بانی پی ٹی آئی کرپشن کی مکمل داستان اور پیشہ ور کرپٹ ہے‘رانا تنویر حسین
اشاعت کی تاریخ: 20th, January 2025 GMT
شرقپور: وفاقی وزیر رانا تنویر حسین میڈیا سے گفتگو کررہے ہیں
مریدکے(آن لائن)وفاقی وزیر صنعت و پیداوار اور فوڈ سکیورٹی رانا تنویر حسین نے کہا ہے کہ بانی پی ٹی آئی کرپشن کی مکمل داستان اور پیشہ ور کرپٹ ہے جس نے اخلاقی اور مالی سمیت ہر قسم کی کرپشن کی ہے۔انہوں نے کہا کہ190 ملین پاؤنڈ کیس اوپن اینڈ شٹ کیس ہے جس کا فیصلہ پہلے سے سب کو معلوم تھاا ور احتساب عدالت نے میرٹ پر اپنا فیصلہ سنایا ہے۔میڈیا سے گفتگو کرتے ہوئے وفاقی وزیر نے کہا کہ کسی کے جرائم کی کوئی معافی نہیںہو گی اور جس نے جو غلط کیاہے اسے اس کی بھی سز بھگتنا ہوگی۔رانا تنویر حسین نے کہا کہ پی ٹی آئی ایک طرف این آر او اور ڈیل مانگنے سے انکارکر رہی ہے تو دوسری طرف منتیں کرتی ہے۔آرمی چیف سے سکیورٹی معاملات پر ملاقات کرنے پر”ساڈی گل ہوگئی اے” کا تاثر پی ٹی آئی کی ذہنی کیفیت کو عیاں کرتا ہے۔انہوں نے کہا کہ پہلے کہتے تھے ہم حکومت سے نہیں اسٹیبلشمنٹ سے بات کریں گے اب حکومت کے ترلے کئے جارہے ہیں۔وفاقی وزیر کا کہنا تھا کہ بانی پی ٹی آئی کو ریلیف قانون اور اصول کے مطابق ملے گا، چالاکیاں نہیں چلیں گیں۔انہوں نے کہا کہ پی ٹی آئی ذہنی طور پر ہی کسی بات میں کلیئر نہیں اور ان کا ایک ہی مقصد ہے کہ ‘سانوں معافی دیو’ ۔ میڈیا کے سوالوں کے جواب دیتے ہوئے رانا تنویر حسین کا کہنا تھا کہ پی ٹی آئی کونہ این آر او نہ کوئی ڈیل ملے گی یہ کارکنوں کی تسلی کے لیے خود ہی باتیں بناتی ہے۔انہوں نے کہا کہ سیاسی استحکام معاشی ترقی کا ضامن ہے۔اگر فتنہ انگیزی، شرانگیزی اور دہشت گردی نہ ہوتی تو جتنی محنت ہم نے کی ہے ملک اب سے دس گنا ذیادہ آگے چلا جاتا۔رانا تنویر حسین نے کہا کہ ہم مزید معاشی ترقی اور بہتری کی طرف جارہے ہیں۔دس ماہ میں انتہائی بگڑے حالات بہتر کرنا وزیر اعظم میاں شہباز شریف کی محنت کا ثمر ہے اور دنیا بھر کے فنانشل ادارے اس کا اعتراف کررہے ہیں۔ٹرمپ انتظامیہ کے آنے کے حوالے سے وفاقی وزیر نے کہا کہ ہم آزاد ملک ہیں اور ہمارا اپنا نظام ہے، امریکی انتظامیہ کی تبدیلی کا ہم پر کوئی اثر نہیں پڑے گا۔ایک سوال کے جواب میں رانا تنویر حسین نے کہا ہے کہ یہ محض اتفاق ہے کہ بانی پی ٹی آئی کو سزا سنانے والے بھی ‘رانا’ ہیں، اسمبلی فلور پر میری تقاریر اور احتساب عدالت جج ناصر اقبال رانا کا فیصلہ اصول اور قانون پرمبنی ہیں اوربانی کا فیصلے کے خلاف اپیل میں جانا حق ہے۔
.ذریعہ: Jasarat News
کلیدی لفظ: رانا تنویر حسین نے کہا انہوں نے کہا کہ بانی پی ٹی ا ئی وفاقی وزیر
پڑھیں:
سیاستدان کو الیکشن اور موت کے لیے ہر وقت تیار رہنا چاہیے : عمر ایوب
ویب ڈیسک : پی ٹی آئی رہنما اور اپوزیشن لیڈر عمرا یوب نے کہا ہے کہ سیاستدان کو الیکشن اور موت کے لیے ہر وقت تیار رہنا چاہیے۔
عمران خان سے جیل میں ملاقات کی اجازت نہ ملنے پر توہین عدالت کیس مقرر نہ ہونے پر عمر ایوب اسلام آباد ہائی کورٹ پہنچے، جہاں بات چیت کرتے ہوئے انہوں نے بتایا کہ 2 دن پہلے درخواست دائر کی تھی، تاحال ہماری درخواست مقرر نہیں ہوئی، اس پر دائری نمبر لگ چکا ہے۔
ہر وقت پیاس؛ سنگین مرض کی نشانی
میڈیا کے نمائندوں گفتگو میں اپوزیشن لیڈر عمر ایوب نے کہا کہ 2 دن پہلے ہائی کورٹ میں بانی پی ٹی آئی کی بہنیں اور قیادت موجود تھی ۔ چیف جسٹس کے پاس پیش ہونا چاہا مگر وہ شاید جمعہ کی وجہ سے چلے گئے تھے ۔
انہوں نے بتایا کہ پٹیشن کو دائری نمبر لگا دیا گیا ہے مگر وہ ابھی تک فکس نہیں ہوئی۔ پہلے بھی ہمارے کیس یہاں پر لگتے رہے ہیں، اس کے بعد ملاقاتوں کا سلسلہ شروع ہوا تھا ۔ اُس وقت کوئی زمین آسمان اوپر نیچے نہیں ہوا۔
افغان شہریوں کی واپسی؛ ازالہ شکایات کیلئے وزارت داخلہ میں کنٹرول روم قائم
عمر ایوب کا کہنا تھا کہ بانی پی ٹی آئی سمیت دیگر پی ٹی آئی کی قیادت جو گرفتار ہیں وہ سیاسی قیدی ہیں ۔ مجھ پر بسکٹ چوری تک کے کیس لگائے گئے ہیں۔ ہم لوگ یہاں آئے ہیں اور انصاف کے لیے عدالت کا دروازہ ہی کھٹکھٹائیں گے۔
اپوزیشن لیڈر نے کہا کہ ہم ریاست کا حصہ ہیں، ریاست کی جو تعریف یہ لوگ کرتے ہیں وہ یکسر مختلف ہے۔ عقل کے اندھوں سے کہتا ہوں کے آئین کا مطالعہ کر لیں تو سمجھ آئے گا کہ ریاست کیا ہوتی ہے۔
ہالی ووڈ اداکارہ انجلینا جولی نے فلسطینیوں کے حق میں پوسٹ شیئر کر دی
انہوں نے کہا کہ پاکستان ہارڈ اسٹیٹ نہیں کیوں کہ یہاں قانون کی حکمرانی ہی نہیں،یہاں صرف جنگل کا قانون چل رہا ہے۔ بانی پی ٹی آئی نہ ڈھیل مانتے ہیں نہ ہی ڈیل کو مانتے ہیں۔ بانی کی بہنوں کو سیاست میں لانا ناجائز ہے ، بہنیں بطور فیملی ممبر ملاقات کرتی ہیں۔
انہوں نے اپنے استعفے کی خبروں کی تردید بھی کی اور کہا کہ سیاستدان کو الیکشن اور موت کے لیے ہر وقت تیار رہنا چاہیے ۔ پی ڈی ایم حکومت میں ہم نے دھاندلی کیسے کرلی؟ میرے خلاف امیدوار ہار مان چکے ہیں لیکن ریموٹ کنٹرول والوں کو چین نہیں آرہا۔
نائب وزیراعظم اسحاق ڈار کا ایران اور افغانستان کے وزرائے خارجہ سے ٹیلی فونک رابطہ
Ansa Awais Content Writer
ائیرلائن کی غلطی سے سعودی عرب میں پھنسے 60 عمرہ زائرین دوبارہ ٹکٹ لے کر وطن پہنچے