یو اے ای نے رشتہ داروں یادوستوں کو بلانے کیلئے آن لائن سروس متعارف کروادی
اشاعت کی تاریخ: 18th, January 2025 GMT
دبئی(اردوپوائنٹ اخبار تازہ ترین۔18 جنوری 2025)متحدہ عرب امارات کی وفاقی اتھارٹی برائے شناخت، شہریت، کسٹمز اور پورٹ سیکیورٹی نے یو اے ای میں رہنے والے رہائشیوں کو اپنے دوستوں ورشتہ داروں کو بلانے کیلئے آن لائن ویزاسروس متعارف کروادی، یہ ویزا سروس30سے 90 دنوں تک کارآمد ہوگی اور قیام کے دوران مزید توسیع کیلئے درخواست دی جا سکتی ہے۔۔ آن لائن ویزاسروس کے حصول کیلئے درخواست دینے والے شہری کو اپنا تصدیقی پاسپورٹ ،ہیلتھ انشورنس سرٹیفکیٹ سمیت سفری ٹکٹ کی تمام تفصیلات بھی فراہم کرنا ہونگی۔
متحدہ عرب امارات کی وفاقی اتھارٹی برائے شناخت، شہریت، کسٹمز اور پورٹ سیکیورٹی حکام کے مطابق اس ویزا سروس کے حصول کی سہولت متحدہ عرب امارات کے شہریوں یا غیر ملکی باشندوں کے نہایت قریبی رشتہ داروں کیلئے دی گئی ہے۔(جاری ہے)
حکام کا یہ بھی کہنا ہے کہ آن لائن سروس کے تحت ایک بار یا اس سے زیادہ مرتبہ یو اے ای میں آنے والے افراد کیلئے اس ویزا سروس کی مدت 30سے 90دنوں تک رہتی ہے۔
مزید قیام کے دوران توسیع کیلئے درخواست دی جا سکتی ہے۔ حکام نے مزید کہا ہے کہ وہ یو اے ای میں آنے والے شہریوں کو مقررہ ٹائم سے زیادہ قیام کرنے اور جرمانے سے بچنے کیلئے اپنے ویزا کی مدت تک یہاں رہنے پر زوردیا جاتا ہے۔درخواست دینے والے افراد کلائنٹ اتھارٹی کی ویب سائٹ یا موبائل ایپلیکیشن پر اپنی ڈیجیٹل شناخت کو ظاہر کرکے دی گئی مطلوبہ ویزہ کی قسم اور مدت کا انتخاب کرکے اپنی تفصیلات کی درستگی کی تصدیق کے بعد اپنی درخواست جمع کر کے آسانی سے اس سروس کو حاصل کر سکتے ہیں۔آن لائن ویزا سروس کے حصول کیلئے درخواست گزار کے پاس6 ماہ سے زیادہ کا درست پاسپورٹ، سفری ٹکٹ، درست ہیلتھ انشورنس، اور ویزا ہولڈر کا متحدہ عرب امارات کے شہری کا دوست یا رشتہ دار یا فرسٹ یا سیکنڈ ڈگری کا غیر ملکی رہائشی ہونا ضروری ہے جبکہ غیر ملکی شہریوں کو اتھارٹی کی طرف سے درجہ بندی کے مطابق پہلے یا دوسرے درجے کی نوکری کرنی چاہیے۔متحدہ عرب امارات کی وفاقی اتھارٹی برائے شناخت، شہریت، کسٹمز اور پورٹ سیکیورٹی اتھارٹی کے ڈائریکٹر جنرل میجر جنرل سہیل سعید الخیلی نے اس حوالے سے مزید کہا ہے کہ اس ویزا سروس کو اپنے رشتہ داروں اور دوستوں کو دوبارہ ملانے میں سہولت فراہم کرنے کیلئے ڈیزائن کیا گیا ہے جس سے کمیونٹی میں معیار زندگی بہتر ہو گا۔ان کایہ بھی کہنا تھا کہ اس اقدام کا مقصداپنے دوستوں اور رشتہ داروں کو متحدہ عرب امارات کا دورہ کرنے اوروہاں رہنے اور سرمایہ کاری کے فوائد سے لطف اندوز ہونے کی اجازت دیتا ہے۔ سہیل سعید الخیلی نے آن لائن سروس ویزا کی مخصوص مدت پر عمل کرنے کی اہمیت پر زور دیتے ہوئے متنبہ کیا ہے کہ زیادہ قیام یا ملک چھوڑنے میں ناکامی جیسی خلاف ورزیوں پر انتظامی جرمانے بھی لاگو ہوں گے۔انہوں نے کہا کہ اس اقدام کا مقصدرشتہ داروں کوآپس میں ملانے کی سہولت فراہم کرنا اوریہاں آنے والوں کے مجموعی تجربے کو بڑھانے کیلئے متحدہ عرب امارات کے عزم کی عکاسی کرتا ہے۔.
ذریعہ: UrduPoint
کلیدی لفظ: تلاش کیجئے متحدہ عرب امارات کیلئے درخواست درخواست دی رشتہ داروں ویزا سروس یو اے ای آن لائن سروس کے
پڑھیں:
پاکستان اور متحدہ عرب امارات کے درمیان مختلف مفاہمتی یاد داشتوں پر دستخط
پاکستان اور متحدہ عرب امارات کے درمیان مختلف مفاہمتی یاد داشتوں پر دستخط WhatsAppFacebookTwitter 0 21 April, 2025 سب نیوز
اسلام آباد:پاکستان اور متحدہ عرب امارات (یو اے ای) کے درمیان مفاہمت کی مختلف یادداشتوں پر دستخط کر دیے گئے، شیخ عبداللہ بن زاید کا کہنا تھا پاکستان کے ساتھ تعلقات کو مزید مضبوط کریں گے جبکہ اسحاق ڈار نے کہا کہ دونوں ممالک بہت سے منصوبوں پر مشترکا کام کررہے ہیں۔
نائب وزیراعظم اسحاق ڈار اور نائب وزیراعظم و وزیر خارجہ یو اے ای نے مفاہمتی یادداشتوں پر دستخط کی تقریب میں شرکت کی، اس موقع پر یاد داشتوں پر دستخط کئے گئے، دونوں ممالک کے نائب وزرائے اعظم کے درمیان مفاہمتی یادداشت کا تبادلہ بھی ہوا۔
اس موقع پر قومی ورثہ ثقافت ڈویژن اور وزارت ثقافت یو اے ای کے درمیان ثقافتی تعاون کی یادداشت پر دستخط کیے گئے، خارجہ وزارتوں کے درمیان قونصلر امور کیلئے مشترکہ کمیٹی کے قیام پر تعاون کی یادداشت پر بھی دستخط ہوئے۔
اس کے علاوہ یو اے ای پاکستان مشترکہ بزنس کونسل کے قیام کیلئے تعاون کی یادداشت پر بھی دستخط کیے گئے، یہ معاہدہ فیڈریشن آف پاکستان چیمبر آف کامرس اور یو اے ای ایوان صنعت و تجارت کے درمیان طے پایا۔
قبل ازیں متحدہ عرب امارات (یو اے ای) کے نائب وزیراعظم شیخ عبداللہ بن زاید النہیان دفتر خارجہ پہنچے جہاں نائب وزیراعظم اسحاق ڈار نے مرکزی دروازے پر معزز مہمان کا استقبال کیا، دونوں رہنماؤں نے گرمجوشی سے مصافحہ کیا۔
نائب وزیراعظم اسحاق ڈار نے یو اے ای کے نائب وزیراعظم سے اپنے وفد کا تعارف کرایا۔
اس موقع پر متحدہ عرب امارات (یو اے ای) کے نائب وزیراعظم اور وزیر خارجہ شیخ عبداللہ بن زاید النہیان کے اعزاز میں دفتر خارجہ میں استقبالیہ تقریب کا انعقاد کیا گیا۔
تقریب میں وزیر خارجہ اسحاق ڈار کا کہنا تھا کہ معزز مہمان کو اپنے گھر آمد پر خوش آمدید کہتا ہوں، خواہش ہے کہ آپ کا دورہ پاکستان مفید ثابت ہو، پاکستان اور متحدہ عرب امارات کے درمیان برادرانہ تعلقات ہیں، ہم بہت سے منصوبوں پر مشترکہ طور پر کام کر رہے ہیں۔
یو اے ای کے نائب وزیراعظم شیخ عبداللہ بن زاید النہیان نے کہا کہ پر تپاک استقبال پر نائب وزیراعظم پاکستان اسحاق ڈار کا شکر گزار ہوں، پاکستان کے ساتھ تعلقات کو مزید مضبوط کریں گے، پاکستان کے لوگ یو ای اے کی ترقی میں اہم کردار ادا کر رہے ہیں، پاکستان کے ساتھ تجارت اور سرماری کاری سمیت مختلف امور پر بات چیت ہوگی۔
خیال رہے کہ یو اے ای کے نائب وزیراعظم شیخ عبداللہ بن زاید النہیان 2 روزہ سرکاری دورے پر پاکستان میں ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرارشد محمود ملک کا تبادلہ، وزیراعظم سیکرٹریٹ میں بطور سپیچ رائٹر تعینات ارشد محمود ملک کا تبادلہ، وزیراعظم سیکرٹریٹ میں بطور سپیچ رائٹر تعینات پوپ فرانسس 88 سال کی عمر میں انتقال کر گئے وزیر اعظم کے اسپیچ رائٹر ارشد محمود ملک کا تبادلہ دوسری شادی کرنے کی صورت میں بچے کی کسٹڈی کا حق دار کون؟ عدالت کا بڑا فیصلہ سامنے آگیا پاکستانی ٹیکسٹائل برآمدات بلند ترین سطح پر پہنچ گئیں، وزیراعظم کا خراج تحسین واشنگٹن کے ساتھ تجارتی سودے ہمارے کھاتے میں نہ کیے جائیں … چین کا انتباہCopyright © 2025, All Rights Reserved
رابطہ کریں ہمارے بارے ہماری ٹیم
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی