190 ملین پاؤنڈ کیس کا دفاع نہ کرسکے تو مذہب کارڈ کھیلنے کی کوشش کی، عطا تارڑ
اشاعت کی تاریخ: 18th, January 2025 GMT
وزیر اطلاعات عطا تارڑ کا کہنا ہے کہ 190 ملین پاؤنڈ کیس کا فیصلہ خوش آئند ہے، جب یہ کیس کا قانونی دفاع نہ کر سکے تو مذہب کارڈ کھیلنے کی کوشش کی۔
علماء کرام کے ہمراہ لاہور میں پریس کانفرنس کرتے ہوئے عطا تارڑ نے کہا کہ پی ٹی آئی کی طرف سے کہا گیا کہ یہ فیصلہ سیرت النبیﷺ کی تعلیم کے خلاف ہے، کیا لاس اینجلس کی عدالت کا فیصلہ تبلیغ کرنے کی وجہ سے آیا ہے؟ مجھے بتادیں کہ القادر یونیورسٹی میں کون سی مذہبی تعلیم دی جارہی ہے؟
عطا تارڑ نے کہا کہ رشوت، ڈاکے، کرپشن اور غبن کے کیس میں مذہب کو نہیں لائیں، القادر ٹرسٹ سے کابینہ کے کسی رکن نے فائدہ نہیں لیا اس لیے کابینہ ارکان کو سزا نہیں دی گئی۔
وزیر اطلاعات نے کہا کہ اس کیس میں بانی پی ٹی آئی کے پاس مضبوط قانونی گراؤنڈز نہیں ہیں، بانی پی ٹی آئی کی اپیل ایک دو سماعتوں میں ہی فارغ ہوجائے گی۔
عطا تارڑ نے کہا کہ تحریک انصاف کی حکومت نے مانا تھا کہ کرپشن کا پیسا تھا جو واپس آرہا ہے،فیصلے کے خلاف پی ٹی آئی کے لوگ مذہبی ٹچ دے رہے ہیں۔
انہوں نے کہا کہ مذاکرات کا مقصد ڈیل یا این آر او نہیں سیاسی استحکام تھا، گنڈاپور سمیت پی ٹی آئی کے تمام لوگ آف دی کیمرا ہمارے ساتھ شیر و شکر ہوتے ہیں، پی ٹی آئی کے لوگ سڑکوں پر توڑ پھوڑ کے بجائے "اُوو" کرلیا کریں تو زیادہ بہتر ہے۔
عطا تارڑ نے کہا کہ ڈیل اور این آر او کیلئے مذاکرات نہیں ہو سکتے، جائز مطالبات مانے جا سکتے ہیں، 190 ملین اوپن اینڈ شٹ کیس تھا، عدالتی فیصلہ ملکی تاریخ کا اہم ترین فیصلہ ہے، پی ٹی آئی دور میں ایسٹ ریکوری یونٹ بنایا گیا تھا۔
انہوں نے مزید کہا کہ 190 ملین پاؤنڈ کیس میں شواہد کی بنیاد پر سزا ہوئی، 190 ملین پاؤنڈ کیس ملکی تاریخ کا بڑا ڈاکا ہے، اس پیسے سے زمان پارک میں گھر لیاگیا اور پانچ قیراط کی ہیرے کی انگوٹھیاں لی گئی، بتایا جائے کہ بانی پی ٹی آئی کے آمدن کے ذرائع کیا ہیں؟
عطا تارڑ نے یہ بھی کہا کہ 190 ملین پاؤنڈ کیس کی تحقیقات برطانوی ایجنسی نے کی، پی ٹی آئی اپنی چوری چھپانے کیلئے مذہب کا استعمال کر رہی ہے، ذاتی مفاد کیلئے مذہب کا استعمال افسوسناک ہے۔
وزیر اطلاعات نے کہا کہ عدالت نے ٹھوس شواہد کے بنا پر 190ملین پاؤنڈ کیس میں سزا سنائی، کیس میں کوئی قانونی سقم یا ابہام نہیں، القادر یونیورسٹی کو حکومت کی تحویل میں دے دیا گیا ہے، جو لوگ کیس میں مفرور ہیں ان کی گرفتاری کیلئے کوششیں جاری ہیں۔
انہوں نے کہا کہ بانی پی ٹی آئی کبھی بھی صادق اور امین نہیں تھے، اس ملک میں اپیل کا اصول طے ہو جانا چاہیے، سرکار کے پیسے واپس آئیں گے تو ان کو عوام کی فلاح و بہبود کے لیے لگایا جائے گا۔
.
ذریعہ: Jang News
کلیدی لفظ: عطا تارڑ نے کہا کہ ملین پاؤنڈ کیس بانی پی ٹی آئی وزیر اطلاعات پی ٹی آئی کے کیس میں مذہب کا
پڑھیں:
حیدر علی پر عائد عارضی معطلی ختم، پی سی بی نے دوبارہ کرکٹ کھیلنے کی اجازت دے دی
data-id="863a0a8" data-element_type="widget" data-widget_type="theme-post-content.default">
لاہور (اسپورٹس ڈیسک)پاکستان کرکٹ بورڈ(پی سی بی )نے قومی ٹیم کے بیٹر حیدر علی پر عائد عارضی معطلی ختم کرتے ہوئے انہیں دوبارہ کرکٹ کھیلنے کی اجازت دے دی ۔ پی سی بی) تصدیق کی ہے کہ حیدر علی سمیت متعدد پاکستانی کھلاڑیوں کو بنگلادیش پریمیئر لیگ (بی پی ایل) میں شرکت کیلئے این او سی جاری کر دیا گیا ہے۔دیگر کھلاڑیوں میں محمد نواز، ابرار احمد، صاحبزادہ فرحان، فہیم اشرف، حسین طلعت، خواجہ نافع اور احسان اللہ شامل ہیں۔یاد رہے کہ قومی ٹیم کی نمائندگی کرنے والے حیدر علی ستمبر میں مانچسٹر میں ریپ کے الزام سے بری ہونے کے بعد سے کسی بھی میچ میں حصہ نہیں لے سکے تھے۔پاکستان کی جانب سے 35 ٹی ٹوئنٹی اور دو ون ڈے میچز کھیلنے والے حیدر علی پاکستان شاہینز کے ساتھ انگلینڈ کے دورے پر تھے جب ایک برطانوی نژاد پاکستانی خاتون نے مانچسٹر پولیس میں ان کے خلاف ریپ کا مقدمہ درج کروایا تھا۔الزام سامنے آنے کے بعد پی سی بی نے ان کی معطلی کا اعلان کرتے ہوئے معاملے کی مکمل تحقیقات کا انتظار کیا۔تاہم 25 ستمبر کو مانچسٹر پولیس نے عدم شواہد کی بنیاد پر کیس ختم کردیا اور عدالت میں مقدمہ لے جانے کا کوئی جواز نہ ہونے کی تصدیق کی۔الزامات ختم ہونے اور معطلی اٹھائے جانے کے بعد اب حیدر علی بی پی ایل میں اپنی ٹیم کی نمائندگی کے لئے تیار ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر