لاہور کنسرٹ میں ناقص انتظامات پر بوہیمیا منتظمین پر برہم
اشاعت کی تاریخ: 20th, January 2025 GMT
لاہور(شوبز ڈیسک)پاکستانی نژاد امریکی ریپر، گلوکار و موسیقار بوہیمیا کی جانب سے پنجاب کے دارالحکومت لاہور میں منعقد میوزک فیسٹیول کے دوران ناقص انتطامات پر منتظمین پر غصہ کرنے کی ویڈیو سوشل میڈیا پر وائرل ہوگئی۔
لاہور میں ’سول فیسٹیول‘ کا میوزک کنسرٹ منعقد کیا گیا، جس میں متعدد گلوکاروں اور ریپرز نے پرفارمنس دی۔
کنسرٹ میں بلال سعید، عاصم اظہر، فارس شفیع اور بوہیمیا سمیت دیگر گلوکاروں نے شاندار پرفارمنس کی۔
کنسرٹ کے دوران ناقص انتظامات کرنے کی وجہ سے بوہیمیا کی جانب سے منتظمین پر غصہ کرنے کی ویڈیو سوشل میڈیا پر وائرل ہوگئی۔
بوہیمیا کی وائرل ہونے والی مختصر ویڈیو میں گلوکار کو اسٹیج پر آنے کے بعد منتظمین پر سخت تنقید کرتے ہوئے سنا جا سکتا ہے۔
بوہیمیا اردو زبان میں بولتے دکھائی دیتے ہیں کہ وہ اسٹیج کے پیچھے پانچ گھنٹے سے بیٹھے انتظار کر رہے تھے لیکن انہیں اسٹیج پر آنے نہیں دیا جا رہا تھا۔
انہوں نے سخت لہجے میں کہا کہ منتظمین نے غلط کیا، وہ انتظار کرتے رہے لیکن انہیں آکر پرفارمنس کرنے کی اجازت نہیں دی گئی اور اب انہیں کہا جا رہا ہے کہ ان کے پاس مختصر وقت ہے۔
View this post on InstagramA post shared by Najeeba Zulfiqar (@lifeofnajeeba)
بوہیمیا کہتے ہیں کہ انہوں نے کنسرٹ میں 90 منٹ کی پرفارمنس کا پروگرام بنا رکھا تھا اور وہ اپنے مداحوں کے لیے بہت سارے گانے تیار کرکے لائے تھے لیکن اب انہیں کہا جا رہا ہے کہ ان کے پاس وقت کم ہے۔
گلوکار نے مزید کہا کہ جہاں وہ پانچ گھنٹے سے انتظار کر رہے تھے، وہیں ان کے مداح بھی کئی گھنٹوں سے ان کے منتظر تھے، سب ان کی خاطر یہاں آئے اور اب انہیں پرفارمنس کے وقت کہا جا رہا ہے کہ ان کے پاس وقت کم ہے۔
View this post on InstagramA post shared by PUBG MOBILE Pakistan ???????? (@pubgm.
گلوکار نے منتظمین کو آڑے ہاتھوں لیتے ہوئے ان کے عمل کو غلط قرار دیا اور کہا کہ اب وہ یہاں سے پرفارمنس کے بعد سیدھا جیل ہی جائیں گے۔
منتظمین پر کڑی تنقید کے بعد بوہیمیا نے کنسرٹ میں پرفارمنس کرنا شروع کی اور ان کی جانب سے انتظامیہ پر برہم ہونے کی ویڈیو وائرل ہوگئی۔
خیال رہے کہ بوہیمیا ماضی میں بھی لاہور میں ہونے والے اسی ’سول فیسٹیول‘ میں پرفارمنس کے لیے آتے رہے ہیں۔
View this post on InstagramA post shared by Galaxy Lollywood (@galaxylollywood)
ذریعہ: Daily Ausaf
پڑھیں:
وادی تیراہ میں سہولیات کا فقدان، سیکیورٹی اور انتظامی چیلنجز نے ناقص گورننس کو بے نقاب کردیا
وادی تیراہ میں سہولیات کا فقدان ،سکیورٹی اور انتظامی چیلنجز نے ناقص گورننس کو بے نقاب کردیا،وادی تیراہ میں ابتر صورتحال صوبائی حکومت کی نااہلی اور بدانتظامی کی بدترین مثال ہے۔
آئی جی ایف سی خیبرپختونخوا نارتھ نے کہا کہ فتنہ الخوارج عدم استحکام کو فروغ اور منشیات کی سمگلنگ سے پیسہ وصول کرتےہیں، خیبرپختونخوا کی افغانستان کیساتھ 1224 کلومیٹر کی طویل سرحد موجود ہے۔
آئی جی ایف سی نے کہا کہ فرنٹیئر کور کے پاس تقریباََ 717 کلومیٹرکی سرحد موجود ہے جس میں برف پوش اور سنگلاخ پہاڑ بھی ہیں، خیبرپختونخوا کے افغانستان کے ساتھ سرحد میں بلند چوٹیاں اور تنگ گھاٹیاں بھی موجود ہیں،ایف سی نے دراندازی کرنے والوں کیخلاف کیمرے بھی لگائے ہیں۔
آئی جی ایف سی نے کہا کہ سرحد اس وقت مکمل بند(سیل) ہو سکتی ہے جب دونوں اطراف سے سرحد کا احترام کیا جائے،پہلی بار افغانستان اور پاکستان میں باڑ لگائی گئی ہے ، اب اس کو بین الاقوامی سرحد کہہ سکتے ہیں۔
آئی جی ایف سی نے کہا کہ باڑ لگا کرآزادانہ نقل و حرکت اور دراندازی کے خلاف رکاوٹ کھڑی کی گئی ہے،گزشتہ سال ’’باغ میدان‘‘ میں ایف سی کے 64 جوان شہید اور 198 زخمی ہوئے،اتنے شہدا اور زخمی یہاں پر کسی اور ادارے کے نہیں ہیں، دواتوئی میں ایک تنگ راستہ ہے لیکن وہاں پر کوئی چیکنگ نہیں کی جا سکتی کیوں کہ ہمارے پاس اختیار نہیں،اس وقت پوری آبادی کی نگرانی کیلئے صرف 3پولیس اہلکار موجود ہیں۔
ونگ کمانڈر کرنل وقاص نے بتایا کہ وادی تیراہ میں 60 کلومیٹر تک ضلعی انتظامیہ،پولیس یا ہسپتال موجود نہیں ہے،وادی تیراہ کے علاقے میں کوئی سرکاری سکول نہیں اور نہ اساتذہ ہیں،جب بچے سکول نہیں جائیں گے ، پڑھیں گے نہیں تو ان میں شعور کیسے آئے گا۔ونگ کمانڈر نے کہا کہ اگر بچے پڑھیں نہیں تو وہ غیر قانونی سرگرمیوں کی طرف جاتے ہیں،ایف سی کے زیر اہتمام 16سکول ہیں جن میں ایف سی نے خود اساتذہ کو بھرتی کیا ہے۔
ونگ کمانڈر نے کہا کہ وادی تیراہ میں کوئی ہسپتال نہیں ، لوگ کسی ایک انجکشن کیلئے بھی ایف سی کے پاس آتے ہیں،فرنٹیئر کور مقامی افراد کیلئے فری میڈیکل کیمپس کا انعقاد بھی کرتی ہے۔
ونگ کمانڈر نے بتایا کہ وادی تیرہ میں منشیات فروشی کا مسئلہ بہت بڑا ہے جن میں فتنہ الخوارج ملوث ہے،فتنہ الخوارج منشیات اور بھتہ سے اکٹھی کی گئی رقم سکیورٹی فورسز اور عوام کے خلاف استعمال کرتےہیں۔وادی تیراہ میں بدانتظامی اور مقامی حکومت کی نااہلی کا فائدہ شدت پسند اور جرائم پیشہ گروہ اٹھا رہے ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر