غزہ: جنگ بندی میں 3 گھنٹے کی تاخیر 19 شہادتوں پر منتج
اشاعت کی تاریخ: 20th, January 2025 GMT
غزہ میں جنگ بندی کا آغاز صبح 8.30 بجے ہونا تھا، القدرہ خاندان نے 15 ماہ تک اسرائیلی حملوں کو برداشت کیا تھا، وہ ایک سے زائد مرتبہ بے گھر ہو نے کے بعد ایک خیمے میں رہ رہے تھے، ان کے رشتہ دار اسرائیل کے ہاتھوں ہلاک ہونے والے 46,900 فلسطینیوں میں شامل تھے۔
لیکن القدرہ خاندان بچ گیا تھا اور وہ گھر واپس جانا چاہتے تھے، احمد القدرہ نے اپنے 7 بچوں کو گدھا گاڑی پر بٹھایا اور مشرقی خان یونس کا رخ کیا، آخر کار بمباری رک چکی تھی اور سفر کرنا اب محفوظ تھا۔
یہ بھی پڑھیں:
لیکن اس گھرانے کو معلوم نہیں تھا کہ اسرائیل اور حماس کے درمیان جنگ بندی میں تاخیر ہوئی ہے، وہ نہیں جانتے تھے کہ ان اضافی چند گھنٹوں میں بھی اسرائیلی طیارے غزہ کے آسمان پر اپنے بم گرانے کے لیے تیار تھے۔
احمد کی بیوی حنان نے زور دار دھماکے کی آواز سنی، وہ شہر کے وسط میں ایک رشتہ دار کے گھر پر پیچھے رہ گئی تھی اور اپنا سامان ترتیب دے رہی تھی تاکہ چند گھنٹوں بعد اپنے شوہر اور بچوں کے ساتھ شامل ہوسکے۔
مزید پڑھیں:
حنان کے مطابق دھماکے سے ایسا محسوس ہوا جیسے اس نے میرے دل کو نشانہ بنایا ہو، وہ فطری طور پر جانتی تھی کہ اس کے بچوں کے ساتھ کچھ ہوا ہے، جنہیں اس نے ابھی ابھی الوداع کہا تھا، وہ چیخی؛ میرے بچے، میرے بچے!
گدھا گاڑی اسرائیلی فضائی حملے کی زد پر آئی تھی، حنان کا بڑا بیٹا 16 سالہ عدلی اور اس کی سب سے چھوٹی بیٹی 6 سالہ سما اللہ کو پیارے ہوچکے تھے۔
حنان کی 12 سالہ بیٹی یاسمین نے وضاحت کی کہ ایک 4 پہیوں والی گاڑی اس گاڑی کے آگے تھی جو جنگ بندی کا جشن مناتے ہوئے لوگوں کو لے جا رہی تھی، شاید میزائل داغے جانے کی یہی وجہ تھی۔
مزید پڑھیں:
’میں نے سما اور عدلی کو زمین پر پڑے ہوئے دیکھا، اور میرے والد کا خون بہہ رہا تھا اور وہ بے ہوش تھے۔‘
اس مقام پر دوسرے اسرائیلی میزائل کے ٹکرانے سے قبل یاسمین نے اپنی 8 سالہ بہن اسیل کو باہر نکالا ، 11 سالہ محمد بھی بچ گیا، لیکن بچوں کے والد احمد اور حنان کے زندگی بھر کے ساتھی شوہر، کو اسپتال میں مردہ قرار دے دیا گیا۔
‘میرے بچے میری دنیا تھے’خان یونس کے ناصر اسپتال میں اپنی زخمی بیٹی ایمان کے اسپتال کے بیڈ کے ساتھ بیٹھی حنان ابھی تک صدمے سے حیرت زدہ تھیں، جنگ بندی کہاں ہوئی، یہ تھا ان کا سوال، جو انہوں نے الجزیرہ کی رپورٹر سے پوچھا۔
گھر کے نام پر بچے کچھے ملبے تک واپسی کے جوش میں، القدرہ خاندان نے اسرائیلی وزیر اعظم بینجمن نیتن یاہو کا یہ اعلان نہیں سنا کہ فلسطینی گروپ حماس نے 3 اسرائیلی اسیروں کے نام نہیں بھیجے، جنہیں جنگ بندی معاہدے کے تحت اتوار کو رہا کیا جائے گا۔
بدقسمت خاندان نے حماس کی یہ وضاحت بھی نہیں سنی کہ اس ضمن میں تاخیر کی تکنیکی وجوہات تھیں، اور یہ کہ نام فراہم کیے جائیں گے، جیسا کہ بالآخر مطلوبہ نام فراہم کردیے گئے تھے۔
مزید پڑھیں:
وہ نہیں جانتے ہوں گے کہ جنگ بندی پر عملدرآمد میں 3 گھنٹے کی تاخیر میں ان کے خاندان کے 3 افراد جان کی بازی ہار جائیں گے، غزہ کے سول ڈیفنس کے مطابق، وہ ان 19 فلسطینیوں میں شامل تھے جنہیں اسرائیل نے ان پچھلے چند گھنٹوں میں شہید کیا تھا۔
حنان کا چہرہ آنسوؤں میں ڈوب گیا، اب انہیں اپنے شوہر اور 2 بچوں کے بغیر زندگی گزارنا ہوگی، سب سے چھوٹی بیٹی سما کی شہادت ان کے لیے خاص طور پر مشکل تھی۔
سما ان کی سب سے چھوٹی اور سب سے زیادہ بگڑی ہوئی بچی تھی، جبکہ عدلی ان کی معاون مددگار بیٹا تھا، ان کے اس کے بچے ان کی دنیا تھے۔ ’ہم نے بے گھر ہونے اور بمباری کے سخت ترین حالات کا سامنا کرتے ہوئے اس پوری جنگ کو برداشت کیا۔‘
مزید پڑھیں:
حنان نے بتایا کہ ان کے بچوں نے بھوک، خوراک اور بنیادی ضروریات کی کمی کا سامنا کیا۔ ’ہم ایک سال سے زائد عرصہ جاری رہنے والی اس جنگ سے زندہ بچ گئے صرف اس لیے کہ وہ اس کے آخری لمحات میں شہید کردیے جائیں، یہ کیسے ہو سکتا ہے۔‘
خوشی کا ایک دن ڈراؤنے خواب میں بدل گیا تھا، القدرہ خاندان نے ایک رات قبل جنگ کے خاتمے کا جشن منایا تھا، کیا اسرائیلی فوج کے لیے ہمارا خون اور 15 مہینوں سے کیے جانے والے مظالم کافی نہیں تھے۔‘
پھر حنان نے اپنے مستقبل کے بارے میں سوچا، اس کے شوہر اور 2 بچے اس سے چھین لیے گئے، اپنی آنکھوں سے آنسو اپنے چہرے پر بہاتے ہوئے، انہوں نے پوچھا کہ اب کیا بچا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل جنگ بندی حماس خان یونس فلسطین ناصر اسپتال.ذریعہ: WE News
کلیدی لفظ: اسرائیل خان یونس فلسطین ناصر اسپتال القدرہ خاندان مزید پڑھیں بچوں کے کے لیے
پڑھیں:
پیرو: جبری نس بندی سے متاثرہ لاکھوں خواتین ازالے کی منتظر
اسلام آباد (اُردو پوائنٹ ۔ DW اردو۔ 20 اپریل 2025ء) فلورینٹینا لوآئزا ایک شیر خوار بچے کی ماں اور صرف انیس برس کی تھیں، جب پیرو کی حکومت کے کارندوں نے دھوکے سے ان کی نس بندی کر دی تھی۔ ایک اندازے کے مطابق برسوں پہلے پیروکی ﹰ تقریبا پونے تین لاکھ خواتین کے ساتھ ایسا کیا گیا تھا۔
آج عشروں بعد فلورینٹینا کی عمر چھیالیس برس ہے اور وہ اور دیگر متاثرہ خواتین ابھی تک حکومت کی طرف سے معافی مانگے جانے اور اپنے لیے مالی ازالے کی جنگ لڑ رہی ہیں۔
جبری نسبندی ، نسل کشی کا ایک انداز
بیشتر متاثرہ خواتین کا تعلق پیرو کی قدیمی مقامی آبادی سے تھا اور اقوام متحدہ نے مرضی کے خلاف افزائش نسل کی اہلیت سے محروم کر دینے والی اس حکومتی مہم کی مذمت بھی کی تھی۔
(جاری ہے)
ان لاکھوں خواتین کے ساتھ انیس سو نوے کی دہائی میں یہ ظلم کیا گیا تھا اور یہ بات بعد میں منظر عام پر آئی تھی۔
فلورینٹٰنا لوآئزا اب ایک سماجی کارکن ہیں۔
انہوں نے خبر رساں ادارے اے ایف پی کو بتایا، ''میری زندگی مختصر کر دی گئی۔‘‘ وہ کہتی ہیں کہ تولیدی نس بندی کے بعد ان کے شریک حیات نے بھی انہیں چھوڑ دیا تھا اور اس بات نے بھی ان کی زندگی پر کبھی نہ ختم ہونے والے اثرات چھوڑے، جو انتہائی تکلیف دہ تھے۔نسلی طور پر پیرو کی قدیمی مقامی آبادی سے تعلق رکھنے والی فلورینٹینا بتاتی ہیں کہ انیس سو ستانوے میں وہ چند ماہ کی عمر کے ایک شیر خوار بچے کی ماں تھیں اور جنوب مشرقی پیرو کے حوآن کاویلیکا نامی دیہی علاقے میں رہتی تھیں۔
سنکیانگ: شرح پیدائش تاریخ کی کم ترین سطح پر
ان کی زندگی میں بہت بڑی تبدیلی اس وقت آئی جب ایک روز کئی دیگر مقامی خواتین کے ساتھ وہ ایک ٹرک میں سوار ہو کر اس لیے ایک قریبی کلینک گئیں کہ وہاں انہیں وہ امدادی خوراک ملنا تھی، جس کا ان سب سے وعدہ کیا گیا تھا۔ لیکن کلینک میں ان خواتین کو کوئی امدادی سامان دینے کے بجائے ان سب کی زبردستی سرجری کر دی گئی۔
وہاں اپنے ساتھ کی گئی زبردستی کو یاد کرتے ہوئے فلورینٹینا کہتی ہیں، ''ہمیں پکڑ کر نرسوں نے زبردستی سٹریچروں پر لٹایا اور ہمیں بےہوشی کے ٹیکے لگا دیے گئے۔‘‘ فلورینٹینا کے بقول جب ان کی آنکھ کھلی تو انہیں بتایا گیا کہ ان کی نس بندی کر دی گئی تھی۔
انہوں نے کہا، ''جب میں گھر لوٹی اور سب کچھ اپنے شریک حیات کو بتایا تو اس نے میری بات پر یقین کرنے سے انکار کر دیا۔
اس نے الٹا مجھ پر الزام لگایا کہ میں دوسرے مردوں کے ساتھ جنسی تعلقات کی خواہش مند تھی اور اسی لیے دانستہ اپنی نس بندی کروا آئی تھی کہ یوں حاملہ نہ ہو جاؤں۔ اس کے بعد وہ مجھے چھوڑ کر چلا گیا۔‘‘ان واقعات کے بعد فلورینٹینا لوآئزا نے اپنا آبائی علاقہ چھوڑ دیا اور پیرو کے دارالحکومت لیما منتقل ہو گئیں تاکہ عام لوگوں کے گھروں میں کام کر کے اپنا گزارہ کر سکیں۔
وہ کہتی ہیں، ''سرجری کے بعد میرے پیٹ میں شدید درد رہتا تھا۔ مجھے سرکاری طبی امداد کی اشد ضرورت تھی کیونکہ میں خود اپنا علاج نہیں کرا سکتی تھی۔ سرجری کے بعد میری زندگی کی مشکلات بہت بڑھ گئی تھیں۔‘‘پیرو میں ریاست کے ایما پر دھوکہ دہی سے یا زبردستی کی جانے والی اس نس بندی سے متاثرہ خواتین کی مجموعی تعداد تقریباﹰ دو لاکھ ستر ہزار بنتی ہے۔
ان میں اب پچپن برس کی ماریا ایلینا کارباخال بھی شامل ہیں۔ وہ اپنے چار بچوں کے ساتھ لیما کے مضافات میں رہتی ہیں۔ کارباخال نے اے ایف پی کو بتایا، ''تب میری عمر چھبیس سال تھی۔ میں اپنے سب سے چھوٹے بچے کی پیدائش کے سلسلے میں ہسپتال گئی، تو ڈاکٹروں نے میرے علاج کے لیے شرط یہ رکھی کہ میں اپنی نس بندی پر رضا مندی ظاہر کروں۔ دوسری صورت میں میں اپنے نومولود بچے کو کبھی نہیں مل سکوں گی۔‘‘کارباخال نے مجبوری میں ڈاکٹروں کی بات مان لی اور ان کی بھی زچگی کے فوری بعد نس بندی کر دی گئی۔ اس واقعے کے بعد کارباخال کے شوہر نے بھی انہیں چھوڑ دیا اور وہ گھریلو ملازمہ کے طور پر کام کر کے اپنا اور اپنے بچوں کا پیٹ پالنے لگیں۔ اب وہ جبری نس بندی سے متاثرہ خواتین کے لیے ایک ادارہ چلاتی ہیں۔ وہ کہتی ہیں، ''ہمیں جبراﹰ بانجھ بنایا گیا۔
ہمارے جسموں پر نہ صرف زخم لگائے گئے بلکہ ہم ان زخموں کے نتیجے میں اپنے خاندانوں کے ٹوٹ جانے کے دکھ بھی اٹھائے ہوئے ہیں۔‘‘سرکاری اعداد و شمار کے مطابق خواتین کی جبری نس بندی کی یہ مہم پیرو کے سابق صدر البیرٹو فیوجی موری کے دور میں چلائی گئی تھی، جو 1990 سے لے کر 2000 تک اقتدار میں رہے تھے۔ اس دوران طبی پیچیدگیوں کے باعث اٹھارہ خواتین ہلاک بھی ہو گئی تھیں۔
تخت نشینی کا جاپانی قانون: اقوام متحدہ کے مطالبے پر ٹوکیو حکومت ناراض
فیوجی موری حکومت کے ریکارڈ کے مطابق یہ نس بندی فیملی پلاننگ کے ایک حکومتی منصوبے کے تحت متعلقہ خواتین کی مبینہ رضا مندی سے کی گئی تھی۔
لیکن اقوام متحدہ کی خواتین کے حقوق کی کمیٹی نے گزشتہ برس اکتوبر میں اپنی ایک رپورٹ میں اس جبری حکومتی عمل کو ''ریاست کی طرف سے دیہی اور قدیمی مقامی خواتین پر منظم حملہ‘‘ قرار دیا تھا، جس سے متاثرہ اکثر خواتین ناخواندہ تھیں اور پیرو کی سرکاری زبان کے طور پر ہسپانوی زبان بھی نہیں سمجھتی تھیں۔
اقوام متحدہ کی خواتین کے حقوق کی کمیٹی کی ایک رکن لیٹیسیا بونیفاز نے اے ایف پی سے گفتگو کرتے ہوئے کہا، ''یہ دیہی علاقوں میں چلائی گئی ایسی مہم تھی، جس کا مقصد معاشرے کے غریب ترین اور محروم طبقے کی آبادی میں اضافے کو روکنا تھا۔‘‘ بونیفاز کے بقول یہ ناانصافی''لاطینی امریکہ میں جبری نس بندی کا سب سے بڑا منظم واقعہ‘‘ تھی۔
گلوبل جینڈر گیپ انڈکس کیا ہے؟
گزشتہ برس اقوام متحدہ نے پیرو کی حکومت پر زور دیا تھا کہ وہ اس معاملے میںِ ''اپنی تحقیقات کو تیز اور وسیع کرے اور متاثرین کے لیے مالی معاوضے اور نفسیاتی علاج کا ایک جامع پروگرام بھی جلد ترتیب دے۔‘‘
پیرو کی ایک عدالت نے بھی 2023 میں فیصلہ سنایا تھا کہ حکومت متاثرہ خواتین کے لیے مالی ازالے اور طبی دیکھ بھال کے انتظامات کرے۔ اس عدالتی فیصلے پر بھی اب تک عمل نہیں ہوا۔
عصمت جبیں/ ص ز (اے ایف پی)
سنگاپور میں پارلیمنٹ تحلیل، عام انتخابات 3 مئی کو ہوں گے