کشمیری، نوجوان مر د و خواتین مقبوضہ کشمیر کے عوام کا سفیر بن کر مودی کی حکومت کو بے نقاب کریں، طاہر کھوکھر
اشاعت کی تاریخ: 20th, January 2025 GMT
طاہر کھوکھر نے کہا کہ دنیا بھر میں کشمیری تارکین وطن اپنی سفارتی محاذ پر اپنی جدوجہد تیز کریں یورپی ممالک کے ممبران پارلیمنٹ عوام تک کشمیریوں کی آواز کو پہنچائیں۔ اسلام ٹائمز۔ سابق وزیر سیاحت و ٹرانسپورٹ محمد طاہرکھوکھر نے کہا ہے کہ ہر کشمیری نوجوان مقبوضہ کشمیر کے عوام اور ریاست کا سفیر بن جائے، مقبوضہ کشمیر میں ہونے والے مظالم، بیگناہ کشمیریوں کا قتل عام، خواتین پر تشدد، بے گناہ کشمیریوں کو پابند سلاسل رکھنے، ان کی جائیدادوں پر قابض ہونے اور کشمیر کی شناخت کو تبدیل کرنے کیلئے مودی اور ہندو سرکار جو بھونڈے اقدامات اٹھا رہی ہے، اس کو سوشل میڈیا کے ذریعے اجاگر کریں اور اس کو ٹاپ ٹرینڈ بنائیں اور انڈیا اور مودی کو پوری دنیا کے سامنے بے نقاب کریں جس طرح انڈیا حکومت مقبوضہ کشمیر میں بندوق کے زور پر کشمیریوں کو نشانہ بنا رہی ہے اور جبری حکومت کر رہی ہے اس کو اقوام عالم کے سامنے لایا جائے۔ جاری بیان میں انہوںن ے کہا کہ کشمیری، نوجوان مرد اور خواتین خود کو مقبوضہ کشمیر کے عوام کا سفیر بن کر سوشل میڈیا اور دیگر ذرائع سے مودی اور انڈیا کی حکومت کو بے نقاب کریں۔
طاہر کھوکھر نے کہا کہ افسوس اقوام عالم اورخود اقوام متحدہ اتنا لاپرواہ ہو چکا ہے جو خود کی قراردادوں پر عمل نہیں کروا سکتا وہ دنیا میں کیا امن لائے گا، اس وقت انڈیا سرکار اور مودی نے انڈیا کو ہندو دیش بنانے کی کوششوں میں لگے ہوئے ہیں انڈیا میں ہندوں کے علاوہ کوئی بھی دوسری قوم محفوظ نہیں ہے، مسلمانوں کو تو انڈیا نے اپنے نشانے پر رکھا ہوا ہے۔ انڈیا سرکار اور مودی کی آشیرباد سے ہندوں کی دہشت گرد تنظیمیں مسلمانوں کا قتل عام کر رہی ہیں، مسلمانوں کی مساجد کو گرایا جا رہا ہے ان کو متنازع بنانے کی کوشش کی جا رہی ہے مگر دنیا خواب غفلت میں سو رہی ہے۔
طاہر کھوکھر نے کہا کہ دنیا بھر میں کشمیری تارکین وطن اپنی سفارتی محاذ پر اپنی جدوجہد تیز کریں یورپی ممالک کے ممبران پارلیمنٹ عوام تک کشمیریوں کی آواز کو پہنچائیں، کشمیری اپنے حق کے حصول کی جدوجہد کر رہے ہیں جو عالمی برادری نے تسلیم کر رکھا ہے۔ انہوں نے کہا کہ کشمیری اقوام متحدہ کے چارٹر اور سلامتی کونسل کی قراردوں کے مطابق جدوجہد کر رہے ہیں، عالمی برادری کی ذمہ داری ہے کہ وہ کشمیریوں کو ان کو حق دلائے، کشمیریوں نے عالمی برادری کی ضمانت پر سیز فائر کیا تھا، 75برس بیت چکے ہیں عالمی برادری خاموش تماشہ دیکھ رہی ہے اور قابض بھارتی افواج کشمیریوں کی نسل کشی کر رہی ہے، ہندوستان آبادی کے تناسب کو تبدیل کر رہا ہے جو عالمی قوانین کی بھی کھلی خلاف ورزی ہے، انڈیا انسانی حقوق کی سنگین خلاف ورزیوں کا مرتکب رہا ہے۔ طاہر کھوکھر نے کہا کہ ہر کشمیری کو اب کشمیریوں کی آواز بننا ہو گا۔
ذریعہ: Islam Times
کلیدی لفظ: عالمی برادری کشمیریوں کی رہی ہے
پڑھیں:
کشمیری بی جے پی کے کشمیر دشمن ہندوتوا ایجنڈے کے خلاف متحد ہیں، حریت کانفرنس
ترجمان نے کہا کہ بھارت کو نوشتہ دیوار پڑھ لینا چاہیے کہ وہ متنازعہ علاقے پر اپنے جبری قبضے، کشمیر دشمن ہندوتوا ایجنڈے اور کالے قوانین کو مسلط کر کے عالمی برادری کو گمراہ نہیں کر سکتا۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں کل جماعتی حریت کانفرنس نے کہا ہے کہ کشمیری عوام آر ایس ایس اور بی جے پی کے کشمیر دشمن اور ہندوتوا ایجنڈے کو ناکام بنانے کے لیے متحد ہیں جس کا مقصد کشمیریوں کے استصواب رائے کے جائز مطالبے کو دبانا ہے۔ ذرائع کے مطابق کل جماعتی حریت کانفرنس کے ترجمان ایڈوکیٹ عبدالرشید منہاس نے سرینگر سے جاری ایک بیان میں اقوام متحدہ پر زور دیا کہ وہ مداخلت کر کے کشمیر کے بارے میں اپنی قرارداد پر عمل درآمد کرائے۔ اقوام متحدہ نے 77سال قبل آج ہی کے دن ایک قرارداد منظور کی تھی جس میں جموں و کشمیر کے لوگوں کو آزادانہ اور منصفانہ استصواب رائے کے ذریعے حق خودارادیت کی ضمانت دی گئی تھی۔ ترجمان نے کہا کہ حریت کانفرنس ان رہنمائوں اور نوجوانوں کی قربانیوں کو سلام پیش کرتی ہے جو گزشتہ آٹھ سال سے مسلسل غیر قانونی طور پر نظربند ہیں جن میں کل جماعتی حریت کانفرنس کے چیئرمین مسرت عالم بٹ، شبیر احمد شاہ، محمد یاسین ملک، آسیہ اندرابی، نعیم احمد خان، مشتاق الاسلام، بلال صدیقی، مولوی بشیر عرفانی، امیر حمزہ اور دیگر شامل ہیں۔
انہوں نے لوگوں پر زور دیا کہ وہ بی جے پی اور آر ایس ایس کے ہندوتوا ایجنڈے کو شکست دینے کے لئے متحد رہیں۔ انہوں نے کہا کہ کل جماعتی حریت کانفرنس ایک مضبوط پلیٹ فارم ہے جو عوام کی امنگوں اور جذبات کی ترجمانی کرتی ہے اور جو فورم کے اصولی موقف اور آئین کی خلاف ورزی کرتا ہے اس کی اب اس میں کوئی جگہ نہیں ہے۔ ترجمان نے شہداء کے مشن کی تکمیل تک جدوجہد آزادی جاری رکھنے کے عزم کو ظاہر کرتے ہوئے کہا کہ مقبوضہ جموں و کشمیر میں کئی جماعتیں اور گروپ ہندوانتہا پسند تنظیموں کے منصوبوں کو آگے بڑھانے کے لیے کٹھ پتلی کے طور پر کام کر رہے ہیں۔ بیان میں کشمیر اور پاکستان کے بارے میں بی جے پی حکومت کے بیان کو مسترد کرتے ہوئے کہا گیا کہ اس طرح کے بیانات مضحکہ خیز ہیں کیونکہ جموں و کشمیر کی تاریخ بھارت کے توسیع پسندانہ اور نفرت انگیز بیانات سے بالکل مختلف ہے۔ انہوں نے بھارت پر زور دیا کہ وہ اقوام متحدہ کی قراردادوں میں کشمیریوں سے کئے گئے اپنے وعدوں پورے کرے اور کشمیریوں کو استصواب رائے کے ذریعے اپنے سیاسی مستقبل کا فیصلہ خود کرنے کا موقع فراہم کرے۔
ترجمان نے کہا کہ بھارت کو نوشتہ دیوار پڑھ لینا چاہیے کہ وہ متنازعہ علاقے پر اپنے جبری قبضے، کشمیر دشمن ہندوتوا ایجنڈے اور کالے قوانین کو مسلط کر کے عالمی برادری کو گمراہ نہیں کر سکتا۔ انہوں نے کہا کہ انسانی حقوق کے حوالے سے بھارتی جرائم اور بین الاقوامی قوانین کی خلاف ورزیاں دنیا کے سامنے بے نقاب ہو رہی ہیں۔ حریت ترجمان نے کہا محاصرے اور تلاشی کی کارروائیوں، گھروں پر چھاپوں، جائیدادوں پر قبضے اور کالے قوانین کے تحت نظربندیوں سمیت ظالمانہ اقدامات کشمیریوں کے عزم کو توڑ نہیں سکتے اور وہ ہر قیمت پر اپنی جدوجہد جاری رکھیں گے۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ