25 سال بعد اداکاری کا اصل مطلب سمجھ میں آیا، ہریتھک روشن کا انکشاف
اشاعت کی تاریخ: 19th, January 2025 GMT
ریاض : بالی ووڈ کے ’گریگ گاڈ‘ ہریتھک روشن نے اپنی اداکاری کے 25 سال مکمل ہونے پر اپنی جدوجہد اور ترقی پر روشنی ڈالی۔
معروف اداکار کو سعودی عرب کے شہر ریاض میں منعقدہ جوائے ایوارڈز کی تقریب میں فلمی صنعت میں ان کی بے پناہ خدمات پر اعزاز دیا گیا۔
جوائے ایوارڈز کی تقریب میں خطاب کرتے ہوئے ہریتھک روشن نے کہا، ’’یہ ایک شاندار لمحہ ہے۔ میں یہاں ایوارڈ پیش کرنے آیا تھا، لیکن آپ سب کا شکریہ کہ مجھے یہ اعزاز دیا۔ سعودی ولی عہد محمد بن سلمان اور ان کی بصیرت کا شکرگزار ہوں، جنہوں نے ہمیں اس شاندار شام کا حصہ بنایا۔‘‘
اپنے سفر پر تبصرہ کرتے ہوئے ہریتھک نے کہا، ’’یہ 25 سال طویل محسوس ہوتے ہیں، لیکن مجھے یہ تسلیم کرنا ہوگا کہ اداکاری کو سمجھنے میں مجھے اتنا وقت لگا۔ میں ابھی اداکاری کے سفر میں پرواز کے لیے تیار محسوس کر رہا ہوں۔ یہ ایوارڈ میرے دل میں موجود امید اور اگلے 25 سال کے عزم کی علامت ہے۔‘‘
ہریتھک روشن نے 2000 میں فلم "کہو نہ پیار ہے" سے اپنے اداکاری کے کیریئر کا آغاز کیا، جس کی ہدایتکاری ان کے والد راکیش روشن نے کی تھی۔ یہ فلم ایک بڑی کامیابی ثابت ہوئی اور ہریتھک نے بہترین اداکار اور بہترین ڈیبیو کے لیے فلم فیئر ایوارڈز حاصل کیے۔
ہریتھک روشن کی آنے والی بڑی فلم "وار 2" ہے، جس میں وہ کیارا اڈوانی، انیل کپور، اور جونیئر این ٹی آر کے ساتھ نظر آئیں گے۔ یش راج فلمز کے بینر تلے بننے والی یہ ایکشن تھرلر فلم اگست 2025 میں ریلیز ہوگی۔ مزید یہ کہ ہریتھک فلم "الفا" میں بھی ایک مختصر کردار نبھائیں گے، جس میں عالیہ بھٹ اور شرواری واگ اہم کردار ادا کریں گی۔
.
ذریعہ: Express News
پڑھیں:
بھارت، طلبہ نے امتحانی کاپیوں میں جوابات کے بجائے پاس کرنے کیلئے فرمائشیں لکھ دیں
نئی دہلی (اُردو پوائنٹ اخبارتازہ ترین - این این آئی۔ 21 اپریل2025ء)بھارت کی ریاست کرناٹک کے ضلع بیلگام (چکوڈی)میں دسویں جماعت (ایس ایس ایل سی)کے امتحانات کے دوران طلبہ کی طرف سے امتحانی کاپیوں میں لکھی گئی عجیب و غریب درخواستیں اور پیسے ملنے کا انکشاف ہوا ہے۔بھارتی ٹی وی کے مطابق امتحان کی نگرانی کرنے والے اساتذہ نے بتایا کہ کئی طلبہ نے اپنی جوابی کاپیوں میں منت سماجت بھری تحریریں لکھیں کہ انہیں پاس کر دیا جائے۔ بعض طلبہ نے اپنی درخواست کے ساتھ کرنسی نوٹ بھی رکھے تھے۔ایک طالب علم نے اپنی کاپی میں 500 روپے کا نوٹ رکھ کر درخواست کی کہ سر، براہ کرم مجھے پاس کر دیں۔ایک اور طالب علم نے محبت کی دہائی دیتے ہوئے لکھا کہ براہ کرم مجھے پاس کر دیں، میری محبت آپ کے ہاتھ میں ہے، ساتھ ہی 500 روپے کا نوٹ بھی رکھا۔(جاری ہے)
ایک اور دل چسپ تحریر میں طالب علم نے لکھا سر، یہ 500 روپے سے چائے پی لیں اور مجھے پاس کر دیں۔
کچھ طلبہ نے تو کھلے الفاظ میں رشوت کی پیشکش بھی کی کہ اگر آپ مجھے پاس کر دیں تو میں آپ کو مزید پیسے دوں گا۔ایک اور طالب علم نے اپنی تعلیمی مجبوری بیان کرتے ہوئے لکھا اگر آپ نے مجھے پاس نہ کیا تو میرے والدین مجھے کالج بھیجنے سے انکار کر دیں گے۔اساتذہ اور امتحانی بورڈ نے ان حرکتوں کا سخت نوٹس لیا ہے، ابھی تک حکام کی جانب سے مزید کارروائی کے حوالے سے کوئی تفصیلات سامنے نہیں آئیں۔
آزادئ مذہب اور آزادئ رائے کا مغربی فلسفہ