دوسروں پر انگلیاں اٹھانے والے پی ٹی آئی رہنما خود کرپٹ ہیں، پارلیمانی سیکرٹری برائے اطلاعات و نشریات بیرسٹر دانیال چودھری
اشاعت کی تاریخ: 19th, January 2025 GMT
اسلام آباد(نیوز ڈیسک)پارلیمانی سیکرٹری برائے اطلاعات و نشریات بیرسٹر دانیال چودھری نے پاکستان تحریک انصاف (پی ٹی آئی)پر ملک میں افراتفری اور نفرت کی سیاست کو فروغ دینے پر تنقید کی ہے۔اتوار کو اپنے ایک خصوصی انٹرویو کے دوران انہوں نے الزام عائد کیا کہ پی ٹی آئی منافقت کر رہی ہے کیونکہ دوسروں پر انگلیاں اٹھانے والے خود کرپٹ ثابت ہو رہے ہیں۔
انہوں نے مزید کہا کہ پی ٹی آئی کی غلط کاریوں سے متعلق مزید انکشافات مستقبل میں سامنے آئیں گے۔ انہوں نے پی ٹی آئی پر مزید سنگین الزامات عائد کرتے ہوئے دعویٰ کیا کہ اپنے دور حکومت میں انہوں نے عوام کی خدمت پر اپنی جیبیں بھرنے کو ترجیح دی۔ انہوں نے پی ٹی آئی پر عام لوگوں اور تاجر برادری کو ہراساں کرنے کا الزام بھی لگایا اور کہا کہ شہزاد اکبر پر بر تاجروں کو ہراساں کرنے کا الزام بھی عائد کیا۔ ایک سوال کے جواب میں انہوں نے کہا کہ مسلم لیگ (ن) پاکستان کو بحرانوں سے بچانے میں اہم کردار ادا کر رہی ہے۔
مسلم لیگ (ن) کے اقدامات کے نتیجہ میں سی پیک کے تحت رکے ہوئے منصوبوں پر پیش رفت جاری ہے اور نئے منصوبے بھی شامل کئے جا رہے ہیں۔ انہوں نے کہا کہ جب مسلم لیگ (ن) نے حکومت سنبھالی تو پاکستان کو اہم چیلنجز کا سامنا تھا لیکن ہماری کوششوں سے ملک کی معیشت دوبارہ سے نمو پذیر ہے۔ انہوں نے کہا کہ قابل ذکر بات یہ ہے کہ سی پیک جو بیلٹ اینڈ روڈ انیشیٹو کا ایک فلیگ شپ منصوبہ ہےمسلم لیگ (ن) کی قیادت میں زور پکڑ چکا ہے۔
انہوں نے مزید کہا کہ اس جامع منصوبے کا مقصد علاقائی رابطوں کو بڑھانا، اقتصادی ترقی کو فروغ دینا اور پاکستان اور اس سے باہر لوگوں کی زندگیوں کو بہتر بنانا ہے۔ دانیال چوہدری نے کہا کہ ہم فخر سے دعویٰ کر رہے ہیں کہ مسلم لیگ ن ملک کو ترقی کی طرف لے جا رہی ہے۔
.ذریعہ: Daily Mumtaz
کلیدی لفظ: پی ٹی آئی نے کہا کہ انہوں نے مسلم لیگ
پڑھیں:
افغانستان سے بات چیت شروع کرنے پر وفاق دیر آئے مگر درست آئے: بیرسٹر سیف
مشیرِ اطلاعات خیبر پختون خوا بیرسٹر محمد علی سیف— فائل فوٹومشیرِ اطلاعات خیبر پختون خوا بیرسٹر محمد علی سیف نے کہا ہے کہ افغانستان سے بات چیت کا عمل شروع کر نے پر وفاق دیر آئے مگر درست آئے۔
ایک بیان میں مشیرِ اطلاعات خیبر پختون خو ا بیرسٹر محمد علی سیف نے کہا ہے کہ ہماری بار بار اپیل پر افغانستان کے ساتھ بات چیت کا عمل شروع کرنا خوش آئند ہے۔
انہوں نے کہا ہے کہ خیبر پختون خو ا سمیت تمام اسٹیک ہولڈرز کو بات چیت کے عمل میں شامل کیا جانا چاہیے، کے پی حکومت کو نظر انداز کرنا غیر سنجیدگی ہے۔
مشیرِ اطلاعات خیبر پختون خوا بیرسٹر محمد علی سیف نے کہا ہے کہ دہشت گردی کا براہِ راست تعلق افغانستان سے ہے۔
بیرسٹر سیف نے بتایا ہے کہ خیبر پختون خوا دہشت گردی کے خلاف فرنٹ لائن اورسب سے زیادہ متاثرہ صوبہ ہے، افغانستان سے بات چیت کے لیے کے پی حکومت نے3 ماہ پہلے ٹی او آرز وفاق کو بھیجےتھے۔
ان کا کہنا ہے کہ ہمارے ٹی او آرز بات چیت کے عمل کے لیے مددگار ثابت ہو سکتے ہیں، ٹی او آرز میں قبائلی عمائدین سمیت تمام اسٹیک ہولڈرز کا ذکر کیا گیا ہے۔
صوبائی مشیرِ اطلاعت نے یہ بھی کہا ہے کہ اسٹیک ہولڈرز کو اعتماد میں لیے بغیر بات چیت سود مند ثابت نہیں ہو سکتی، خطے میں پائیدار امن کے لیے افغانستان سے بات چیت ناگزیر ہے۔
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟