پورا کھیل ہوتو میچ تین دن سے زیادہ چلنے والا نہیں ،رضوان
اشاعت کی تاریخ: 19th, January 2025 GMT
قومی ٹیم کے بیٹر محمدرضوان نے کہاہے کہ اگر پورے دن کا کھیل ہوتو میچ تین دن سے زیادہ چلنے والا نہیں ،مشکل پچ بنائی ہے تو سامنا کرنا پڑے گا۔اسپنرز کارول ابھی شروع ہوگا ،ملتان اسٹیڈیم میں پریس کانفرنس کرتے ہوئے انہوں نے دعویٰ کیا ہے کہ یہ ٹیسٹ 3دن سے زیادہ نہیں چلنے والا لیکن ساتھ ہی ایسی اسپن پچزکے دفاع میں بات کرتے ہوئے کہاکہ یہی طریقہ ہے ہمارے جیتنے کا، باہر والے ہمارے ساتھ کیا سلوک کرتے ،دکھائی نہیں دیتا، محمد رضوان نے مزید کہا کہ ابھی جنوبی افریقہ میں گئے ،پہلے ٹیسٹ میں ان لوگوں نے ہمارے ساتھ کیا کیا ہے ، سب کے سامنے ہے ۔ چار پیسر کے ساتھ ہم بھی گئے ۔ ایک 125 یا 120 والا فاسٹ بولر اس نے ہمیں مشکل میں ڈالا ہوا تھا ،کیونکہ وہاں سیم ہو رہا ہے انہوں نے اپنی کنڈیشن کا فائدہ لیا ہے ۔ ابھی جو کنڈیشن ٹیم کے بیٹرز کیلئے یہاں ہے ،وہ بھی تھوڑی مشکل ہے ، اس سے پہلے ہم بھی ایسی کنڈیشن پر نہیں کھیلے ۔ مگر اپوزیشن کے لیے یہ سب سے بیسٹ ہے ۔ اگر آپ آسٹریلیا جاتے ہیں تو آسٹریلیا آپ کے ساتھ کیا کرتا ہے ،وہ آپ کے ساتھ یہی کرتے ہیں ۔ سب سے پہلے آپ کو ڈراپ پچز کے بیچ میں ڈال دیتی ہے۔ آپ انڈیا جاتے ہیں تو انڈیا والے کیا کرتے ہیں، سپن کنڈیشن بنالیتے ہیں اپنی فیور کے لیے ، باقی ہم نے بھی تو ان چیزوں کو دیکھنا ہے ۔ اس پچ پر آپ ٹارگٹ سیٹ نہیں کر سکتے ، کیونکہ سب کو پتہ ہے کہ اس میں تو 50 بھی مشکل ہو جاتا ہے ۔ بعض اوقات ایک ایک رنز مشکل بنتا ہے ۔ میرے خیال میں 3 دن کا میچ بنتا ہے ، فاسٹ بالرز کومس کرتے رہیں گے مگر اس وکٹ پر ابھی سپنرز کے لئے بڑی جان ہے ، اگلے دوروز میں ان کا کردار سمجھ میں آجائے گا جتنا اسکور بنا سکے بنائیں گے ۔
.ذریعہ: Juraat
پڑھیں:
جنگل کا قانون نہیں چلنے دیں گے، چین کا امریکا کو کرارا جواب
چین نے امریکا کے ساتھ تجارتی معاہدے کرنے والے ممالک کو خبردار کرتے ہوئے کہا کہ اگر کوئی ملک وقتی مفاد کے لیے دوسروں کے مفاد کو نقصان پہنچاتا ہے تو وہ گویا شیر کی کھال مانگ رہا ہے۔
عالمی خبر رساں ادارے کے مطابق چین نے خبردار کیا ہے کہ امریکا کے ایما پر چین کے مفادات کو نقصان پہنچانے والے معاہدوں سے دور رہیں۔
ترجمان وزارتِ تجارت نے اپنے بیان میں کہا ہے کہ چین اپنے حقوق اور مفادات کا بھرپور دفاع کرے گا اور اگر کسی نے اس کے مفادات کے خلاف معاہدہ کیا تو سخت جوابی اقدامات کرے گا۔
چین کی وزارت تجارت کے ترجمان نے ایک بیان میں امریکا پر الزام لگایا کہ وہ برابری کے نام پر تجارتی شراکت داروں کے ساتھ زیادتی کر رہا ہے اور سب کو جوابی ٹیرف مذاکرات پر مجبور کر رہا ہے۔
ترجمان نے مزید کہا کہ امریکا کا یہ رویہ عالمی تجارتی نظام کو خطرے میں ڈال رہا ہے۔ اگر امریکا کی یک طرفہ پالیسیوں کو قبول کیا گیا تو عالمی نظام "جنگل کے قانون" کی طرف لوٹ جائے گا جہاں طاقتور کمزوروں پر ظلم کریں گے۔
چینی ترجمان نے مزید کہا کہ ہم امریکا کا یہ جنگل کا قانون نہیں چلنے دیں گے اور اپنے مفادات کا بھرپور تحفظ کریں گے۔
یہ بیان ایسے وقت میں سامنے آیا ہے جب امریکا کئی ممالک پر دباؤ ڈال رہا ہے کہ وہ چین کے ساتھ تجارتی روابط محدود کریں تاکہ امریکی ٹیرف میں نرمی حاصل کر سکیں۔
یاد رہے کہ امریکہ نے چین پر 145 فیصد تک کے ٹیرف عائد کر رکھے ہیں جبکہ چین نے بھی جوابی طور پر امریکی مصنوعات پر 125 فیصد ٹیرف نافذ کیے ہیں۔
حماس کا پروفیسر خورشید کے انتقال پر گہرے دکھ کا اظہار