پنجاب میں طلبا اب مزید3نئے گروپس میں میٹرک کر سکیں گے
اشاعت کی تاریخ: 20th, January 2025 GMT
: پنجاب میں طلبا اب مزید3نئے گروپس میں میٹرک کر سکیں گے ۔میٹرک سائنس اور میٹرک آرٹس کے ساتھ مزیدتین گروپ شامل کیے گئے ہیں، طلبا کیلئے ہیلتھ سائنسز، ایگریکلچر سائنس اور فیشن ڈیزائننگ گروپ تیار، محکمہ سکول ایجوکیشن کی جانب سے نئے گروپس کی مضامین لسٹ بھی جاری کردی گئی۔نویں جماعت کے آغاز میں طلبا میٹرک مضامین کا انتخاب کریں گے، ہیلتھ سائنسز، ایگری کلچر سائنس کے مضامین کے ساتھ میٹرک کیا جاسکے گا، پنجاب میں انفارمیشن ٹیکنالوجی، انٹراپنورشپ کے ساتھ میٹرک ہوسکے گا ، فیشن ڈیزائننگ بھی میٹرک ہوسکے گا، نئے کورسز کے مارکس 100 سے 150 کے درمیان ہوں گے ۔محکمہ تعلیم کا کہنا ہے کہ نویں جماعت کے آغاز میں طلبا میٹرک مضامین کا انتخاب کریں گے ،بین الاقوامی نظام کو سامنے رکھتے ہوئے نئے کورسز شامل کیے گئے، پنجاب پہلے صرف میٹرک سائنس اور آرٹس کے ساتھ ہوتا تھا، پنجاب رواں برس سے میٹرک مزید گروپس کے ساتھ ہوسکے گا۔دوسری جانب طلبہ کا کہنا ہے کہ میٹرک میں نئے کورسز کی شمولیت خوش آئند ہے ،کوئی آرڑیفیشل انٹیلیجنس میں جانا چاہتا ہے تو اس شروع سے ہی مدد ملے گی ، حکومت نے نئے کورسز شامل کر کے فیلڈ چننا آسان کر دیا ہے ،کوئی زراعت میں جانا چاہتا ہے تو اسے سائنس پڑھنے کی ضرورت نہیں ہو گی۔
.ذریعہ: Nawaiwaqt
پڑھیں:
چینی، بھارتی طلبا کی ویزا قوانین پر ٹرمپ کے خلاف قانونی جنگ
اسلام آباد (اُردو پوائنٹ ۔ DW اردو۔ 20 اپریل 2025ء) امریکہ میں تین بھارتی اور دو چینی طلباء نے ملک کے ہوم لینڈ سکیورٹی ڈپارٹمنٹ اور امیگریشن کے خلاف مقدمہ دائر کر دیا ہے۔ ان طلباء نے امریکہ کی جانب سے کئی غیر ملکی اسٹوڈنٹس کے ایف ون ویزا منسوخ کیے جانے کے بعد یہ قدم اٹھایا۔
نیو ہمسفائیر کے ڈسٹرکٹ کورٹ میں امریکن سول لبرٹیز یونین (اے سی ایل یو) کی جانب سے دائر کیے گئے مقدمے میں ٹرمپ انتظامیہپر یہ الزام لگایا گیا ہے کہ وہ "یکطرفہ طور پر سینکڑوں بین الاقوامی طلباء کے ایف ون ویزا اسٹیٹس کو منسوخ کر رہے ہیں۔
"مقدمہ آخر ہے کیا؟
ٹرمپ انتظامیہ کے خلاف طلباء کی اس قانونی جنگ میں ان کا موقف ہے کہ انہیں نا صرف ملک بدری یا ویزا کی منسوخی کے خطرے کا سامنا کرنا پڑ رہا ہے بلکہ انہیں "شدید مالی اور تعلیم کے حرج" کا سامنا بھی کرنا پڑ رہا ہے۔
(جاری ہے)
اس مقدمے میں کہا گیا کہ حکومت نے غیر ملکی طالب علموں کے ویزا کی قانونی حیثیت ختم کرنے سے پہلے مطلوبہ نوٹس جاری نہیں کیا۔
درخواست دینے والے طلباء میں چینی شہری ہانگروئی ژانگ اور ہاویانگ این اور بھارتی شہری لنکتھ بابو گوریلا، تھانوج کمار گمماداویلی اور مانی کانتا پاسولا شامل ہیں۔
ان طلباء کو ویزا کی منسوخی کے باعث شدید مشکلات کا سامنا ہے۔ ہانگروئی کی ریسرچ اسسٹنٹشپ منسوخ ہوئی ہے۔ ہاویانگ کو تقریباﹰ ساڑھے تین لاکھ ڈالر خرچ کرنے کے بعد بھی شاید اپنی پڑھائی ادھوری چھوڑنی پڑے۔
گوریلا 20 مئی کو اپنی ڈگری مکمل کرنے والا ہے، لیکن ایف ون ویزا کے بغیر وہ ایسا نہیں کر سکے گا۔
امریکہ میں بین الاقوامی طلباء کے مسائل کیا ہیں؟
ٹرمپ انتظامیہ کی اسٹوڈنٹ ویزا پالیسیوں میں سختی پر بین الاقوامی طلباء، تعلیمی اداروں اور قانونی ماہرین کو شدید تشویش ہے۔
امریکہ میں پڑھنے والے طلباء میں سب سے زیادہ تعداد چینی اور بھارتی اسٹوڈنٹس کی ہے۔
ایسوسی ایٹڈ پریس کو دیے گئے تعلیمی اداروں کے بیانات اور اسکول کے حکام کے ساتھ خط و کتابت کے بعد یہ بات سامنے آئی ہے کہ مارچ کے آخر سے امریکی کالجوں اور یونیورسٹیوں میں ایک ہزار سے زیادہ بین الاقوامی طلباء کے ویزے منسوخ یا ان کی قانونی حیثیت ختم کر دی گئی ہے۔
ادارت: عرفان آفتاب
امریکی شہریت رکھنے والے یرغمالی سے متعلق حماس کا اہم بیان سامنے آگیا