٹری میں منعقدہ ایک اعلی سطحی بزنس فورم کے دوران، سیالکوٹ کی تاجر برادری نے ایتھوپیا کے دارالحکومت ادیس ابابا میں 15 سے 17 مئی 2025 کو منعقد ہونے والی پاکستان کی سنگل کنٹری نمائش میں شرکت کے لیے گہری دلچسپی کا اظہار کیا ہے۔
سیالکوٹ چیمبر آف کامرس اینڈ انڈسٹری میں منعقدہ اس اعلی سطحی بزنس فورم کا اہتمام ایتھوپیا کے سفارت خانے، وزارتِ تجارت پاکستان، ٹریڈ ڈیولپمنٹ اتھارٹی آف پاکستان (TDAP) اور سیالکوٹ چیمبر کے باہمی اشتراک سے کیا گیا تھا۔ فورم کی مشترکہ صدارت پاکستان میں ایتھوپیا کے سفیر بکر عبداللہ اور سیالکوٹ چیمبر کے صدر اکرام الحق نے کی۔ فورم کا بنیادی مقصد سیالکوٹ کی تاجر برادری کو ادیس ابابا میں ہونے والی سنگل کنٹری نمائش کے مواقع اور تفصیلات سے آگاہ کرنا تھا۔
اپنے خطاب میں سفیر جمال بکر عبداللہ نے ایتھوپیا کے ساتھ تجارتی روابط کو فروغ دینے میں سیالکوٹ چیمبر کی مسلسل کوششوں کو سراہا اور مئی 2024 میں ایتھوپیا کا دورہ کرنے والے پاکستانی تجارتی وفد کی کامیاب شرکت کا بھی ذکر کیا۔ انہوں نے اس بات پر زور دیا کہ ایتھوپیا کے سفارت خانے اور سیالکوٹ چیمبر کے درمیان اسٹریٹجک شراکت داری میں مسلسل پیش رفت ہو رہی ہے، جو دونوں برادر ممالک کے مابین تجارت اور سرمایہ کاری کے مواقع کو اجاگر کرنے میں کلیدی کردار ادا کر رہی ہے۔
سفیر نے بتایا کہ ایتھوپیا نے دو مراحل پر مشتمل معاشی اصلاحات کے ذریعے سرمایہ کاری کے لیے ایک انتہائی سازگار ماحول قائم کیا ہے، جس میں غیر ملکی سرمایہ کاری کے لیے خصوصی مراعات اور کاروباری آسانیوں کو فروغ دیا گیا ہے۔انہوں نے مزید آگاہ کیا کہ سنگل کنٹری نمائش کے موقع کے ساتھ ساتھ، 12 اور 13 مء کو ادیس ابابا میں ‘انویسٹ ان ایتھوپیا’ کے عنوان سے ایک اعلی سطحی بزنس فورم بھی منعقد ہورہا ہے جس میں دنیا بھر سے تاجر برادری کو مدعو کیا ہے ۔ انہوں نے اسے پاکستانی کاروباری برادری کے لیے ایک سنہری موقع قرار دیا جہاں وہ نہ صرف ایتھوپیا بلکہ پورے افریقہ کے اہم تجارتی حلقوں سے روابط قائم کر سکتے ہیں۔
سیالکوٹ چیمبر کے صدر جناب اکرام الحق نے سفیر کے خیالات کی تائید کرتے ہوئے کہا کہ سیالکوٹ کی صنعتی مہارت کو ادیس ابابا میں بھرپور طریقے سے پیش کیا جائے گا۔ انہوں نے چیمبر کے اراکین پر زور دیا کہ وہ ایتھوپیا میں نئے کاروباری امکانات تلاش کریں، جو افریقہ میں تجارت کی توسیع کے لیے ایک اہم اسٹریٹجک مرکز کی حیثیت رکھتا ہے۔ یہ فورم پاکستان اور ایتھوپیا کے درمیان بڑھتی ہوئی معاشی سفارت کاری میں ایک اہم سنگِ میل کی حیثیت رکھتا ہے، جو دوطرفہ تجارت، صنعتی تعاون اور سرمایہ کاری کی شراکت داری کو مزید مضبوط بنانے کے لیے ایک مستحکم بنیادفراہمکریگا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرنواز شریف کی طبیعت ناساز، لندن میں اپنا قیام بڑھادیا اگلی خبرعلی امین گنڈاپور نے خیبرپختونخوا مائنز اینڈ منرل ایکٹ پر سوشل میڈیا بیانیہ اڑا دیا عمران خان سے منگل کو ملاقات کا دن، فیملی ممبران کی فہرست جیل انتظامیہ کو ارسال ٹیرف کے اعلان کے بعد تجارتی معاہدے پر مذاکرات، امریکی نائب صدر کا دورہ انڈیا ججزسنیارٹی کیس، وفاقی حکومت نیعدالت میں ججز تبادلوں پر تمام خط و کتابت جمع کرادی جے یو آئی کے ساتھ اتحاد نہ ہونے کا معاملہ: بیرسٹر گوہر کا ردِ عمل آ گیا امریکی سیکرٹری دفاع نے نجی گروپ میں بھی یمن حملوں کی تفصیلات شیئر کیں، امریکی اخبار خیبر پختونخوا: سکیورٹی فورسز کے 2 آپریشنز، سرغنہ سمیت 6 خوارج ہلاکCopyright © 2025, All Rights Reserved
رابطہ کریں ہمارے بارے ہماری ٹیم
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟