وزیراعظم کا ’ڈیجیٹل ایف ڈی آئی‘ منصوبے میں پاکستان کی شمولیت کا خیرمقدم
اشاعت کی تاریخ: 19th, January 2025 GMT
وزیراعظم شہباز شریف نے کہا ہے کہ ڈیجیٹل انفرااسٹرکچر، ڈیجیٹائزیشن کو اپنانے، نئے ڈیجیٹل سرگرمیوں کا فروغ اور برآمدات ملک میں براہ راست غیر ملکی سرمایہ کاری (ایف ڈی آئی) کو راغب کرنے کا ایک ذریعہ ثابت ہوسکتے ہیں۔
ڈان اخبار میں شائع رپورٹ کے مطابق انہوں نے اسے ملک میں سرمایہ کاروں کے لیے سازگار ماحول کے قیام کی جانب ایک اہم سنگ میل قرار دیا۔
وزیراعظم آفس کی طرف سے جاری کردہ بیان کے مطابق شہباز شریف نے ورلڈ اکنامک فورم ( ڈبلیو ای ایف) اور ڈیجیٹل کوآپریشن آرگنائزیشن (ڈی سی او) کے مشترکہ ڈیجیٹل فارن ڈائریکٹ انویسٹمنٹ (ایف ڈی آئی) منصوبے میں پاکستان کی شمولیت کا خیر مقدم کیا۔
انہوں نے کہا کہ ’ پاکستان ’ڈبلیو ای ایف فریم ورک‘ کے تحت عالمی سطح پر ڈیجیٹل ایف ڈی آئی کو اپنانے والا پہلا ملک بن گیا ہے۔’
وزیراعظم شہباز شریف نے کہا کہ ڈیجیٹل ایف ڈی آئی کے منصوبے کا مقصد کلیدی اہداف کی نشاندہی کرنا اور ڈیجٹیل ترقی کو آگے بڑھانا ہے۔
ان کا مزید کہنا تھا کہ اس میں ڈیجیٹل انفراسٹرکچر، ڈیجیٹائزیشن اور ڈیجیٹل سروسز کی برآمد پر توجہ مرکوز کرنے والا فریم ورک شامل ہے، انہوں نے زور دیا کہ یہ کوششیں براہ راست غیر ملکی سرمایہ کاری کو ترغیب دے سکتی ہیں۔
وزیراعظم شہباز شریف نے کہا کہ پاکستان جامع ڈیجیٹل معیشت کی طرف گامزن ہے جو پائیدار ترقی اور خوشحالی کی جانب ایک قدم ہے۔
.ذریعہ: Daily Mumtaz
کلیدی لفظ: شہباز شریف نے ایف ڈی نے کہا
پڑھیں:
دنیا زراعت میں ترقی کر کے آگے نکل گئی اور ہم قوم کا قیمتی وقت ضائع کرتے رہے: وزیراعظم
وزیر اعظم شہباز شریف نے کہا کہ دنیا نے زراعت میں بہت ترقی کی اور آگے نکل گئے، ہم قوم کے قیمتی وقت کا ضیاع کرتے رہے۔
وزیراعظم شہباز شریف کی زیر صدارت اجلاس میں قومی زرعی پالیسی کو عصری تقاضوں سے ہم آہنگ کرنے اور نوجوان صلاحیتوں کو بروئے کار لانے پر غور کیا گیا، اس کے علاوہ اجلاس میں تجربہ کار ماہرین کی رہنمائی سے ایک مربوط لائحہ عمل کی تشکیل پر بھی غور کیا گیا۔
پاکستان کی آئی ٹی برآمدات تاریخ کی بلند ترین سطح پر پہنچ گئیں
اجلاس سے خطاب کرتے ہوئے وزیراعظم شہباز شریف کا کہنا تھا کہ پاکستان کو اللہ تعالیٰ نے زرخیز زمین، قابل زرعی ماہرین اور محنتی کسانوں سے نوازا ہے، پاکستان ایک زمانے میں کپاس اور گندم سمیت دیگر اجناس میں خود کفیل تھا، اب گندم کی ہماری فی ایکڑ پیداوار ترقی یافتہ ممالک کے مقابلہ میں کم ہے،ان کا کہنا تھا اللہ نے ہمیں مواقع اور صلاحیتوں سے نوازا ہے لیکن زراعت کے شعبے میں جو ترقی کرنی چاہیے تھی وہ نہیں ہوئی، دنیا نے زراعت میں بہت ترقی کی اور آگے نکل گئے، ہم قوم کے قیمتی وقت کا ضیاع کرتے رہے۔
زلزلے کے شدید جھٹکے
وزیراعظم شہباز شریف کا کہنا تھا زراعت میں آگے بڑھنے کیلئے متعلقہ فریقین کی آراء اور تجاویز کو بغور سنا جائے، پاکستان میں گھریلو صنعت اور ایس ایم ایز میں بے پناہ صلاحیت موجود ہے، آف سیزن اجناس کی اسٹوریج کا خاطرخواہ انتظام نہیں ہے، آف سیزن اجناس کی ویلیو ایڈیشن کیلئے چھوٹے پلانٹس نہیں لگائے گئے۔
اجلاس کے شرکاء نے زرعی ترقی کے لیے جامع اصلاحات اور سائنسی بنیادوں پر حکمت عملی اپنانے کی ضرورت پر زور دیا اور زرعی ڈیجیٹلائزیشن اور مصنوعی ذہانت کے تحت دیہی علاقوں میں اسمارٹ فون اور انٹرنیٹ کی دستیابی بہتر بنانے کی تجاویز پیش کیں،اجلاس میں کسانوں کا مرکزی ڈیٹابیس تشکیل دینے اور زرعی ان پٹس کی ترسیل کے لیے بلاک چین اور کیو آر کوڈ سسٹمز متعارف کرانے کی بھی تجاویز پیش کی گئیں۔
عالمی امن کیلئے اپنا بھر پور کردار جاری رکھیں گے، محسن نقوی
وزیراعظم شہباز شریف نے اس حوالے سے ورکنگ کمیٹیاں فوری تشکیل دینے اور دو ہفتوں میں قابلِ عمل سفارشات پیش کرنے کی ہدایت کی۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی