نیلم منیر کے برائیڈل شاور کی دلکش تصاویر نے مداحوں کے دل موہ لئے
اشاعت کی تاریخ: 20th, January 2025 GMT
کراچی: معروف اداکارہ نیلم منیر خان نے اپنی شادی کے بعد اپنے برائیڈل شاور کی دلکش تصاویر انسٹاگرام پر شیئر کر کے مداحوں کے دل جیت لیے۔
اداکارہ نے مداحوں کو اپنے اس یادگار لمحے کی جھلک دکھاتے ہوئے کئی تھرو بیک تصاویر پوسٹ کیں، جن میں وہ خوشی سے جھومتی نظر آئیں۔
تصاویر میں نیلم کبھی سمندر کے کنارے مسکراتے ہوئے نظر آئیں تو کبھی پھولوں اور روشنیوں سے سجے خوبصورت مقام میں۔ نیلم نے پوسٹ کے ساتھ لکھا: "صرف ایک یادگار رات میرے دوستوں کے ساتھ۔"
View this post on InstagramA post shared by Neelam Muneer Khan (@neelammuneerkhan)
نیلم کے مداحوں نے تصاویر پر دل کھول کر تعریفی تبصرے کیے۔ ایک مداح نے لکھا: "بہت خوبصورت" جبکہ دوسروں نے انہیں "فرشتہ" اور "خوبصورت" کے القابات سے نوازا۔
یاد رہے کہ نیلم منیر نے دبئی میں اپنے دیرینہ ساتھی کے ساتھ ایک شاندار تقریب میں شادی کی تھی۔ جوڑے نے پہلی بار دنیا کی سب سے اونچی عمارت برج خلیفہ کے سامنے تصاویر کھنچوائیں، جو خوب وائرل ہوئیں۔
اطلاعات کے مطابق، نیلم کے شوہر ایک کامیاب بزنس مین ہیں، جو نہ صرف ٹریول اور ٹورازم کا کاروبار کرتے ہیں بلکہ کئی مشہور ریستورانوں کے مالک بھی ہیں۔
ذریعہ: Express News
پڑھیں:
معیشت کی بحالی میں جنرل عاصم منیر کی کاوشیں شامل ہیں، وفاقی وزیر اطلاعات
وفاقی وزیر اطلاعات و نشریات عطااللہ تارڑ نے پاکستان کی تعمیر و ترقی میں مسیحی برادری کے کردار کو زبردست خراج تحسین پیش کرتے ہوئے کہا ہے کہ مسیحی برادری نے ہمیشہ قومی پرچم میں سفید رنگ کی لاج رکھی، ان کے حقوق کا تحفظ میرا فرض ہے۔
یہ بھی پڑھیں:شہباز شریف کی قیادت میں معیشت بحال، 9 مئی کا بیانیہ دفن ہوچکا، عطا تارڑ
اتوار کے روز اپنے حلقہ میں ایسٹر کے موقع پر منعقدہ تقریب سے خطاب کرتے ہوئے وفاقی وزیر اطلاعات نے کہا کہ آج میں ان لوگوں میں موجود ہوں جنہوں نے نہ صرف قیام پاکستان بلکہ ملک کی تعمیر و ترقی میں بھی قابل ذکر خدمات سرانجام دی ہیں، وہ 70 ہزار مسیحی ووٹرز کی نمائندگی کرتے ہیں جس پر انہیں فخر ہے۔
انہوں نے ایسٹر کے موقع پر اپنی پارٹی، مسلم لیگ (ن)کے قائد محمد نواز شریف، وزیراعظم شہباز شریف، وزیراعلیٰ پنجاب مریم نواز شریف اور حمزہ شہباز شریف کی طرف سے مسیحی برادری کو مبارکباد پیش کی۔
وفاقی وزیر نے کہا کہ بین المذاہب ہم آہنگی وقت کی ضرورت ہے، ہمیں مشترکہ نکات پر ایک ایسا معاشرہ تشکیل دینا ہے جہاں اخوت، رواداری اور باہمی احترام غالب ہو۔
انہوں نے کہا کہ مسیحی برادری کی ہر خوشی اور تہوار میں ان کے ساتھ کھڑا ہوں، مسیحی برادری نے پاکستان کے لئے بے پناہ قربانیاں دیں، قومی پرچم میں سفید رنگ کی لاج رکھی، بہترین فائٹر پائلٹس پیدا کیے اور جنگوں میں اپنی جانوں کے نذرانے پیش کیے۔
یہ بھی پڑھیں:سمجھ نہیں آرہا کہ پیکا قانون پر اعتراض کیوں کیا جارہا ہے، وزیراطلاعات عطا تارڑ
انہوں نے کہا کہ مسیحی برادری کا ہمیشہ ملک کے دفاع اور ترقی میں کلیدی کردار رہا ہے۔
اپنے خطاب میں وفاقی وزیر اطلاعات نے اس امر کو اجاگر کیا کہ گزشتہ ایک سال کے دوران ملک معاشی ترقی کی طرف گامزن ہوا ہے، معیشت کی بحالی میں حکومت، وزیراعظم شہباز شریف، وزیراعلیٰ پنجاب مریم نواز اور چیف آف آرمی اسٹاف جنرل عاصم منیر کی مشترکہ کاوشیں شامل ہیں۔
آج دنیا بھر کے مالیاتی ادارے پاکستان کی معاشی ترقی کی تعریف کر رہے ہیں اور یہ سب ایک ’معجزاتی ٹرن اراؤنڈ‘ کی مانند ہے، معیشت بہتر ہو رہی ہے، ہم اڑان پاکستان کی طرف جا رہے ہیں۔
آخر میں وفاقی وزیر اطلاعات نے کہا کہ وہ مسیحی برادری کے نمائندے ہیں، ان کے ساتھ کھڑے رہیں گے، ان کے حقوق کا دفاع کرتے رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایسٹر جنرل عاصم منیر عطا تاررڑ مسیحی برادری معیشت نوازشریف وزیراعظم شہباز شریف وفاقی وزیر اطلاعات
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی